Туул, Тэрэлж, Хэрлэн голд завьт эргүүл ажиллана | News.MN

Туул, Тэрэлж, Хэрлэн голд завьт эргүүл ажиллана

Туул, Тэрэлж, Хэрлэн голд завьт эргүүл ажиллана

Туул, Тэрэлж, Хэрлэн голд завьт эргүүл ажиллана

Иргэдийг голын усны ослоос урьдчилан сэргийлэх, авран хамгаалах, аюулгүй байдлыг хангах зорилгоор Туул, Тэрэлж, Хэрлэн гол дагуу завьт эргүүл ажиллана.Тодруулбал Нийслэлийн Засаг Даргын шийдвэрээр Онцгой байдлын газар, нийслэлийн Цагдаагийн удирдах газрын бүрэлдэхүүн хамтран Хэрлэн, Тэрэлж, Туул гол, голын тогтоол усанд иргэд осолдохоос урьдчилан сэргийлж Багануур дүүргийн Хэрлэн голын дагуу Дивизийн гармаас Хадан хошуу, Налайх дүүргийн Тэрэлжийн /гарам/ голоос Майхан Уул, Баянзүрх дүүрэг Хар усан тохойгоос Хан-Уул дүүргийн Хадан хясаа хүртэл Туул гол дагуу 2021 оны 06 дугаар сарын 10-ны өдрөөс 09 дүгээр сарын 15-ны өдрийг хүртэл хугацаанд завьт эргүүл иргэдийн  аюулгүй байдлыг хангаж ажиллах юм.

Нийслэлийн хэмжээнд он гарсаар голын усны осолтой холбоотой 13 дуудлага мэдээллийн дагуу Онцгой байдлын газрын алба хаагчид шуурхай ажиллаж 33 иргэний амь насыг авран хамгааллаа.

Өнгөрсөн онд завьт эргүүлийн бүрэлдэхүүн үүрэг гүйцэтгэх хугацаанд үер, усны ослын 37 удаагийн дуудлагаар 66 иргэний /45 том хүн, 21 хүүхэд/ амь насыг аварч,   усанд осолдсон 14 том хүн, 5 хүүхдийг гаргаж холбогдох байгууллагад хүлээлгэн өгсөн байна.

Завьт эргүүлийг ажиллуулснаар нийслэлийн хэмжээнд голын усны ослын эрсдэл буурч,  аврах, эрэн хайх ажиллагааг шуурхай зохион байгуулах ач холбогдолтой юм гэж нийслэлийн Онцгой байдлын газраас мэдээллээ.

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-27 58.108.51.214

Demii zaviar yavaad yahav Tuunii orond erguul gargaj ergiig ni gazriig ni hamgaal

NewsMN Гар утасны хувилбар Татах
NEWS.mn

Мэдээллийн эх сурвалж