Халдварт өвчин судлалын үндэсний төв /ХӨСҮТ/-ийн  захирал асан  Д.Нямхүү өнгөрсөн хоёрдугаар сарын 18-нд  ажилд эргүүлэн томилуулах нэхэмжлэлийг Сүхбаатар дүүргийн Иргэний анхан шатны шүүхэд гаргасан.

Тэгвэл тус дүүргийн Иргэний хэргийн анхан шатны шүүх энэ  сарын 27-ны өдөр 16:00 цагаас Д.Нямхүүгийн нэхэмжлэлтэй Эрүүл мэндийн яаманд холбогдох хэргийн шүүх хуралдааныг хийхээр товлосон байна. Түүнийг нэгдүгээр сарын 21-ний өдөр Эрүүл мэндийн сайд асан С.Мөнхсайханы тушаалаар ажлаас нь чөлөөлсөн. Гэвч тэрбээр өөрийг нь үндэслэлгүйгээр халсан гэж үзэж ийнхүү  шүүхэд хандаад байна.

Д.Нямхүүгийн хувьд ХӨСҮТ-д 1997 оноос эхлэн ажиллажээ. 2007 онд сонгон шалгаруулалтад нь тэнцээд тус төвийн захирлаар томилогдсон бөгөөд  өнгөрсөн хугацаанд  дөрвөн  удаа албан тушаалаас нь түдгэлзүүлэх шийдвэр гарч байжээ.