Хар мөөгөнцрийн халдвар авсан хүний тоо 8800 болжээ | News.MN

Хар мөөгөнцрийн халдвар авсан хүний тоо 8800 болжээ

Хар мөөгөнцрийн халдвар авсан хүний тоо 8800 болжээ

Хар мөөгөнцрийн халдвар авсан хүний тоо 8800 болжээ

Энэтхэгт цар тахлын халдвар буурахгүй байгаа энэ үед нэн ховорт тооцогддог, үхлийн аюултай хар мөөгөнцрийн халдвар эрчимтэй дэгдсээр халдварын тохиолдол өдгөө 8800 гаруй болжээ. Энгийн үед нэн ховорт тооцогддог хар мөөгөнцөр нэрээрээ илүү танил мукормикоз өвчин бол хамрын хөндийд ургаж, тархи, уушги, элэг гэх мэт бусад эрхтэнд нөлөөлдөг, тэгэхдээ халдварласан хэсгийнхээ ойролцоох эд эрхтэн, яс, зөөлөн эд, махыг эмчилгээ авахааргүй болтол идэж устган гэмтээдэг ноцтой аюултай өвчин юм. Тус өвчинд эмийн эмчилгээ байдаг хэдий ч ихэнх тохиолдолд мөөгөнцрийг тархинд хүрэхээс өмнө даруй өрөөсөн нүдийг авч, хагалгаа хийхээс өөр аргагүй, эс бөгөөс нас барах эрсдэл өвчний үе шатнаас хамаараад 46-96 хувь байдаг аж.

Хэдийгээр нэн ховор тохиолддог боловч эл өвчин сүүлийн үед Энэтхэгийн цар тахлын халдвар аваад эмчлүүлж буй болон эдгэсэн өвчтөнүүдийн дунд хурдтай тархаж байна. Эмч нарын үзэж байгаагаар халдвар тархахад цар тахлын эмчилгээнд хэрэглэж буй эм, өвчтөнүүдийн оношлуулаагүй удаж, хүндэрсэн чихрийн шижин ихээр нөлөөлж байж магадгүй гэнэ.

Тус өвчин энэтхэгийн 16 орчим мужид голомт үүсгэн халдварлаж байгаа бөгөөд эрх баригчдын тушаалаар нийт 29 мужид хар мөөгөнцрийг эпидемик халдвар хэмээн албан ёсоор зарлаад байна. Эмнэлгүүд цар тахлын халдвар авсан өвчтөнүүдээр дүүрч, ачааллаа дийлэхгүй байгаа тул хар мөөгөнцөрт зориулсан тусдаа тасаг байгуулж буй хэдий ч шинэ тасгууд түргэн хугацаанд дүүрч, өвчтөнүүдэд хүрэлцэхгүй байгаа гэнэ.

Холбоотой мэдээ

Энэтхэгт цар тахлын хажуугаар хар мөөгөнцөр дэгджээ

Энэтхэгт цар тахлын хажуугаар хар мөөгөнцөр дэгджээ

Мукормикоз өвчнийг үүсгэгч мукормицет мөөг ихэвчлэн хөрс, ургамал, ялгадас, ялзарсан жимс, хүнсний ногоонд байдаг салст бүрхүүлийн хөгцнөөс илэрдэг бөгөөд агаарт тархсанаар хүн, амьтны хамрын салстад наалддаг байна. Энгийн үед хүний хамрын салстад наалдсан мукормицет мөөг цаашид өвчин үүсгэх нь ховор байдаг ч Энэтхэгийн хувьд оношлуулж, эмчилгээ хийлгээгүй удсан хүнд хэлбэрийн чихрийн шижинтэй хүн олон байгаагийн дээр цар тахлаас болж тэдгээр өвчтөнүүдийн дархлаа эрс муудах нь хар мөөгөнцөр хүндрэх гол шалтгаан болж байгаа юм.

Эх сурвалж: BBC

Энэ мэдээнд өгөх таны сэтгэгдэл?
25
ХарамсалтайХарамсалтай
2
ГайхмаарГайхмаар
2
БурууБуруу
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-24 202.21.107.126

Агуу Энэтхэг орныг оюун санааны их хөршийг маань Бурхан тэнгэр авралдаа багтааж хайрлаач. Монголчуудаа залбирцгаагаарай

Avatar

Зочин 2021-05-24 139.5.218.175

Ямар аймар өвчин бэ? Хөрсний бохирдол нөлөөлсөн болж таарах нь. Монголоор дүүрэн байгаа энэ нүхэн жорлонгуудыг алга болгохгүй бол иймэрхүү аюулт өвчин гарч ирэхийг хэн байг гэх вэ. Жоохон бороо ороход үер бууж заваарсан баас шээсийг тараагаад хаячихдаг. Энэ бол аюул шүү, Үүнтэй тэмцэж хөрсний бохирдлыг үгүй хийж чадвал жинхэнэ баатар болно доо.

Avatar

хар мөөгөнцөр 2021-05-24 49.0.142.95

ковид вирусаар өвчилснөөс болов уу, эмчилгээний аргаас болов уу мэдэхгүй байна гээд байсан. ковид вирусээс байх.

Avatar

Зочин 2021-05-24 202.21.108.230

Монголын биологийн з****г

Avatar

Зочин 2021-05-24 202.21.124.17

WHOм аас тайлбарласан байна лээ. Эдгээр хүмүүс ихэвчлэн өөрсдийгөө чихрийн шижинтэй байсныг мэдээгүй, цусан дахь сахарын хэмжээгээ үздэггүй, мөн эдгэрсэний дараа дархлаа сэргэж цусан дахь сахар ихээр нэмэгддэг учир мөөгөнцөр үржих таатай нөхцөл үүснэ. Эмээ л уусан бол 8800 хүн аврагдах байлаа.

Avatar

Зочин 2021-05-24 202.21.124.17

Эрүүл мэндийн боловсрол, эмч нарын хомсдол нөлөөлсөн байх оо.

NewsMN Гар утасны хувилбар Татах
NEWS.mn

Мэдээллийн эх сурвалж