Томилолт: Ерөнхий сайд Ульхан боомтод ажиллав | News.MN

Томилолт: Ерөнхий сайд Ульхан боомтод ажиллав

Томилолт: Ерөнхий сайд Ульхан боомтод ажиллав

Томилолт: Ерөнхий сайд Ульхан боомтод ажиллав

Монгол Улсын  Ерөнхий сайд Л.Оюун-Эрдэнэ  Дорнод аймгийн Баян-Уул сумын хилийн Ульхан боомтод ажиллалаа. Монгол Улс хилийн 26 боомттой, үүний 13 нь ОХУ-тай, 13 нь БНХАУ-тай холбогддог. Дорнод аймаг Хавирга, Эрээнцав, Ульхан, Баянхошуу, Сүмбэр гэсэн таван боомттой бөгөөд нэг нь ч хатуу хучилттай автозамгүй юм.

Ульхан боомт хоёр талын зэрэглэлтэй, байнгын горимтой бөгөөд жилд дунджаар 4,000-5,000 зорчигч, 1,000 гаруй тээврийн хэрэгсэл нэвтэрч 18 орчим тн ачаа тээвэрлэдэг. Зорчигчдын 70 хувь нь монгол, 30 хувь нь гадаадын иргэн байна. Гаалийн салбар 2019 онд импортын гаалийн зургаан бүрдүүлэлтээр 17 сая төгрөгийн татвар төвлөрүүлсэн. Цар тахлаас болж 2020 оны 03 дугаар сараас хойш үйл ажиллагаа явуулаагүй тухай хилийн дугаар ангийн захирагч, хурандаа О.Баттулга танилцууллаа.

Ерөнхий сайд Л.Оюун- Эрдэнэ “Монгол Улс далайд гарцгүй орон. Тиймээс бид төмөр зам, автозам, агаарын замаа хөгжүүлж байж л асуудлыг шийдэх боломжтой. Нэг үгээр хэлбэл хилийн боомтуудаа эхний ээлжинд авто замаар холбох ёстой. Ингэж чадвал экспорт, импортын урсгал сайжирна. Нөгөө талаас аялал жуулчлал, ачаа тээврийн татан авалт нэмэгдэхийн хирээр нөөц боломжууд нээгдэх юм. Үүнийг даган зүүн бүсийн эдийн засаг, үйлдвэрлэл үйлчилгээ тэлж, иргэдийн амьжиргаа эрс сайжирна” гэдгийг тэмдэглэлээ.

Засгийн газар ОХУ-тай холбогдох Ульхан, БНХАУ-тай холбогдох Хавирга  боомтын хүчин чадлыг нэмэгдүүлж, төвлөрсөн аялал жуулчлалын бүсүүдтэй автозамаар холбох зорилт тавьж байна. Тодруулбал, ОХУ-ын Приморск, Хабаровскийн бүс нутагт жилд 10 гаруй, БНХАУ-ын ӨМӨЗО, Жилин, Хейлонжианг, Лиаоинингийн болон хил залгаж буй бүс нутагт жилд 310 гаруй сая жуулчин аялж байна. Дээрх жуулчдын 0.06 хувийг Монгол Улсад татахад л зүүн бүсэд жилд аялах жуулчдын тоо 200 мянгад хүрч, аялал жуулчлалаас 150 тэрбум төгрөгийн орлого олох боломжтой юм.

Норовлин-Баян-Уул чиглэлийн 71 км, Баян-Уул-Ульхан чиглэлийн 46 км, Чойбалсан-Хавирга чиглэлийн 124.5 км замыг хатуу хучилттай болгосноор ОХУ, БНХАУ-аас ирэх зорчигч, тээврийн хэрэгслийн тоо 30-50 хувиар нэмэгдэх боломжтой. Мөн зорчигч тээврийн аюулгүй, ая тухтай зорчих нөхцөл сайжирч хямд төсөр бараа, үйлчилгээний эргэлт  нэмэгдэн, бус нутагт аялал жуулчлал, үйлдвэрлэл үйлчилгээ хөгжих нөхцөл бүрдэнэ. Ингэснээр бүс нутгийн нийгэм, эдийн засгийн хөгжил олон талаар идэвхжих юм.

Боомтуудыг автозамаар холбосноор эдийн засгийн үр ашиг гарч буй сайн жишээ бол Увс аймгийн Боршоо боомт. 1975 онд байгуулагдсан энэ боомт хоёр талын зэрэглэлтэй, байнгын ажиллагаатай. Увс аймгийн Улаангом хоттой 116 км хатуу хучилттай замаар холбогдсон боомтоор жилд дунджаар 40 мянган жуулчин нэвтэрч, улсын төсөвт 40 гаруй сая ам.долларын орлого оруулж байна.

Ерөнхий сайд Л.Оюун-Эрдэнэ 2024 онд багтааж Чингис хот-Ульхан чиглэлийн замыг хатуу хучилттай болгох, боомтын цогцолбор барихад шаардагдах хөрөнгийн асуудлыг судалж шийдвэрлэх үүрэг, чиглэлийг Зам, тээврийн хөгжлийн болон Сангийн сайд нарт өгөв гэж Засгийн газрын Хэвлэл мэдээлэлтэй харилцах газраас мэдээллээ.

Энэ мэдээнд өгөх таны сэтгэгдэл?
5
ЗөвЗөв
2
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-22 202.179.24.223

Буряад залуу Буряадруга зам тавиадл

Avatar

Иргэн 2021-05-22 202.9.40.175

400.000.000.00/ Дөрвөн зуун сая / Жуулчин шүү.

Avatar

Зочин 2021-05-22 139.5.218.104

Ульлхан тийм чухал боомт бишээ Бичигтын боомтыг зам тавиад Томруулвал хоер дахь Замын Уд гэсэн уг илуу ирээдуйтэй шуу Ульханаар хаа хурэх вэ Оросын зэлууд тосгон орно хэнд хэрэгтэй юм бэ еренхий сайд юу л хийх гээд бн даа Хэнтийн засаг дарга шиг бж болохгуй ээ хе

Avatar

Зочин 2021-05-22 139.5.219.204

Сайн хянахгүй бол ч хар шар тамхи энэ тэр нь орж ирэх вий

Avatar

Зочин 2021-05-22 66.181.178.212

Жилд 18 тн ачаа эргэлттэй гэхээр боомт гэхэд хэцуу л юм даа, ганзгачид л орж гарч байдаг газар бололтой юм аа даа

Avatar

zochin 2021-05-22 203.91.115.40

Төрж өссөн газар минь байна даа гэж…

Avatar

Зөв 2021-05-22 103.212.119.67

Замыг нь маш сайн тавих хэрэгтэй

Avatar

Зочин 2021-05-22 202.9.46.225

урьхан биш юм уу, ульхан гэш

Avatar

Би Монгол хүн 2021-05-22 203.23.49.49

Хятадруу хандрахаа боль Бид нар өвөр Монголчуудын замналаар явмааргүй байна.

Avatar

Зочин 2021-05-22 66.181.161.84

Хятадтай хилээ 100% хаагаад ганцхан сар болоод үз л дээ, та нар?!!! Мах, гурилаас өөр хүнсээр өөрийгөө бүрэн хангаж чаддаггүй улс яахыг үз л дээ!!! Өмсөх дотуур хувцас (бандага) ч үгүй хоосорно доо!!!

Avatar

Зочин 2021-05-22 202.179.24.223

Hunsnii buteegdhun goldu Orsoos orj irdeg

Avatar

zochin 2021-05-22 203.91.115.40

Ульхан хятадтай хиллэдэг боомт биш, Орос руу Чита руу гардаг боомт

Avatar

Үр ашиг 2021-05-22 202.21.108.202

Ганц машин ачаа орж ирдэг юм уу тэгээд..

Avatar

бодол минь 2021-05-22 64.119.24.146

Хилийн боомт бол хүмүүс суурьших,амьдрал дээшлэх чухал цэгүүд гэдгийг анхаарсан байна.Тэнд мах,түүхий эдийн зоорь-агуулахууд ,жижиг үйлдвэрүүд барихсан.

NewsMN Гар утасны хувилбар Татах
NEWS.mn

Мэдээллийн эх сурвалж