УОК-оос аж ахуйн нэгжийн үйл ажиллагааг шат дараатайгаар нээж байгаа билээ. Саун, бассейн, фитнес, кофе шоп зэрэг 4 төрлийн байгууллагын үйл ажиллагааг өнгөрөгч Бямба гаригт нээсэн.

Тэгвэл өнөөдрөөс  зах худалдааны төв, амралт жуулчны бааз,  ресторан, цайны газар, зочид буудлуудын үйл ажиллагаа нээгдэж байна.  УОК-ын шийдвэрийн дагуу  тавдугаар сарын 22-ноос эхлэн вакцины хоёрдугаар тундаа хамрагдаад 14 хоносон иргэн ямар нэгэн хязгаарлалтад орохгүй болсон.

Өөрөөр хэлбэл, вакцины 2 дахь тундаа хамрагдаад  14 хоносон иргэдэд хоол үйлчилгээний газрууд, зочид буудал (Дэн буудал ажиллахгүй), амралт, сувиллын газрууд гэр бүлийн хүрээнд давтан тун авсан иргэдэд нээлттэй. Харин үзвэр үйлчилгээ, караоке, бар зэргийг дараагийн шатны эрсдэлийн үнэлгээн дээр үндэслэн нээх эсэхийг шийдэх  аж.

Б.ТАМИР