Боловсрол шинжлэх ухааны сайд Л.Энх-Амгалан  руу хутгатай этгээд дайрч, биед нв халдсан хэрэг өчигдөр орой яамных нь ойролцоо гарчээ.  Гэмт этгээдийг Д.Совд гэдэг юм байна.  Тэрбээр   бага насны хүүхдүүдэд  covid-19-ийн эсрэг вакцин хийхийг эсэргүүцэж, ийм үйлдэл гаргасан бололтой. Одоогоор УОК болон салбарын яамнаас бага насны хүүхдүүдэд цар тахлын эсрэг вакцин хийнэ гэсэн шийдвэр  гаргаагүй байгаа юм.

Д.Совд нь УИХ-ын сонгуулийн 17 тойрогт бие даан Л.Энх-Амгалантай өрсөлдөж байжээ.  2016-2018 онд ХХААХҮЯ-нд Хяналт шинжилгээ дотоод аудитын газрын дарга хийж байсан. Түүнийг УИХ-ын гишүүн Ц.Даваасүрэнтэй ойрхон ажилладаг байсан гэх мэдээлэл ч байна.

Жилийн өмнө буюу УИХ-ын сонгуулийн өмнө тэрбээр УИХ-ын гишүүд хэрхэн хөлжиж, хөрөнгөжиж, төрийн алба танил тал ах дүүгийн хэлхээ холбоо болон хүчирхэгжиж, иргэн хүн хүчгүйдэж буйг харж болох олон талт судалгааг хийсэн талаараа хэвлэлийнхэнд мэдээлж, АТГ-д нэр бүхий гишүүдийг шалгуулах хүсэлтэй байгаагаа нэрлэсний дунд БШУ-ны сайд Л.Энх-Амгалангийн нэр дурдагдаж байлаа.

 Б.БАТ