Батлан хамгаалах салбарын алба хаагчдад орон сууцны гэрчилгээ гардуулав | News.MN

Батлан хамгаалах салбарын алба хаагчдад орон сууцны гэрчилгээ гардуулав

Батлан хамгаалах салбарын алба хаагчдад орон сууцны гэрчилгээ гардуулав

Батлан хамгаалах салбарын алба хаагчдад орон сууцны гэрчилгээ гардуулав

Батлан хамгаалах, Зэвсэгт хүчний зарим алба хаагч, тэтгэвэр, чөлөөнд байгаа ахмад дайчдад орон сууц эзэмших эрхийн гэрчилгээ гардуулах ёслолын ажиллагаа өнөөдөр (2021.05.21) боллоо. Гэрчилгээг Монгол Улсын Засгийн газрын гишүүн, Батлан хамгаалахын сайд Г.Сайханбаяр, Төрийн нарийн бичгийн дарга, бригадын генерал Д.Ганхуяг, Тусгай хүчний цэргийн командлагч, бригадын генерал Б.Баатар, БХЯ-ны Төрийн захиргааны удирдлагын газрын дарга, хурандаа Ч.Гандирваа нар гардуулан өглөө.

Батлан хамгаалахын сайд Г.Сайханбаяр “Алба хаагчдын хувьд орон сууц нь нийгмийн хамгааллын хамгийн чухал асуудал байдаг. Салбарын удирдлагын зүгээс энэхүү асуудлыг шийдвэрлэхэд онцгой анхаарч ирснийг энд хэлэх нь зүйтэй. 2020 оны зургадугаар сард Засгийн газрын хуралдаанаар байгууллагын мэдлийн орон сууцыг оршин суугчдад нь хувьчлах тухай асуудлыг шийдвэрлэж, тухайн үед нь батламж өгч байсан бол өнөөдөр Өмчлөх эрхийн гэрчилгээг гардуулж байгаадаа баяртай байна. Энэ хугацаанд орон сууцны ашиглалт, хамгаалалтыг сайжруулах чиглэлээр БХЯ-ны Барилга захиалагчийн алба, Зэвсэгт хүчний 310 дугаар ангийнхан идэвх санаачилгатай ажиллаж ирсэн. Одоогоос та бүхэн “СӨХ”-өө байгуулж, орон сууцаа өөрсдийн менежментээр хариуцан авч яваарай” гэсэн юм.

Монгол Улсын Засгийн газрын “Орон сууц хувьчлах тухай” 56 дугаар тогтоолын хэрэгжилтийг хангаж байгууллагын мэдлийн 602 орон сууцыг ийнхүү оршин суугчдад нь 70-100 хувь хүртэл хөнгөлж, хувьчлан өглөө.

Албан тушаалын орон сууцнуудыг хувчилснаар цэргийн алба хаагчид өөрсдийн өмчтэй болж, хувьчилсан байрнуудын ашиглалт сайжирч, орон сууцанд орох өргөдөл өгсөн хэдий ч шийдвэрлэгдээгүй байгаа алба хаагчдад зориулсан орон сууц барих хөрөнгө төвлөрч, Батлан хамгаалах салбарын алба хаагчдын нийгмийн асуудлыг тодорхой хэмжээнд үе шаттайгаар шийдвэрлэх боломж бүрдэнэ гэж албаныхан үзэж байна.

Б.ЖАРГАЛ

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-21 202.21.120.205

oron suutsnii urugdul uguud 25 jil hariu huleej baina, ene yanzaar naashtai hariu huleegeed nas mini hurehgui ni yum bainaa Batlan hamgaalahin saidaa

Avatar

Хүлээгээд нэмэргүй 2021-05-21 202.126.90.76

Таны орох ёстой байрынд Сайханбаяр сайд бусад генерал дарга нарын хамт ороод авчихсан.Одоо дамлаад зарна.

Avatar

сайханбаяр аа, битгий худлаа шоуд. 2021-05-21 202.126.88.53

Наанаа алба хаагчдаа харж үзэж гийгүүлж байгаа мэт боловч цаанаа өөрсдийнхөө эрх мэдэл албан тушаалаа ашиглаж авчихаад түүнийгээ олон жил бусдад түрээслүүлж ашиг олчихоод одоо маш хямдхан үнээр зүгээр шахуу хувьчилж аваад дамлаж зарж ашиг олж болж байгаа Батлан хамгаалахын сайд болон БХЯ, ЗХЖШ-ын генерал хурандаа нарын авлигын гэмт хэрэг юм:Морьтын хишиг явганд гэгчээр тэднйи сүүдэр далбаан дор голцуу өөрсдийнх нь гар хөл болсон офицер ахлагч нар зүгээр шахуу байртай болсон.

Avatar

Зочин 2021-05-21 1.231.177.4

надад байр өг. хамгийн том дэлгүүр гуанзыг надад өг. өхгүй бол тэмцэцгээе хэнд ннь өгөөд хэнд нь өхгүй байгаан адилхан монголын иргэд . ардчилсан намынхан хамаг газарб айшинг үнэгүй авчаад үнэтэй зараад байна. үнэгүй өг гэж нэхэцгээе

NewsMN Гар утасны хувилбар Татах
NEWS.mn

Мэдээллийн эх сурвалж