"Эхээсээ төөрсөн Мишаг хүнд дасгахгүйг хичээж байна" | News.MN

"Эхээсээ төөрсөн Мишаг хүнд дасгахгүйг хичээж байна"

"Эхээсээ төөрсөн Мишаг хүнд дасгахгүйг хичээж байна"

"Эхээсээ төөрсөн Мишаг хүнд дасгахгүйг хичээж байна"

Хөвсгөл аймгийн Эрдэнэбулган сумын нэгэн малчин айлд тавдугаар сарын 16-ны өдөр эхээсээ төөрсөн бамбарууш ирсэн бөгөөд түүнийг байгаль дээр буцааж тавих шийдвэр гаргаад байсан юм. Гэвч иргэдийн хүсэлт болон мэргэжлийн байгууллагын дүгнэлтээр нэг сар тэжээн амьдрах чадвартай болохоор нь буцааж тавихаар болжээ. Ингээд бяцхан Миша бамбаруушийн талаар Хөвсгөл аймгийн Эрдэнэбулган сумын Байгаль орчин, тогтвортой хөгжлийн бодлогын тасгийн дарга Г.Баярбатаас тодрууллаа.


-Эхээсээ төөрсөн бамбарууш хаанаас олдсон бэ?

-Нутгийн малчин бидэнтэй холбогдоод "Манай хотонд бамбарууш ирээд байна. Эхээсээ төөрчихсөн юм шиг байна. Эх нь ойр хавьд үзэгдэхгүй юм. Сум орон нутаг хараа хяналтандаа авах уу"  гэж асуусан. Бамбаруушийг буцаагаад байгальд тавьсан ч эхийгээ олж чадахгүй эргэж ирээд байсан. Тэгээд манай шуурхай баг хуралдаж, Эрдэнэбулган суман дээр авчирсан. Өчигдөр байгаль дээр нь буцааж тавих шийвэртэй байсан ч аймгийн шуурхай баг, сумын шуурхай багтай хуралдаад яам тамгын газраасаа зөвшөөрөл авч, ямар ч байсан амьдрах чадвартай болтол нэг сар орон нутагт нь тэжээхээр болоод байна. Хэрэв байгаль дээр нь тавьбал бол бие дааж амьдрах ямар ч чадваргүй байсан.

Бамбарууш маань Үүрийн голын орчмоос олдсон. Тэр үед цас бороо, шар усаар гол нэлээн үерлэсэн байсан. Үерээс болж эхээсээ төөрсөн ч байх магадлалтай. Тухайн орчимд төв замтай учир эх нь машин унаанаас үргээд зугтсан болов уу, тэгээд хоорондоо салсан байх гэж таамаглаж байгаа.

-Хэдэн сартай бамбарууш бол. Анх ямар байдалтай байсан бэ. Одоо ямар хоол, хүнс өгч байгаа вэ?

-Эхээсээ төөрөөд нэлээн удсан бололтой, их өлдсөн, дорой болсон байсан. Одоо сүүгээр угжаад тэнхрээд овоо хөөрхөн болж байна. Мэргэжлийн хүмүүс үзэж жинлээд хоёроос гурван сартай болов уу гэж таамагласан. Бамбарууш маань зургаан кг жинтэй, 48 см өндөртэй байгаа. Хооллолтын хувьд мэргэжлийн хүмүүс өглөө оройдоо сүү өгөөрэй гэсэн. Өдөрт литр сүү өгч байгаа. Долоо хоногтоо молоко, зөгийн бал зэрэг амттанаар хооллоно. Болсон мах цаашид өгч байгаарай гэсэн.

-Ямар байр бэлдэж өгсөн бэ. Нэг сарын дараа байгаль дээр нь тавихад амьдарч чадах болов уу?

-Аюулгүй байдлыг нь хангах үүднээс аймгийн байгаль орчны баг зориулалтын төмөр торон хашааг бэлтгэж байгаа. Бамбарууш маань нэг сарын дараа бас хөөрхөн том болно. Долоон сар дөхсөн болохоор мөөг ургаад идэш тэжээл нь элбэгшинэ. Жимсний ургац ч бас дөхчихнө. Тухайн үедээ мэргэжлийн хүмүүс хуралдан дүгнэлт гаргаад буцааж тавина даа.

Мэргэжлийн хүмүүсээс зөвөлгөө аваад хамаагүй хүн амьтантай дасгаж болохгүй гэсний үндсэн дээр,  хүмүүст харуулахгүй, олны хөлийг бужигнуулахгүй байгаа. Амьдрах орчныг нь сайн бүрдүүлж, түүнийг тайван байлгах үүднээс тэжээнэ. Нэг л хүнээр хооллууна. Өөрийгөө хооллох, хамгаалах чадвартай болохоор нь тавина. Байгаль дээр нь тавихдаа тайгын гүн рүү хол тавина гэсэн төлөвлөгөөтэй байгаа.

-Нэрийг нь хэн өгсөн бэ?

-Би өөрийн цахим хаягтаа өхөөрдөөд "Миша" гээд постлочихсон юм.

-Мишаг кинонд тоглуулах санал ирсэн гэсэн үү? 

-Манай суманд кино зураг авч байгаа юм. Амьтныг тайван байлгах үүднээс тэр бол боломжгүй байх. Хүмүүс их санаа тавьж байгаа, амьтанд хайртай хүмүүс олон болжээ. Идэш тэжээлийн дэмжлэг үзүүлвэл сайн байна. Хөөрхөн Мишаг нэг сар тэжээх болсондоо их баяртай байгаа.

Энэ мэдээнд өгөх таны сэтгэгдэл?
118
ЗөвЗөв
14
ХөөрхөнХөөрхөн
2
ХахаХаха
2
ХарамсалтайХарамсалтай
1
ГайхмаарГайхмаар
1
БурууБуруу
0
ТэнэглэлТэнэглэл
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Баги 2021-05-21 202.126.89.20

Жаахан нялх амьтныг төмөр торонд хийчээд бамбарууш шинэ гэртэй болчлоо гд хөөрцөглөж суудаг энэ монголчууд нээрээ ирваа (

Avatar

Зочин 2021-05-21 103.212.116.197

Эхийг нь алчаагүй бол Бамбаруушыг ойд модноос уяад 1 2 өдөр орилуулдаг юмаа Ээж нь заавал сонсоод ирэх ёстой!! Харин энэ хооронд нууц байрнаас ажиглалт хийгээд Чононоос хамгаалах ёстой юм бга

Avatar

Зочин 2021-05-21 202.9.46.46

Хөөрхий яанадаа яана. Баавгай хэцүү амьтан гэсэн. Хүнээр хооллуулаад сурцан бол аюултай. Эх нь 2 жил шахам дагуулж явдаг байх. Олигтой амьтны хүрээлэн байхгүй тул тэжээх хэцүү. Ойд буцаагаад тавьчуул өлсөж үхнэ, эсвэл эр баавгай, чонын хоол болох байх

Avatar

Зочин 2021-05-21 202.131.225.197

hund dasaas ergeed irne dee

Avatar

Зочин 2021-05-21 64.119.26.10

Одоо өхөөрдөм хөөрхөн байгаа ч тун удахгүй мангас болно. Баавгай хүнийг бүрэн алалгүйгээр хөдлөх чадваргүй болгоод зориуд тарчлаан амьдаар нь иддэг. Тэгээд амь голтой байхад нь шороонд хагас дутуу булаж мах нь муутгахыг хүлээдэг. Олз болсон хүн нь 5 хоногтоо л жинхэнэ тамыг мэдэрсээр маш их зовж тарчлан амь тавьдаг. Тийм болохоор ирээдүйд тийм үйлдэл гаргахгүйн үүднээс баригдсан дээр нь устгах хэрэгтэй. Эсвэл ойд нь орхи, байгалийн шалгарал шийдэг.

Avatar

Зочин 2021-05-21 130.253.28.9

1

Avatar

Зочин 2021-05-21 130.253.28.9

t

Avatar

tsaguin garz 2021-05-21 130.253.28.9

galzuural demii

Avatar

tsag 2021-05-21 130.253.28.9

yxcenii chini noxo mallax, ybaj xonio xariulsan ni deer

Avatar

зочин 2021-05-21 59.153.112.49

Мишад жоохон ч болов жимс өгөөрэй.

Avatar

Зочин 2021-05-21 66.181.161.64

БОЯ наас гадна мэргэжлийн байгууллагатай холбогдож дохиололтой тавих хэрэгтэй.Хаана яваа нь амьд эсэх нь мэдэгдэж байх болно.Намар эргэж тандан судлаж байршлыг нь тогтоох хэрэгтэй шүү

Avatar

Бага тэнэгт 2021-05-21 124.158.119.35

Болиочээ та нар. Орон нутагтаа байгаа ганц бамбаруушийг тэжээх гэж Яам тамгын газраас зөвшөөрөл хүслээ мүслээ ч гэх шиг. Ажил хийж байгаа нэр зүүх гэж ядах юмаа солиотой юм

Avatar

Зочин 2021-05-21 192.82.86.211

Байгальд нь тавихдаа нэлээн том балгож байж тавиарай. Хөөрхөн юм аа.

Avatar

Зочин 2021-05-21 202.131.225.197

Яасан ч хөөрхөн юм. Сайн өсч бойжоод байгальдаа буцаарай.

Avatar

зочин 2021-05-21 103.212.118.124

НЭЛЭЭН ТОМ БОЛСОН ХОЙНО НЬ БАЙГАЛЬД ТАВЬСАН НЬ ДЭЭР БАЙХ. ХҮНД Л ДАСГАЖ БОЛОХГҮЙ ШҮҮ. БАЙГАЛЫН ХООЛ ӨГӨХ ХЭРЭГТЭЙ.

Avatar

иргэн 2021-05-21 202.179.26.4

Араатан бол араатан. Нас бие гүйцэхээр хүн малд аюултай болно шүү

Avatar

ЗОЧИН 2021-05-21 66.181.183.181

ХҮН БОЛ ХАМГИЙН АЮУЛТАЙ АРААТНААС ДОР АМЬТАН ЮМ ШҮҮ ДЭ. ЭХИЙГ НЬ ХӨНӨӨСӨН БАЙХ МАГАДЛАЛТАЙ.

Avatar

Зочин 2021-05-21 66.181.180.145

Хөөрхөнөөг тэвэрмээр бнаа,. Даанё тэвэрч болохгүй гэсэн бна

Avatar

йыа 2021-05-21 103.11.195.34

Зөв юуун кино. амьтан зүгээр байлгаарай Юуун ашигч юм

Avatar

Зочин 2021-05-21 66.181.161.13

sain baina uu. Ene sumand Дауны синдромтой huuhduud hunuusiin talaar hiij bgaa bolohoor ter kinoniihoo negeehen hesegt togluulah sanal irsen ym shig bainalee. Ashgi sonirhol gsn uudnees harahgui hiig husiy🙂

NewsMN Гар утасны хувилбар Татах
NEWS.mn

Мэдээллийн эх сурвалж