АНХААР: Он гарсаар голын усанд 13 хүн осолджээ | News.MN

АНХААР: Он гарсаар голын усанд 13 хүн осолджээ

АНХААР: Он гарсаар голын усанд 13 хүн осолджээ

АНХААР: Он гарсаар голын усанд 13 хүн осолджээ

Улсын хэмжээнд он гарсаар өнөөдрийн байдлаар найман аймгийн 13 сум, нийслэлийн гурван дүүрэгт 18 удаагийн усны ослын дуудлага бүртгэгдэж, 13 хүн амь насаа алдсан байна. Үүний дөрөв нь хүүхэд гэдгийг албаныхан анхааруулав.

Гол, усны осол нь ихэвчлэн иргэдийн анхаарал болгоомжгүй байдал, бага насны хүүхдийг хараа хяналтгүй орхисноос, эцэг, эхчүүдийн сонор сэрэмжгүй байдлаас, согтууруулах ундаа хэрэглэсэн үедээ гол усанд орох зэрэг шалтгаанаас үүдэлтэй байна.

Цаг уурын байгууллагын ирүүлсэн мэдээллээр буюу тавдугаар сарын 20-ны өдрийн байдлаар Сэлэнгэ мөрөний эх, Орхон голын адаг болон Хөвсгөлийн уулсаас эхтэй Дэлгэрмөрөн, Хэнтий нурууны баруун хажуугаас усжих Туул, Ерөө, Сөгнөгөр зүүн хажуугийн Онон, Хангай нурууны арын Идэр, өврийн Богд, Алтай нурууны Ховд, Булган зэрэг голуудын усны түвшин өмнөх өдрийнхөөс 10-60 см нэмэгдэж, олон жилийн дундажийг 25-135 см, Хариг, Түргэн голууд үерийн түвшинг 15-80 см, Халх Ялалт баг орчимд үерийн аюултай түвшинг таван см даван үерлэж байгаа юм.

Өнөөдрийн байдлаар Туул гол Лүн сум орчимд усны түвшин 60 орчим см нэмэгдэх төлөвтэй байна. Иймд:

  • Гол, мөрөн нуурын ойролцоо амарч зугаалахдаа сонор, сэрэмжтэй байх,
  • Хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах,
  • Согтууруулах ундаа хэрэглэсэн үедээ гол усанд орохгүй байх,
  • Баталгаатай гүүр, гарам, гарцтай газраар автомашинтай зорчиж гол, усны ослоос урьдчилан сэргийлэхийг Онцгой байдлын ерөнхий газраас анхааруулж байна.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж