Хятад сансрын станцын гол модулиа тойрог замд туршиж дууслаа | News.MN

Хятад сансрын станцын гол модулиа тойрог замд туршиж дууслаа

Хятад сансрын станцын гол модулиа тойрог замд туршиж дууслаа

Хятад сансрын станцын гол модулиа тойрог замд туршиж дууслаа

Хятад улс үндэсний сансрын станц “Тяньхэ”-ийн гол модулийг тойрог замд туршиж дууссан талаар тус улсын Сансрын жолоодлогот нислэгийн хөтөлбөрийн газар мэдэгджээ. Бүх тоног төхөөрөмж хэвийн ажиллаж байгаа бөгөөд “Тяньхэ” модуль “Тяньжоу-2” хөлгийг хүлээн авахад бэлэн болсон гэв. Сансарт ачаа хүргэх зориулалттай “Тяньжоу-2” хөлгийг өнгөрсөн ням гарагт "Чанжэн-7" зөөгч пуужингийн хамт Хайнань арлын Вэньчан сансрын буудалд хүргэжээ. Уг хөлгийг энэ долоо хоногт хөөргөх юм.

Хятад улс нь дөрөвдүгээр сарын 29-нд сансрын станцынхаа үндсэн модулийг "Чанжэн-5" зөөгч пуужингаар тойрог замд гаргасан билээ. “Тяньжоу-2” хөлөг залгагдсанаар сансрын станцыг угсрах гол үе шат эхэлнэ.

“Тяньхэ” тойрог замын станц нь гурван модультай байх бөгөөд 2021-2022 онуудад 11 удаагийн хөөргөлтөөр бүх хэсгийг зөөж, угсарч дуусгахаар төлөвлөжээ. Харин энэ удаа 16.6 метр урт, 4.2 метр диаметртэй, 22 тонн жинтэй үндсэн модулийг тээвэрлэж байгаа юм. Энэ нь одоогоор тус улсад бүтээсэн хамгийн том сансрын аппарат юм.

Тус улс нь тойрог замын станцаа тойрог замд 340-450 км-ын өндөрт барихаар төлөвлөж байгаа ба энэ станц нь T хэлбэртэй байх аж. Станцын нийт жин 66 тонн байх бол лабораторийн модулиудтай хамт станцын нийт эзлэхүүн 110 шоо метр байх гэнэ.

Мөн сансрын гурван нисэгч станц дээр байнга ажиллах бол багаа солих үед зургаа хүртэлх нисэгч хүлээн авах боломжтой юм байна. Одоо ажиллаж буй 15 жилийн настай Олон улсын сансрын станцын дөрөвний нэгтэй тэнцэх хэмжээтэй гэсэн үг юм.

Эх сурвалж: Xinhua 

Энэ мэдээнд өгөх таны сэтгэгдэл?
3
ТэнэглэлТэнэглэл
1
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Оноч 2021-05-19 66.181.160.80

6метр урт 4 метр өргөн 2.7метр өндөр цэнхэр 9 давхарын том өрөө 65 метр куб болж байна. Тэгэхээр 110 м3 гэдэг бол 2 том өрөөний л хэмжээтэй байх нь. Маш жижигтээ орно. ОУ-ын Сансрын станц хамаагүй том болж таарлаа. Нарны хавтангаа оруулаад хөл бөмбөгийн талбайн хэмжээтэй байдаг.

NewsMN Гар утасны хувилбар Татах
NEWS.mn

Мэдээллийн эх сурвалж