С.Баярцогт нарын таван хүнд холбогдох хэргийг Улсын дээд шүүх өнөөдөр /2021.05.19/ хэлэлцэнэ. Дээд шүүхийн хяналтын шатны шүүх хуралдаанаар өнөөдөр зургаан хэргийг хэлэлцэх бөгөөд хамгийн сүүлд дээрх хүмүүст холбогдох хэргийг хэлэлцэх юм байна.
Хэргийг эргэн сануулахад, Чингэлтэй дүүргийн эрүүгийн хэргийн анхан шатны шүүхээс өнгөрсөн 2020 оны долдугаар сард С.Баярцогтыг Монгол Улсын Засгийн газрын гишүүн, Оюутолгой ордыг ашиглах хөрөнгө оруулагчтай хэлэлцээ хийх Ажлын хэсгийн орлогчоор томилогдон ажиллахдаа албан тушаалын байдлаа урвуулсан нь Монгол Улсад хүнд хор уршиг учруулсан гэж үзэн 10 жил хорих ял оноосон. Ингэхдээ С.Баярцогтоос дөрвөн тэрбум 10 сая, гурван үл хөдлөх эд хөрөнгийг хураах шийдвэр гаргасан.
Харин нийслэлийн Эрүүгийн хэргийн давж заалдах шатны шүүхээс 2020 оны арванхоёрдугаар сарын 4-ны өдөр С.Баярцогтод оноосон 10 жилийн ялыг 4.8 жил, Б.Бямбасайхан, Д.Ганболд нарт оноогоод байсан дөрвөн жилийн ялыг нэг жил гурван сар болгон өөрчилсөн бол Б.Ариунсан, Б.Бадрал нарт оноосон 1.6 жил хорих ялыг нэг жил болгон тус, тус бууруулсан юм.
Шүүгдэгч Б.Ариунсан нь Татварын ерөнхий газрын даргаар ажиллаж байхдаа, шүүгдэгч Б.Бадрал нь Татварын ерөнхий газрын Татварын удирдлага, хамтын ажиллагааны газрын даргаар тус, тус ажиллаж байхдаа эрх мэдэл, албан тушаалын байдлаа урвуулан ашиглаж, Монгол Улсын Ерөнхий сайд Ч.Сайханбилэг, Ажлын хэсгийн гишүүн “Эрдэнэс Монгол” ХХК-ийн гүйцэтгэх захирал Б.Бямбасайхан, “Эрдэнэс Оюутолгой” компанийн гүйцэтгэх захирал Д.Ганболд нартай бүлэглэн 406.50 тэрбум төгрөгийн татварыг аваагүй үйлдэлд яллагдсан юм. Д.Ганболдыг 2015 онд “Эрдэнэс Оюутолгой” компанийн захирлаар ажиллаж байхдаа “Оюутолгой” компанид давуу байдал бий болгон Монгол Улсад орж ирэх боломжтой байсан татвар, татвар ногдох орлогыг бууруулсан, төрд итгэх олон нийтийн итгэлийг алдагдуулахаас гадна төр, нийтийн ашиг сонирхлыг зөрчсөний улмаас хүнд хор уршиг учруулсан хэрэгт гүйцэтгэгч, хамжигчаар хамтран оролцсон гэмт хэрэг үйлдсэн гэм буруутайд тооцсон байдаг.
Зочин 2021-05-19 192.82.88.225
Жанг нь идүүлээд суулга!!! 20000 хувьсагчаар ард түмнийг доромжилж, ОТ гэрээ байгуулагдах сургаар дорнын говь дэлгэрсайханы бохир мөнгийг 5 нугалж хувьдаа ашиг хийсэн л@л@рын г*** банди!!!
Зочин 2021-05-19 75.159.156.185
Ялыг нь нэмээд суулга
зочин 2021-05-19 192.82.75.208
Анхны шийдвэр нь нилээд шудрага байсан одоо энэ луйварчдыг цагаатгаад л дуусах биздээ ийм болхоор хулгайч луйварчид нь давараад л байх юмдаа
МЭЛС 2021-05-19 192.82.92.201
100-н жилийн өршөөлд оруулж тэнэгтнээ аюгүй бол ,
Зочин 2021-05-19 23.106.249.39
oros trolluud uhehnee
MGL 2021-05-19 202.21.107.68
Ер нь эд нарыг устгалд оруулчихмаар юм
Зочин 2021-05-19 202.9.46.55
Анхан шатны шүүхийн шийдвэрээр нь шийтгэх хэрэгтэй. Тэгвэл шудрага ёсонд нийцнэ.
ан 2021-05-19 66.181.183.25
Хулгайчуудыг өмөөрч дээд шүүх шийдвэр гаргавал Монголчууд босно шүү….
Зочин 2021-05-19 202.179.26.117
Ээ би босмооргүй байнаа. Яагаад намайг хамааруулаад байнаа.