Монголын кино холливуудын хөрсөнд "шингэх" болоогүй! | News.MN

Монголын кино холливуудын хөрсөнд "шингэх" болоогүй!

Монголын кино холливуудын хөрсөнд "шингэх" болоогүй!

Монголын кино холливуудын хөрсөнд "шингэх" болоогүй!

Нийгэмд хамгийн их шүүмжлэл дагуулдаг салбар бол кино. Урлагийн салбар мөнгө хөөж соён гэгээрүүлэх үндсэн үүргээсээ ухрах вий гэсэн болгоомжлол нийгэмд бий. Ялангуяа алтан үеийнхнээс хойш манай киночид үзэгчдийн нүд, сэтгэлийг баясгах уран бүтээл гаргаагүй. Жилд олон арван бүтээл борооны дараах мөөг шиг гарч, сүржин нээлтээ хийдэг ч үзэгчид цаг, мөнгөөрөө хохироод үлдэх нь түгээмэл. Монгол кинонуудад өнгө будаг, зүс царай, тансаг машин, үнэтэй костюм, үнэтэй орд харшаас их юм байхгүй. Гэмт хэрэг, хүчирхийлэл, нууц амраг  гэх мэт тулга тойрсон сэдвээс хэтрэхгүй байгаа нь нууц биш.

Цар тахлын үед ч уран бүтээлчид эл сэдвээсээ илүү гарсангүй. Бүр гаднын контент хуулбарлаж, түүнийгээ ил цагаан үзэгчдэдээ зарах нь ч гаарав.  Өнөөдрийг хүртэл уран бүтээл “үнэртсэн”  үзэгчдийн сэтгэлд хүрсэн кино гарын арван хуруунд тоолохоор цөөхөн байна.

Жилээс жилд Монголын кино урлаг шат ахих бус уналт руу орж байхад Ерөнхий сайд Л.Оюун-Эрдэнэ 2024 онд холливуудын кино хийх мөрөөдлөө танилцууллаа. Түүний энэ амлалт киночдыг баярлуулж, олны дургүйцлыг хүргэлээ.

Цар тахлын нөлөөгөөр эдийн засаг хямарч, аж ахуйн нэгжүүд нь сөхөрч, иргэд нь туйлдаж байхад Ерөнхий сайд нь 2024 онд холливуудын кино хийж “бүтэлгүйтвэл” алдаанаасаа суралцах тухай ярьж, ажил хэрэг болгохоор төлөвлөж сууна.

Ерөнхий сайд Л.Оюун-Эрдэнэ соёлын салбарын төлөөллүүдтэй уулзах үеэр “2024 он хүртэл хамгийн багадаа холливудын нэг кино хийе. Үүнд Соёлын яам, Гадаад харилцааны яам, Сангийн яам болон Байгаль орчин, аялал жуулчлалын яам гэх зэргээр шаардлагатай бүтцүүд нь оролцоод ажиллая. Эхний ээлжид зөвхөн Чингис хааны тухай кино хийх гэсний хэрэггүй. Анхны кинон дээрээ туршлага хуримтлуулъя, алдаан дээрээ суралцъя. Үүний тулд кино павилон байгуулъя. Та бүхэн зураг төслөө бэлдчихвэл төсөв өргөн баригдахаас өмнө тооцооллоо гаргаад, 2022 оны улсын төсөвт эхлэлийн хөрөнгөө суулгах боломжтой. Бидний дараагийн зорилго нь 2024 он хүртэл Netflix дээр таваас доошгүй контент хийе. Дотоодын үзэгчид төдийлөн сайн мэдэхгүй ч гадаадын мэргэжилтнүүдээс өндөр үнэлгээ авсан кинонуудаа оруулъя эсвэл гаднын компанитай хамтраад кино хийе. "Галзуу хурд" киноны нэг давхилтыг  гэр хороололд эсвэл Монголын говьд хийе. Бага багаар ахиц гаргах нь чухал” гэсэн юм.

Өнөөгийн нөхцөлд Монголын хөрсөнд холливуудын кино бүтээх цаг нь биш. Үүнийг долоон буудлын Должин эмээ ч мэднэ. Иргэдэд ажилтай орлоготой, өвдөхгүй байх нь чухал болохоос холливуудын кино бүтээх эсэх тийм ч сонин биш.

Уран бүтээлчид, киночдын зүгээс Ерөнхий сайд Л.Оюун-Эрдэнийн мэдээлэлд  өнгөн дээрээ үзэл бодлоо илэрхийлэхээс татгалзаж, цаагуураа дэмжиж байгаа. Кино урлагийн салбарынхан өнөөдөр  “нэгдсэн тайлбар хийнэ” гэх үгээр байр сууриа илэрхийлэхээс татгалзаж байгаа юм. Ямартай ч монголчууд холливуудад киноныхоо нээлтийг хийнэ гэдэгтээ итгэлтэй байгаа бололтой.

Уран бүтээлчдийн төлөөлөл жүжигчин С.Өлзийхүү “Манай уран бүтээлчид хөрөнгө мөнгө нь байвал дэлхийн аль ч орны кино уран бүтээлчидтэй эн зэрэгцэхүйц чадварлаг. Өмнөд Солонгос, Хятад, Малайз зэрэг Азийн орнуудын жүжигчин, найруулагчдын ур чадвараас дутахгүй. Олон улсын кино урлагийн наадамд манай улсын кино, найруулагч, жүжигчдийн чадвар маш сайн. Хамгийн гол нь менежмент, хөрөнгө санхүү зэрэг улсын бодлого чухал. Бид дэлхийн кино урлагийн зах зээлээс хол биш. Хөрөнгө санхүү, техник, багаа бүрдүүлсэн байхад холливуудын кино хийж чадна. 2024 он биш гэхэд ойрын хугацаанд кино бүтээж амжилтад хүрэх зам руу орох байх. Бид хийе бүтээе гэж бодож зорьж байгаа хүмүүсийнхээ санаачилга, бодлогыг дэмжих нь зүйтэй. Яагаад мөрөөдөлтэй байж, мөрөөдөлдөө хүрч болохгүй гэж. Ерөнхий сайд Л.Оюун-Эрдэнийн бодлогыг дэмжиж байна” гэлээ.

Эдийн засагчдын зүгээс Ерөнхий сайд Л.Оюун-Эрдэнийн холливудын кино хийх шийдвэрийг дэмжихгүй байгааг илэрхийлж буй. Түүний шийдвэрийг өнөөгийн цаг үед байгаа оноогүй шийдвэр хэмээн үзэж байна. Нөгөөтэйгүүр  бодлого төлөвлөлт бэлтгэлгүйгээр холливуудын кинонд хөрөнгө зарах нь үр дүнгүй болох талтайг сануулж байгаа юм.

                ХОЛЛИВУУДЫН КИНО БҮТЭЭЛЭЭ Ч ЭДИЙН ЗАСАГТ ТУХАЙН ЖИЛДЭЭ ҮР ӨГӨӨЖӨӨ ӨГӨХГҮЙ

Эдийн засагч Ц.ДАВААДОРЖ: 

-Ерөнхий сайд Л.Оюун-Эрдэнэ цар тахлын үед эдийн засгаа сэргээх богино хугацааны төлөвлөгөө боловсруулж байгаа нь сайн хэрэг. Гэхдээ залуу хүний хөөрлөөр сүүлийн үед гаргасан шийдвэрүүд нь байгаа онохгүй байна. Кино урлаг, соёлын салбар бол хөрөнгө оруулалтаа удаан нөхдөг. Түр хугацаанд шийдэх асуудал. Тиймээс цаг хугацааны хувьд яаралтай биш.  Монголд холливуудын кино бүтээлээ ч эргээд зардлаа нөхнө гэж харахгүй байна. Эдийн засагт тухайн жилдээ үр өгөөжөө өгч чадахгүй. Өнөөгийн нөхцөлд эдийн засгаа солонгоруулъя гэвэл боловсруулах үйлдвэр, аялал жуулчлалын салбарт бодит дэмжлэг хэрэгтэй. Аялал жуулчлалын салбарыг зочид буудал, цайны газар төдийхнөөр ойлгох нь өрөөсгөл.

НЭГДСЭН БОДЛОГО ТӨЛӨВЛӨЛТГҮЙ БОЛ ХОЛЛИВУУДЫН КИНО БҮТЭЭСЭН Ч ҮР ДҮНГҮЙ БОЛНО

Эдийн засагч Ч.ХАШЧУЛУУН:

-Соёлын салбарыг энтертаймент байдлаар боддог ч сүүлийн жилүүдэд дэлхий дахинд маш том экспортын салбар болж байна. Үүнд холливууд хамгийн том жишээ нь. Энэтхэгийн болливуудын салбар бол холливуудаас дутахгүй салбар болж байгаа юм. Сүүлийн үед Зүүн Азийн бүсэд Солонгос улс тэргүүлж байгаа. Тус улсын хувьд кино, сериал, хөгжим маш олон салбараа экспортолж байна. Үүний орлого манай улсын экспортын орлогоос давах жишээтэй. Ганцхан Big Bang хамтлаг байхад нэг тоглолтын орлого хэдэн сая ам.доллараар хэмжигддэг. Энэ бол БНСУ-ын үндэсний соёлыг гадагш дэлгэрүүлэх, улмаар Солонгосын бүтээгдэхүүн машин, хоол, хүнсний бараа экспортлоход тус болдог. Өөрөөр хэлбэл, соёлын салбар бол дангаараа байдаггүй, бусад салбаруудтай уялдаатай байдаг. Энэ утгаараа манай улсын хувьд ч бас Ерөнхий сайдын хэлж байгаа нь маш зөв. Яагаад гэвэл, манай улс төв Азийн нүүдлийн давтагдашгүй соёлтой, мундаг түүхтэй. Үүнийгээ сайн сурталчилж  чадахгүй байгаа учраас арчаагүй байдлаар түүхээ гадагшаа алдаж байна. Хятадын Мулан киноны гол дүр Мулан бол бодит байдал дээр Монгол гаралтай эмэгтэй байсан. Энэ талаар Хятадын түүхийн номд хүртэл бичсэн байдаг. Гэтэл Мулан кино болохдоо Хятад болоод хувирдаг. Сүүлийн үед Чингис хааны тухай, монгол хаадын тухай бараг л гадаадынх байсан мэтээр хүмүүст сурталчилж, мөнгө олж байна. Үүнийг засахын тулд бид Ерөнхий сайдын хэлж байгаагаар соёлын салбараа сайн хөгжүүлэх нь зөв. Боломж агуу их байгаа. Холливуудын кино болж хувирах уу, өөр юм болж хувирах уу гэдгийг хэлэхэд хэцүү. “The Hu” хамтлаг бол маш тод жишээ. Дэлхийд болох юм байна гэдгийг харуулсан. Гэхдээ бэлтгэл хэрэгтэй, сайн төлөвлөлт байх хэрэгтэй, ганцхан  салбарыг хөгжүүлэхгүй, жуулчдыг татна. Монгол дээл, морин хуурыг гадагш зарж болно. Түүх соёлын бүтээгдэхүүн үйлдвэрлэнэ зэрэг санаа нь зөв гэж бодож байна. Ер нь Засгийн газраас аж ахуйн нэгжүүдэд тусламжийг маш их өгсөн гэж бодож байна. Манай улс шиг  цахилгаан дулаан, усны төлбөрийг улсаас даасан өөр улс дэлхийд байхгүй. Манай улс хөгжиж байгаа улс ч иргэн бүртээ санхүүгийн дэмжлэг үзүүлсэн, томоохон уул уурхайн компаниудын ногдол ашгийг хүртэл тараасан, хүүхдийн мөнгө олгосон, нийгмийн даатгалын шимтгэлийг бууруулсан, жижиг дунд үйлдвэрлэлийг татвараас чөлөөлсөн зэрэг өчнөөн тусламж хүргэсэн. Энэ бол тусдаа асуудал.  Covid-19 халдварын үед бодлого хэрэгжүүлсэн, тодорхой үр дүнд хүрсэн байх. Ямар нэгэн байдлаар ажил хийсэн үү, хийсэн. Аж ахуйн нэгжүүдэд үзүүлсэн тусламжаар Ази номхон далайн бүсийн орнуудад дээгүүр байр эзэлдэг юм билээ. Урт хугацааны хөгжлийн бодлого бол өдөр тутмын байдлаас жаахан өөр. Урт хугацаанд болох ёстой зүйл. Covid-19 халдварын дараа эдийн засаг сэргэж байна. Манай хөрш 18 хувийн өсөлттэй, манай улс 15 хувийн өсөлттэй гарсан. Эдийн засгийн сэргэлтийн үе эхэлж байна. Энэ үед зөвхөн Covid-19 халдвар ярихгүй, хоёр гурван жилийн дараах  байдлуудаа ярих нь зөв. Үүнд аялал жуулчлал болон соёлын салбар ч бас нэмүү өртгийн их том салбар болж хувирах том боломж байна. Соёлын салбар бол харьцангуй үр өгөөж сайтай гэж үздэг. Яагаад гэхээр, Тоёота, Хьюнда шиг үйлдвэр байгуулъя гэвэл 10, 20 жилийн ажил болно. Үйлдвэрлэл байгуулна, боловсон хүчнээ бэлдэнэ, экспортод гаргана гэдэг асар их зардалтай, үр өгөөж нь тийм ч өндөр биш. Соёлын салбар бол үр өгөөжтэй, бүтээгдэхүүн нь хурдан гардаг. Ганцхан бэлэн байх ёстой нь манай боловсон хүчин сайн байх. Контент бүтээгч зохиолч, жүжигчид, техникийн хувьд төдийлөн өндөр хөрөнгө оруулалт шаардахгүй. Холливуудын кино бол их хэмжээний компьютер график ашигладаг учраас зардал өндөртэй болдог. Гэхдээ Холливуудын киног заавал жишээ болгох хэрэггүй гэж бодож байна. Хөрш Өмнөд Солонгост хамгийн өндөр зардалтай нь 7, 8 сая ам.долларт багтаж байна. Энэ бол Монголд томоохон их дэлгүүр байгуулах хэмжээний зардал. Харин дэлхийн хэмжээнд кино хийх чадвар байх ёстой. Үүн дээр анхаарвал манайхан киног сайн хөгжүүлж чадна. Бидний хувьд чадахгүй зүйл байхгүй. Жишээ нь Оскарын шагнал авсан Паразит киног харахад бидний чадахгүй зүйл юу ч  байхгүй. Хүмүүсээ сайн бэлдэж, техник стандартын сайн зохиол гаргавал болохгүй зүйл огт байхгүй. Харин ч соёлын салбарт 10, 20 жил гэхгүйгээр харьцангуй богино хугацаанд бусад орны түвшинд хүрэх боломж бий. Гэхдээ нэг зүйл дутаад байгаа нь, Засгийн газар соёлын салбараа дэмжиж болно. Хувийн компаниуд, телевизийн сувгууд олигтой ажиллахгүй бол Засгийн газрын хэмжээнд хүсээд байгаа зүйл гарахгүй байх гэж айгаад байна. Манай телевизийн сувгууд импортын бүтээгдэхүүнээр дүүрсэн байгаа. Солонгос, Орос, Хятадын бүтээгдэхүүн давамгайлж байна. Солонгос яагаад Оскарын түвшинд хүрч чадсан гэхээр шилдэг сувгууд нь хоорондоо дотоодын бүтээгдэхүүнээр өрсөлддөг. Солонгосын зах зээлд зориулсан бүх насныханд хэрэгтэй, дотоодын бүтээгдэхүүнээ сайн үйлдвэрлэдэг. Үүнд Засгаас нь мөнгө өгч дэмждэг. Жишээ нь, Солонгосын драмд бүгд Солонгос хоолоо амтархан иддэг. Энэ бол цаанаа бодлоготой. Хэрэв дотоодын бүтээгдэхүүнээр өрсөлдөхгүй бол хэн контент гаргах юм. Соёлын сайд нь өөрөө кино авалтай нь биш. Тэгэхээр дотоодын бүтээгдэхүүнээ сайн сурталчлахгүй бол ахиц дэвшил гарахгүй. Ер нь холливуудын кино гэдэг нь Америкийн кино студи кино авна гэсэн үг. Манайд Хятадтай адил дэд бүтэц байх хэрэгтэй. Гадаадын олон мянган жуулчин, сэтгүүлчдийг хүлээн авах дэд бүтэц нь байвал манайд кино хийж болно. Дэлхийн кино компаниуд маш сайн байршил хайдаг болсон. Манай улс ч бас үзэсгэлэнт байгальтай. Жишээ нь, Ring Hobbit, Ring зэрэг киног Шинэ Зеландад хийснээр аялал жуулчлалаар дэлхийд алдартай болсон юм билээ. Ийм байдлаар манай улс өөрсдийгөө сурталчлах юм бол аялал жуулчлалыг хөгжүүлнэ гэж бодож бай


Засгийн газар соёлын салбарыг нэгдсэн бодлогоор дэмжиж байгаа нь сайн хэрэг ч кино урлагт  төр оролцож, Ерөнхий сайд нь холливуудын кино хийхэд Гадаад харилцааны яам, Сангийн яам, Байгаль орчин аялал жуулчлалын яам зэрэг төрийн бүх бүтцээ дайчилна хэмээж байгаа нь хэр оновчтой шийдвэр вэ.  Түүний эл хөрсөн дээрээ буугаагүй амлалт мянгуужингийн  үлгэр болох вий. Нөгөөтэйгүүр эрүүл мэндээ хамгаалж, эдийн засгаа сэргээх 10 их наяд цогц төслийн хүрээнд үр ашиггүй мөнгө үрсэн алхам болох вий гэх хардлага ч байна.

Энэ мэдээнд өгөх таны сэтгэгдэл?
16
ТэнэглэлТэнэглэл
7
ХахаХаха
5
ЗөвЗөв
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

56 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зураач 2021-05-19 139.5.218.104

Бэрс сургууль киноны сургууль байлуу тэгээд холивуд яриад бг бх тэгэхдээ Монголд кино хийж чадах хун С Бямба аас еер хун бхгуй Монголд артхаус кино их тохиромжтой ер нь кино жужиг театрууд зохиол зохиолчгуй болсон тул дээр уеийн Гамлит тавсан шиг едер хоногыг енгерееж бн галуу дууриаж хэрээ хелее хелдеев болно

Avatar

Noooov nooov.... 2021-05-19 66.181.161.13

21 zuunii mongold ehleed modon jorlongoosoo salah heregtei bna.
Daraa ajiltai eruul orchind amidarmaar bna.

Avatar

Зочин 2021-05-19 59.153.115.143

Ene erguu gulugt helhed hunjliinhuu hereer huluu jii setge bitgii delhiin uba nartai haritsuul ain chadahgui bol zailaad suudlaa uur chaddag medleg turshlagat hund ni ug sarmagchin mini tur uls chinii togloom bish shuu

Avatar

Зочин 2021-05-19 202.21.127.164

хүүххэд амьдрах орчноо АЮУЛГҮЙ, ХАРС УС, АГААРАА ЦЭВЭР ӨОЛГОЧИХООД ДАРА ГЬ ИНГЭЖ ТЭНЭГТЭЭРЭЙ!!!!!

Avatar

Та нар чадварлаг биш шүү 2021-05-19 202.21.107.105

"Манай уран бүтээлчид хөрөнгө мөнгө нь байвал дэлхийн аль ч орны кино уран бүтээлчидтэй эн зэрэгцэхүйц чадварлаг…"

Маш олон кино хийгдсэн. Тэд нар бүгдээрээ л хөрөнгө мөнгөний асуудалтай байсан байх. Гэхдээ кинонуудаа яаж ийгээд хийсэн л байна. Муу болсон шалтгаанаа санхүү бага байсан гэж хэлж болох ч мөнгө их шаарддаггүй зүйлс болох жүжиглэлт, зохиол зэрэг нь яагаад сайжирдаггүй юм бэ? Энэ бол цэвэр сэтгэлгээ, тархины асуудал шүү. Тархи толгой муутай бол хичнээн мөнгө байгаад нэмэргүй.

Avatar

Зочин 2021-05-19 66.181.161.92

кино урлагийг дэмжиж буй нь сайн. гэхдээ сайн уран бүтээлийг буюу сайн төслийг л дэмжих ёстой. тэрнээс биш олны танил ч юм уу, алдар цолтой нь дэмжүүлэх ёсгүй. Монголын кино урлаг хөгжихгүй байгаа гол шалтгаан нь киног хэлбэр, мөнгө, танил найзын хүрээлэлд л хийдэгтэй холбоотой.

Avatar

кино сонирхогч 2021-05-19 66.181.161.92

Монголын киночид, зохиол худалдаж авах маш дургүй. зохиол өгөхөөр сонирхолтой хэсгүүдийг нь түүж аваад жаахан жаахан өөрчлөөд өөрсдөө зохиолсон болдог. эсвэл хэд хэдэн кинонд хуваагаад хийчихдэг. кино урлагийн хамгийн чухал нь зохиол байдаг. харин Монголын киночдод бол зохиолыг аль болох үнэгүй авахыг хүсдэг. Кино урлагийг хөгжүүлье гэвэл боловсон хүчин. ялангуяа зохиолчид маш дутмаг. бараг байхгүй гэж болно. сонирхол татсан зохиолтой киног л хүн үздэг.

Avatar

Зочин 2021-05-19 66.181.161.92

Монголын киночдод мөнгө бий. харин боловсон хүчний дутагдалтай байна. ялангуяа зохиолчид. манай улсын киночид буюу найруулагчид, жүжигчид тойрч сууж байгаад нэг зохиолын санаа гаргаад ч юм уу, эсвэл гадаадын кинонуудаас сорчлон түүвэрлээд зохиол кино болгочихдог. уг нь зохиол бол оюун сэтгэлгээ шаардсан ажил. гэтэл манайхны киночид, зохиол бичих ямар ч чадваргүй байж өөрсдөө бичээд, кино хийчихдэг. тэр нь хүүхэд нохойн доог болдог. Төрмөнх мэтийн зохиолчдоос мөнгөө харамлаад зохиол авдаггүй.

Avatar

Зочин 2021-05-19 103.26.194.201

Херо Баатар энэ тэр гээд Оюукчууд кино, урлагийн салбараар дуурэн байгаа, тэднээрээ дамжуулж менге идэх л гэсэн санаа, еер юу ч биш, идэж уухаас еер бодож санах ч юмгуй арай л нехер шуу

Avatar

ЗОЧИН 2021-05-19 43.231.113.84

БЭРС ДЭЭД СУРГУУЛЬ ЯАГААД ДАМПУУРСАНД ГАЙХААД БАЙХ ЮМ АЛГА. ИЙМ ЭРГҮҮ ДАГЗУУДААР ДҮҮРСЭН БАЙСАН ЮМ ЧИНЬ МЭДЭЭЖ ШҮҮ ДЭЭ.

Avatar

Олоод ир 2021-05-19 103.26.195.180

Ялзагсан төр ядарсан ард түмэн хэзээ нэг энэн муу муухай зүйл байхгүй болох юм болдоо чаваасдаа өрөвдөмөөрч юмаадаа сонгуулий гүрил будаахнаар өгчихнө тэгээд араас инэгж нохойн гөлөгнүүд шиг гасалгааж байх гэж дээ Монгол бол баян улс монголын ард түмэн ядуу байна ядуу ядуудаа оюун ухааны ядуурал гэдэг зүйл ямар айхтар юм байдаг м бэ хахах нохой долоо.

Avatar

Зочин 2021-05-19 212.95.5.214

Ehleed 400say juulchingaa avchir harya

Avatar

Зочин 2021-05-19 59.153.115.143

Itgelt bayn: Ene chadahguildee

Avatar

Зочин 2021-05-19 192.82.76.202

Оюун-Эрдэнэ ковидоо дарж чадаагүй байж Голливууд том бүлтэрнээ бас

Avatar

Зочин 2021-05-19 66.181.177.116

Нэн тулгамдсан асуудал энэ биш. Одоо гайгүй хийж чадаж байгаагаа илүү нэмүү өртөг шингээн олон улсын зах зээлд гаргаад сурчихмаар байна.

Avatar

ккк 2021-05-19 192.82.66.181

Тэр кино нь тэгээд мөнгөө Баатар ахынх нь өвөр лүү асгах уу тээ… Ногооноороо байна даа миний дүү…

Avatar

Зочин 2021-05-19 66.181.171.34

худлаа ярьсан бас нэг попрол эцэст нь кино үйлдвэр гэдэг нэг том обьектыг нэг сайд дарга нь сэмхэн хувьчилж аваад л асуудал дуусна. Хэнтийгийн хүн Монгол киноны захирал болсон гэлүү

Avatar

Зочин 2021-05-19 66.181.160.53

Монгол кино гэж юу вэ? Хошин шогийг дэлгэцэнд наацан,эсвэл баахан уйлдаг зовлонт кино л бна.Хэдхэн жүжигчин ээлжлээд тоглоцон.Ихэнхдээ гадны зохиол хуулбарласан.Хэро Баатарын хүүхдийн гэмээр кино клипүүдийг оруулахымуу эсвэл нэтфликст.

Avatar

УБ хотын иргэн 2021-05-19 202.21.104.234

Ковидгүй л болмоор бна, гэр хорооллынхоо цэвэр, бохир усны шугамны асуудлаа хамгийн түрүүнд шийдэхээ бодох хэрэгтэй. Юун кино мино вэ. Гэр хорооллын асуудлыг шийдэхгүйгээр бид урагшаа явж чадахгүй. Хөрсний бохирдол гээд хийх ажил их бна ш дээ.

Avatar

Зочин 2021-05-19 43.242.243.144

Ганц киноныхон ч биш, бүх салбарынхан дэлхийн түвшинд сэтгэж сурах хэрэгтэй байна. Ядахдаа хүн бүр өөр өөрсдийн ажил, мэргэжлийг дээд зэргээр эзэмшиж, дээд зэргийн чанартай хийдэг болох ёстой. Монголчууд уул нь хэнээс дутахгүй ард түмэнсэн дээ….

Avatar

Зочин 2021-05-19 49.0.142.67

Жүжиглэл нь театрийн, зураглаач нь монументалист, найруулагч нь номадик биш болчивол ч хувийн кино студиуд л мөрөөдөж болох ажил, Засаг кино хийдэггүй, үзэл суртлын зорилгоор л сэдэв, захиалгаа өгдөг гэдэгт хариу байна уу

Avatar

амьдрал 2021-05-19 202.9.46.196

1. 400 сая жуулчин оруулж ирнэ 2. Эмэгтэйчүүдийг цэрэгт явуулахгүй бол төрөлт залуужиж байна. 3. Холливүүдийн кино хийнэ

Avatar

Зочин 2021-05-19 202.126.89.94

Оролдож байж л амжилтанд хүрдэг юм байгаа биз дээ.
Хэдэн ч удаа оролдсон яадаг юм. Амжилтанд хүрвэл Монголдоо бөөн валют оруулж ирнэ ш дээ.
News.mn сайтад уран донгодож, унгаж алдахаас өөр юу ч хийж үзээгүй, юу ч мэдэхгүй дуракууд л ажиллах юм.
Хамгийн том төлөөлөгч нь хүзүүгүй тарвага хаха.

Avatar

Зочин 2021-05-19 192.82.72.209

Дэлхийд гарах амаргүй. Ялангуяа төрийн мөнгөөр контент хийнэ гэдэг худлаа шүү…. Холливүүд стандартын бүтээл наад тал нь 50-100 сая.$-н төсвөөр хийгдэнэ. Аливаа уран бүтээл үзэгчдэд хүлээн зөвшөөрөгдөх, зах зээлд амжилт олно гэдэг маш том эрсдэл… Тэрний оронд арай наагуур хөрсөн дээрээ буусан зорилт тавиасай.Харин хийсэн бүтээл нь дэлхийд гарч чадсаныг нь дэмжих хэрэгтэй.

Avatar

Зочин 2021-05-19 202.126.88.184

Ерөнхий сайд маань зүгээр байгаа даа. Үе үе сонин юм яриад. Сэтгэцээ боловсон эмнэлэгт үзүүлж шалгуулна байгаа. Тэгэхгүй бол бүхэл бүтэн улсыг аваад явж чадахгүй жолдох нь байна шүү.

Avatar

Зочин 2021-05-19 202.126.92.99

Энэ ерөнхий сайд гэх бацаан үнэхээр амьдралгүй юм ярих юмаа

Avatar

Зочин 2021-05-19 202.126.88.184

Кино хийх цаг нь болоогүй. Худлаа жүжиглэсэн бусдыг дуурайсан монгол гэж хэлэхэд ичмээр ямар ч монгол хүнд хавьтахааргүй кино нэртэй хошин шог юмаа хийх гэж үү. Сүүлийн үед хийсэн ганц гялайх уран бүтээл бол "Говийн домог" юмуудаа. Бусад ямар ч кино гадаадынхан үзээд шоолж байна шүү дээ.

Avatar

B 2021-05-19 24.126.109.130

Эхлээд иргэдээ орлоготой болгоёоо үйлдвэрлэлийг хөгжүүлж гаднаас авдагаа багасгаж эхрогтоо нэмж хөдөлмөрийн үнэлэмжийг нэмэснээр орлоготой иргэд байгаа үед урлаг үйлчилгээ аяандаа хөгжинө орлогогүй үзэгчид үйлчлүүлэгчдээс юуг нь авах юм бэ

Avatar

Зочин 2021-05-19 192.82.74.143

Hvn yaj iim teneg bdiin bol aa yaa yaa yaa daanch de arai ch de ene galzuu novshiigoo zailuulaachee

Avatar

Зочин 2021-05-19 212.95.5.214

Bers surguulid surahaar iim hun bolno

Avatar

Сүхбаатар 2021-05-19 64.119.23.55

Холливудын киног Монголд хийх цаг болсон. Тайланд ,Малайз хоёр Холливудын киног эх орондоо хийгээд байхад бид яагаад болохгүй гэж.Дэлхийн хэмжээний кино хийхэд Ерөнхий сайд Оюун- Эрдэнэ дэмжлэг үзүүлье гэж байхад манай мангарууд эсэргүүцээд байгаа нь тэнэг хэрэг. Харин монгол киноны зохиол нь муу учраас дэлхийд гарч чаддаггүй. Үүнийг засаад сайн зохиолтой бол яагаад дэлхийн хэмжээнд гарч болохгүй гэж.

Avatar

Зочин 2021-05-19 66.181.161.63

Тайланд ,Малайз хоёр чинь манайхтай харьцуулшгүй тасарцсан улс шүү дээ!!!

Avatar

Уншигч 2021-05-19 90.188.54.82

Эдийн засагч Ш.Хашчулуун яг зөв хэлжээ.ЕСайд бодлогоо ойлгож байгаа юм уу?

Avatar

Зочин 2021-05-19 122.201.24.88

Баатар ахтайгаа нийлж мөнгө л идэх гэж байгаа биз. Түүнээс ямар ч эрүүл ухаантай хүн ийм юм ярихгүй шүү дээ.

Avatar

Үндэсний үйлдвэр, ААН-үүд баялаг бүтээгчидээ дэмжээчээ Ерөнхий сайд аа 2021-05-19 192.82.73.218

Холливуудын харсөнд шингэх кино яах вээ ?? Энэ 30-р асуудал шүү

Avatar

MGL 2021-05-19 202.21.107.68

Ашигт малтмалын үнэ дэлхийн зах зээлд өсөж хэдэн цаас илүү олдож байвал дараагийн хүнд үедээ хадгалж хэрэгцээтэй байгаа боловсруулах үйлдвэрээ хурдхан бариад ав!Юм юмруу байгаа хэдийгээ хийгээд салхинд хийсгээд байвал ямар хөгжил дэвшил гарах вэ.10 аад жилийн өмнө бас нэг иймэрхү юм болж байсан юм шүү!Дараа нь юм болгонлуу үсчсэн засгийн газар мөнгөгүй хоцорч баахан өр зээл тавьсан

Avatar

Зочин 2021-05-19 100.15.102.120

Сайхан мэдрэлтэх юмаа.Санхүү гол нь биш гэдгийг энэ жилийн Оскар утгаар нь харуулсан даа.Minari,Nomadland гэх мэт…Энэ мэдрэл гар ойлгохгүй л дээ

Avatar

Зочин 2021-05-19 202.179.24.37

Зөв санаачилга шүү дээ. Юугий нь эсэргүүцэцгээгээд байдаг юм. Бидний хувьд экспортлох хамгийн гол том өв бол эх түүх, олон жилийн нүүдэлчин ахуйн өв соёл шүү дээ. Кино урлагаар дамжуулж энийгээ экспортлоно, сурталчилна. Үүнийг дагаад жуулчдыг татна. Маш зөв санаачилга шүү. Шууд ирэх жил холливүүдэд гараал цөм цөм хийнэ гэж төсөөлөх хэрэггүй. Хамгийн гол нь эхлэл тавигдах, энэ чиглэлд нэгдэх нь чухал

Avatar

Зочин 2021-05-19 66.181.190.245

Ямармч зүйлд эрэмбэ, дараалал гэж зүйл байдаг даа. Модон жорлонгоосоо салаагүй, иргэд нь хоолны мөнгөгүй болж, ядуурч байхад кино мино ярьна гэдэг бол бодит байдлаасаа тасарсаны л шинж

Avatar

Зочин 2021-05-19 66.181.161.63

Оюун-Эрдэнээ! Одоохондоо кинотой мэнатай! Цар тахлыг яаж дарах, дараагийн давалгааг яах вэ, эдийн засаг, хүн амынхаа амьжиргааг яаж өөд татах вэ гэдэг л тулгамдсан онц чухал асуудал болчихоод байна шүү!!!

Avatar

Иргэн 2021-05-19 150.129.141.143

Баатар ахаа Холливүүдийн найруулагч болгох далд санаагаа ил болгов уу үгүй юу.

Avatar

ЭЛЭГ АВААД БӨӨР СУГАЛЛАА 2021-05-19 76.120.132.36

ХОШИН ШОГ МОГХОНД Л ТОГЛОСОН БОЛДОГ ЖҮЖИГЧИДТЭЙ Ш ДЭЭ ! ҮНЭХЭЭР ХҮНИЙ ААШ АРАНШИН ҮЙЛ АМЬДРАЛЫГ БОДИТОЙ АМЬД ДҮРСЛЭН БҮТЭЭСЭН НЭГ Ч ЖҮЖИГЧИН АЛГА ОДОО ҮЕД ! АНХНЫ АЛХАМ, НИЙСЛЭЛ ХҮҮ , ЭНЭ ХҮҮХНҮҮД ҮҮ !, ГЭЭД ЖҮЖИГЧИН ХҮН ЯАЖ ДҮР БҮТЭЭДЭГ БҮТЭН СУРГУУЛЬ БАЙНА ДАА ! ИЧМЭЭР ЮМ ДАА ! КИНО ХИЙГЭЭД БОЛОХГҮЙ БАЙГАА НЬ ГОЛ НЬ САНХҮҮ ДЭЭ БИШ ЖҮЖИГЛЭЛ ДҮР БҮТЭЭХ УРЛАГТАА Л БАЙГАА ЮМ !

Avatar

Зочин 2021-05-19 192.82.75.28

бас жинхэнэ утга төгөлдөр зохиолтой зохиолтой

Avatar

Соёлын сайд 2021-05-19 103.111.68.3

Ерөнхий сайдаа ЦИРКЭЭ БУЦААЖ АВЬЯ!!! Балгас боллоо ш дээ.

Avatar

Зочин 2021-05-19 202.179.21.245

Ene TENEG ZALUU ERONHII SAID-N GOL DURD MASH MUU TOGLOJ BN!!!!!!!!!!!!
sONGUULIIN DARAA HURELSUH GOL DURIIG OOR HUND HURELBAATART OGOH BIZ. DURDEE ITGESEN MANGAR b**s, ERONHII SAID HIIH HUN BISH BN
MOROODOL HEREGTEI GEHDEE HOLLYWOOD-N KINO HIIH TUHAI BISH SHU.
21-R ZUUN MONGOL ULS GAN TOMORLOGOO HOGJUULEH ROBOT MASHIN UILDVERLEL MOROODSON BOL OK!!!

Avatar

Зочин 2021-05-19 202.179.21.245

Hooyoo tatvar tologchiin mongoor toglohgui shu!!!!!!!!!!!!!!! Uunii orond vaccine – uildver gan tomorlogyn uildveree hogjuul!!!!!!!!!!!!!!!!!!

Avatar

Зочин 2021-05-19 66.181.189.250

400 сая жуулчны дараагийн хувилбар! Амныхаа зоргоор чалчих юм даа. Кино яаж хийдэг, ямар сэтгэлгээ, мэргэжил, соёл, хөгжлийн суурь дээр бүтээдэгийг төсөөлөх ч үгүй байна даа. Херогийн хулхиддагтайгаа адилаар бодоод тэнэгтээд байна даа. Дэмжинэ гээд байгаа Өлзийхүү мэтийг нь ямар ч найруулагч урихгүй гэдгийг ч ойлгохгүй байна.

Avatar

зочин 2021-05-19 103.57.93.217

Холливудын кино хийхэд арай эрт байх, түүний оронд өөрсдөө хэдэн чанартай кино хийхийг бод. 90 оноос хойш Мандухай зэрэг цөөн киног эс тооцвол монголд кино хийнэ гэж нохой наадам болсон, зүгээр л шог гараа маягын юм болсон.

Avatar

Зочин 2021-05-19 192.82.88.8

Ene mahan tolgoi ulam l feneg yum yaridag bolloo ! Medrel ni muudsan bainaa !

Avatar

irgen 2021-05-19 66.181.185.97

Мангар бацаан ЕС хийх ч лүд юмаа.

Avatar

Зочин 2021-05-19 202.126.89.106

Аватарыг үзээд өөр гариг дээр оччихсон байсан чинь гол дүрийн жүжигчин нь жуумалзаад идээмсэглэсэн харцтай тоглоод эхэлмэгц энэ чинь кино ш дээ , энэ хүн чинь нээрээ жүжиглэж байгааш дээ гэж бодогдоод явчихаж билээ. Хичнээн их хөрөнгө мөнгө хүч зараад ч ганц жүжигчин нь өөрийгөө мундаг кинонд тоглож байна гээд бодчихоор л бүх юм дуусч байгаам л даа. Тийм учираас найруулагчаас ч илүүтэй жүжигчний чадвараас л холливудын зиндааны кино хийх эсэх нь шууд хамаардаг л даа. .

Avatar

Хотын уугуул иргэн 2021-05-19 66.181.184.155

Голивудын хэмжээний киног Ерөнхий сайд Л.Оюун-Эрдэнэ ч юм уу, Соёлын сайдын ахадсан нэр зүүсэн годгоносон "охин" Ч.Номин гэх эмэгтэй хийдэггүй юмаа. Мянган соёлын сайд байгаад ч нэмэргүй. Харин Стивен Столберг ч юм уу, үгүйдээ Н.Михалков, эцэг Бодров шиг дэлхийд нэрд гарсан найруулагчид хийдгийг мэдэн будилж хүмүүсийн толгой эргүүлэхээ болих хэрэгтэй. Өнөөдөр Монголын соёлын өмнө тулгарсан том асуудал бол уламжлаллаа хөгжүүлж, байгаа юмаа үрэн таран хийчэхгүй байх нь чухал байна.

Avatar

Зочин 2021-05-19 192.82.73.218

ҮНЭН2

Avatar

Стивен Спийлберг гэж бичээд цэцэрх 2021-05-19 49.0.142.67

зочин

Avatar

Зочин 2021-05-19 124.158.65.33

Хуучин кино үйлдвэр гэж мундаг байгууллага байлаа. Одоо тэр байранд нь юу байдаг, юу хийдэг юм бүү мэд.

Avatar

Зочин 2021-05-19 139.5.217.144

Ахыгаа туслах найруулагчаар ажиллуулах арга.Зайлж үз ийм ч ерөнхий сайд бх гэж

NewsMN Гар утасны хувилбар Татах
NEWS.mn

Мэдээллийн эх сурвалж