Хөх хотод “Монголд үйлдвэрлэв” худалдааны төв байгуулна | News.MN

Хөх хотод “Монголд үйлдвэрлэв” худалдааны төв байгуулна

Хөх хотод “Монголд үйлдвэрлэв” худалдааны төв байгуулна

Хөх хотод “Монголд үйлдвэрлэв” худалдааны төв байгуулна

Монгол Улсын Засгийн газар, МҮХАҮТ хамтран БНХАУ-ын Өвөрмонголын Өөртөө засах орны Хөх хотод “Монголд үйлдвэрлэв” худалдааны төв байгуулахаар төслийн ажлыг эхлүүлжээ. Энэхүү төслийн үр дүнд хоёр улсын худалдаа, бараа бүтээгдэхүүний эргэлт сайжрах төдийгүй экспортын нэр төрөл нэмэгдэхээс гадна соёлын харилцааг өргөжүүлж, сурталчлан таниулах юм. Худалдааны төвтэй болж, монгол бараа бүтээгдэхүүнийг өмнөд хөршийн зах зээлд тогтмол нийлүүлснээр бизнес эрхлэгчид БНХАУ-ын зах зээлд албан ёсоор бүтээгдэхүүнээ гаргах, арилжаалахад илүү хялбар дөхөм болох аж.

Уул уурхайн бус экспортыг нэмэгдүүлэх, ажлын байрыг хамгаалах нь энэхүү төслийн гол зорилго бөгөөд дээрх төв бий болсноор хоёр улсын бизнесийн хамтын ажиллагааг эрчимжүүлэх, үндэсний үйлдвэрлэл хөгжих боломж илүү бүрдэх юм. Уг байгууламж нь Хөх хотын төв хэсэгт байрших бөгөөд худалдаа, үйлчилгээ, соёлын танхим, оффис түрээс гэсэн дөрвөн хэсэгтэй байхаар зураглажээ.

Эхний жилд нийт орлогын 84 хувийг монгол бараа, бүтээгдэхүүн борлуулж, төслийг санхүүжүүлэх бол дараагийн жилүүдэд Хөх хотын зах зээлд танигдсанаар монгол компаниуд бие даан үйл ажиллагаа явуулж эхлэх юм. Үүнд, дээр дурдсан үйлчилгээ, худалдааны түрээс зэрэг багтжээ. Эдгээр нь цаашид төслийн орлогын гол эх үүсвэр байхаар тооцжээ.

2014 онд ӨМӨЗО, ХХАХҮЯ хамтран монгол бараа бүтээгдэхүүн борлуулах төв байгуулахаар тохиролцсон боловч энэ нь өнөөг хүртэл тодорхой үр дүнд хүрээгүй юм. “Монголд үйлдвэрлэв” төв байгуулснаар монгол бараа бүтээгдэхүүнээ хөрш зэргэлдээ зах зээлд худалдах, захиалга авах, хөрөнгө оруулалт татах зэрэг шинэ боломж гарч ирэх нь.

Хоёр улсын Засгийн газрын дэмжлэгтэйгээр татаас бус бизнесийн харилцаанд үндэслэн, одоогийн зах зээлийн эрэлт хэрэгцээнд түшиглэн, зах зээлийн сул орон зайг дүүргэх, үйлдвэрлэгчдэд шинэ зах зээл нээх үүднээс “Монгол үйлдвэрлэв” төвийг байгуулахаар болсныг МҮХАҮТ-ын зүгээс онцоллоо. Тодруулбал, бараа бүтээгдэхүүнээ хөнгөлөлттэй нөхцөлөөр худалдах, дундын зуучлалгүй, байнгын борлуулалт хийх боломжийг дээрх төв олгох аж. Мөн цахим экспортын суурь үүгээр давхар бүрдэнэ гэж үзжээ.

Төслийн нэгжийн тооцоолсноор, тус төв үйл ажиллагаагаа явуулж эхэлснээр, бараа бүтээгдэхүүн нийлүүлж буй үйлдвэрлэгч компаниудын үйлдвэрлэл 15 хувиар нэмэгдэх боломжтой аж.

Энэ мэдээнд өгөх таны сэтгэгдэл?
10
ЗөвЗөв
2
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-05-18 192.82.75.208

Жуулчдын буруу биш байхаа манай охид хүүхнүүд ажил хийхгүй амар хялбар мөнгө олхын төлөө хамаагүй хүний өвөр дамжиж явдгаас л болж байна шүү дээ

Avatar

зочин 2021-05-18 202.21.100.210

Намын гишүүн бус байсны л харгай юмуу даа

Avatar

Зочин 2021-05-18 1.231.177.4

аль зах зээл эхлэнгүүт хийх ёстой байсан ажлыг одоо л эхэлж байна. монголчууд ийм дурак яасан орой сэтгэж байнаа би бол аль зах зээл эхлэнгүүт бодож байсан ч надад хэн ч албан тушаал өгөөгүй л дээ хохь нь

Avatar

Зочин 2021-05-18 202.9.40.180

Зөвөө зөв.одоо үүн дээр нэмээд Өвөрмонголоо жилд боломжийн хирээр жуулчид авах хэрэгтэй. Жилд ядаж 300-400 мянаган жуулчид авдаг бол манайд маш их мөнгө орж ирэх юмдаа. Тэгж байж манай улс хөгжинө.Хятад энэ тэр гээд зайгаа бариад байвал манай улсад л ашиггүй.

Avatar

Зочин 2021-05-18 1.231.177.4

жуулчдаар яахын монгол хүүхнүүд бузарлаад байна. монгол хүүхнүүд гадаад эр л байвал ямар ч байсан хамаагүй сармагчин шиг муухай юмнуудтай явалдаад монголорр дүүрэн муухай хүүхдүүд дүүрчээд байна одоо болооо

Avatar

Зочин 2021-05-18 66.181.180.73

царайгаа харуул даа дебиль монгол оо

NewsMN Гар утасны хувилбар Татах
NEWS.mn

Мэдээллийн эх сурвалж