"Вакцин тариулаад 21 хоносон бол хоёр дахь тунгаа хийлгэж болно" | News.MN

"Вакцин тариулаад 21 хоносон бол хоёр дахь тунгаа хийлгэж болно"

"Вакцин тариулаад 21 хоносон бол хоёр дахь тунгаа хийлгэж болно"

"Вакцин тариулаад 21 хоносон бол хоёр дахь тунгаа хийлгэж болно"

Нийслэл болон хөдөө орон нутгуудад Covid-19-ийн эсрэг дархлаажуулалтын ажил үргэлжилж байна. Улсын хэмжээнд өчигдөр /2020.05.17/ нийт 19374 хүн вакцинжуулалтад хамрагджээ. Ингэснээр Улаанбаатар хотод вакцинд хамрагдах ёстой хүн амын 97 хувь буюу 924457 хүн нэгдүгээр тундаа хамрагджээ. Харин нийслэлд нийт 496758 иргэн вакцины хоёр тундаа хамрагдаад байна. Хөдөө орон нутагт вакцины нэгдүгээр тунд 868200, хоёрдугаар тунд 154830 хүн хамрагдсан талаар ЭМЯ-аас мэдээллээ.

Вакцинжуулалт эхэлснээс хойш 1,792,657 хүн буюу нийт вакцинд хамрагдах ёстой хүн амын 86 орчим хувь нь нэгдүгээр тундаа хамрагджээ. Манай улс вакцинжуулалтын энэхүү үзүүлэлтээр дэлхийд хоёрдугаар байрт жагсаж байна.

Гэхдээ сүүлийн өдрүүдэд вакцинд хамрагдах иргэдийн идэвх суларч байгааг Эрүүл мэндийн яамны хэвлэлийн төлөөлөгч Б.Ууганбаяр онцолсон юм. Тэрбээр "Иргэд Covid-19-ийн вакцинаа хийлгээд 21 хоносон бол хоёрдугаар тундаа хамрагдах бүрэн боломжтой.  Хоёрдугаар тунгаа өөрт ойр дархлаажуулалтын цэгүүдэд очиж хийлгээрэй. Түүнчлэн 18-19 настай иргэд дархлаажуулалтад яаралтай хамрагдах хэрэгтэй. Одоогийн байдлаар 18-19 насны 86396 хүн дархлаажуулалтад хамрагдах ёстой байгаагаас 80 гаруй хувь нь хамрагдсан. Өмнөговь, Сэлэнгэ, Дархан-уул, Дорноговь аймгуудад дархлаажуулалтын ажил хамгийн өндөр хувьтай үргэлжилж байна" гэсэн юм.

Энэ мэдээнд өгөх таны сэтгэгдэл?
3
ЗөвЗөв
1
ГайхмаарГайхмаар
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2021-05-18 59.153.114.187

Орос вакцины 2дахь нь хэзээ эхлэх вэ хугацаандаа эхлэхгүй юм шив

Avatar

ХУД-ийн иргэн Ш.Раднаа 2021-05-18 103.229.123.37

Шадар сайд АМАРСАЙХАНЫ СОНОРТ: Өөрийн чинь өмч болов уу гэж бодоод өөрт чинь хандаж байна. Зайсан толгой дээр байдаг танайхны том зочид буудалд хүмүүс шөнөжин архидаж хоноод өглөө шал согтуу машинаа бариад хот руу орж байна. Өнөө өглөө 97 дугаараар төгссөн номертой жижиг хар машин замаар өгсөж байгаа хүнийг дайрчих шахаад уруудаж байна.Зайсан орчим цагдаа нар огт бадаггүй юм.Түүнийг архичид сайн мэддэг бололтой. Зочид буудалд шөнө арихдуулдгийг болиулаачээ.

Avatar

Зочин 2021-05-18 66.181.183.111

Астра Зеника 56 хоног гэсэн биз дээ Энэ ШУ хурдан хөгжөөд байна уу, хүмүүс будилаад байна уу, эсхүл зүгээр л ийм сенсацитай улс төр, сонгууль, 100 хоногт амжуулсан ажлын үр дүн болгож харагдуулах гэсэн яаравчилсан ажиллагаа явагдаад байна уу. Эсхүл бүр вакцины туршилт явагдаад байгаа юм уу. Мэдэхээ бүр байлаа.

NewsMN Гар утасны хувилбар Татах
NEWS.mn

Мэдээллийн эх сурвалж