"ЭЕШ өгөх сурагчдыг вакцинд хамруулах хэрэгтэй байна" | News.MN

"ЭЕШ өгөх сурагчдыг вакцинд хамруулах хэрэгтэй байна"

"ЭЕШ өгөх сурагчдыг вакцинд хамруулах хэрэгтэй байна"

"ЭЕШ өгөх сурагчдыг вакцинд хамруулах хэрэгтэй байна"

Монгол Улсын Шадар сайд С.Амарсайхан өнөөдөр (2021.05.17) 21 аймгийн онцгой комиссын дарга нартай цахимаар хуралдаж, орон нутгийн иргэдийн вакцинд хамрагдалт, аймаг тус бүрийн онцгой комисст үүсээд байгаа нөхцөл байдлыг хэлэлцэн, үүрэг чиглэл өглөө.

Улсын хэмжээнд тавдугаар сарын 16-ны байдлаар нийт иргэдийн 86 хувийг I тунд, 31.1 хувийг II тунд тус тус хамруулаад байна. Орон нутагт амьдарч байгаа 1.1 сая иргэнээс вакцины I тунд 857.5 мянган иргэн буюу 77 хувь, II тунд 153,7 мянган иргэн буюу 14 хувь хамрагдаад буй.
ШААРДЛАГАТАЙ ТОХИОЛДОЛД АЛСЛАГДСАН АЙМАГ РУУ ОНГОЦООР ВАКЦИН ТЭЭВЭРЛЭНЭ

Шадар сайд С.АМАРСАЙХАН:

-Вакцины төрөлжүүлэлт хийх боломжгүй. Алслагдсан аймаг руу вакцин тасралтгүй тээвэрлэх ажил дээр анхаарна. Мөн отор нүүдлээр явж иргэдийг вакцинжуулах ажлыг аймгийн удирдлагууд эрчимжүүлэх шаардлагатай байна. Шаардлагатай гэвэл алслагдсан аймаг руу онгоцоор вакцин тээвэрлэнэ гэж үзэж байгаа. Вакцины ажлын явц муу байгаа аймгууд энэ дээрээ анхаараарай.

УОК-оос тавдугаар сарын 22-ноос орон нутгийн замыг нээхээр шийдвэрлэсэн. Тиймээс аймгууд халдвар хамгааллын дэглэмийг баримтлах, ариутгал халдваргүйжүүлэлт зэргийг хийж, урьдчилан сэргийлэх хэрэгтэй. Ой хээрийн түймэр гарсан үед унтраах ажлыг шуурхай зохион байгуулах шаардлагатай тул та бүхэн анхаараарай.

ЭЕШ-ыг долдугаар сарын 1-нээс 4-ний өдрүүдэд халдварын эрсдэлгүй зохион байгуулна. ЭЕШ өгөх 18-аас дээш насны сурагчдыг вакцинд хамруулах, вакцины ажлыг идэвхжүүлэх хэрэгтэй байна. Мөн танхимаар давтлага өгөх үед хэсэгчилсэн байдлаар халдвар хамгаалалын дэглэмийг чанд сахих хэрэгтэй. PCR болон вакцинжуулалтын цэг болгон ашиглаж буй сургуулиудын аюулгүй байдлыг хангаж, ариутгал хийгээрэй. Тусгаарлах байр, тусгаарлалтын зардлыг эрүүл мэндийн даатгалын сангаас санхүүжүүлдэг болсон. Тиймээс аймгуудын Эрүүл мэндийн төвүүд ЭМЯ-ны сайдын журмын дагуу үйл ажиллагаагаа явуулаарай. Ингэснээр аймгийн төсвөөс мөнгө гарах шаардлагагүй болсон.

Энэ мэдээнд өгөх таны сэтгэгдэл?
3
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-17 103.26.195.87

энэ дайраад байгаа нь их учир байна. цаанаасаа хатгуулаад байна даа. Мөнгө угаасан Усан оргилуур биш шүү САМАРАА. Хүүхдүүд шүү. намар болтол вакцин хийлгэсэн хүмүүсээ харж ажигла.

Avatar

Зочин 2021-05-17 103.229.121.99

Вакцин хийлгэсэн ч халдвар аваад байгаа биз дээ. Хүүхдүүдэд вакцин хийлгүйгээр халдвар хамгааллыг нь сахиулаад шалгалт аваач ээ. Шалгалтаа өгч амжилгйү вакцинаас болж бие нь хямрах, гай болж амь насаа алдвал хэн хариуцах юм бэ

Avatar

ЗОЧИН 2021-05-17 59.153.86.26

хүүхдүүдэд завал вакцин хийнэ гээд дайраад байх юмаа ,болиочээ,

NewsMN Гар утасны хувилбар Татах
NEWS.mn

Мэдээллийн эх сурвалж