Хятад улс анх удаа судалгааны станцаа Ангараг дээр буулгалаа | News.MN

Хятад улс анх удаа судалгааны станцаа Ангараг дээр буулгалаа

Хятад улс анх удаа судалгааны станцаа Ангараг дээр буулгалаа

Хятад улс анх удаа судалгааны станцаа Ангараг дээр буулгалаа

Хятад улс анх удаа Ангараг гариг дээр судалгааны станцаа буулгасан байна. 2020 оны долдугаар сард дэлхийгээс хөөрч, энэ оны хоёрдугаар сард Ангарагийн тойрог замд орсон Хятадын "Tianwen-1" хөлөг өнөөдөр өглөө /2021.05.15/ анх удаа станцаа Ангарагт амжилттай буулгажээ.

Ингэснээр Хятад нь АНУ, ЗХУ-ын дараа Ангарагт газардаж чадсан дэлхийн гурав дахь улс болж байна. Мөн Хятад нь тойрог замын станц, газардагч станц, өөрөө явагч станц гурвыг нэг аяллаар хамтад нь Ангарагт илгээсэн анхны улс болж байна.

Хятадын “Zhurong” нэртэй станц Ангараг гаригийн эртний галт уулын чулуулгаар дүүрэн тэгш тал  болох “Utopia Planitia” гэж нэрлэгддэг газарт буужээ. Энэ газрын хөрсөн доор усны нөөц байх магадлал өндөр гэж үзэж байгаа юм. Хятадын робот станц Ангарагийн усны нөөцийг судлахаас гадна хөрсний дээжийг нь энэ оны сүүлээр дэлхийд авчрахаар төлөвлөжээ.

Дэлхийтэй харьцуулахад маш сийрэг агаар мандалд нь орсон цагаас эхлээд газардах хүртэл долоон минутын хугацаа шаарддаг бөгөөд энэ долоон минутад Цельсийн 1,000 гаруй хэмийн халууныг тэсвэрлэж байж амжилттай газарддаг байна. Мөн газардахдаа уналтыг сааруулахын тулд эхлээд том шүхэр дэлгэж, дараа нь тийрэлтэт хөдөлгүүрүүдийг ажиллуулж байж Ангарагийн хөрсөн дээр аюулгүй газарддаг ажээ.

Ийнхүү амжилттай газардсан тул тус аппаратаар Ангарагийн 90 хоногт судалгаагаа хийж гүйцэтгэх ажил үлдэж байна. Ангарагийн нэг хоног нь дэлхийн 24 цаг 39 минуттай тэнцдэг. Хятадын "Zhurong" робот аппарат нь 2000-аад оны үеийн NASA-ийн "Spirit and Opportunity" роботтой төстэй бөгөөд 240 кг жинтэй аж.

Эх сурвалж: BBC, Space.com

 

 

Энэ мэдээнд өгөх таны сэтгэгдэл?
7
ГайхмаарГайхмаар
4
ЗөвЗөв
3
ТэнэглэлТэнэглэл
1
ХахаХаха
1
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЛОЛ 2021-05-15 66.181.166.134

Хятадын робот станц Ангарагийн усны нөөцийг судлахаас гадна хөрсний дээжийг нь энэ оны сүүлээр дэлхийд авчрахаар төлөвлөжээ. ГЭНЭ ҮҮ ЮУ ШААДААНБЭЭ, НАСА Ч АВЧИРЧ ЧАДААГҮЙ БАЙХАД ХЯТАД УУ, SPACE.COM РУУ ОРООД ХАРЛАА. 2028 ОНД ГЭЖ БАЙНА ШДЭЭ China is also planning to launch an ambitious Mars sample-return mission in 2028, much like a joint NASA and ESA sample-return mission scheduled to launch that same year. https://www.space.com/china-mars-rover-landing-success-tianwen-1-zhurong

Avatar

Зочин 2021-05-15 192.82.83.41

Сэргэн мандах , ялан дийлэх түүхийн цаг нь ирсэн энэ их гүрнийг одоо хэн ч юу ч зогсоож удаашруулж чадахаасаа өнгөрчээ!! Ийм том их гүрэнийг байтугай Монголчуудыг тогтоон барьж чадаагүй дэлхий ертөнц шүү дээ.

Avatar

Зочин 2021-05-15 59.153.114.118

Haashaa nalaad bnaa?!! Hyatadaa zugeer l magtana biz yagaad Mongol gej havchuulaad bgaan, muu hujaa chin

Avatar

Зочин 2021-05-15 202.9.41.14

6-2 нд 1 сарын хугацаатай англи хэл дээр уран зохиолын ном унших вакум сургалтанд бүртгэж байна. 7 хоногийн 6 өдөр, өдөр бүр 10-19 хооронд хичээллэнэ. 99922603 утсаар бүртгүүлнэ үү

Avatar

Оноч 2021-05-15 192.82.80.78

Хятадын сансар судлал, 1 том алхлаа. Оросууд ч мөнгөгүй болохоор хэцүү л байх шиг байна. Дээр Фобос гээд хөөргөсөн дэлхийгээс гаргаад шууд алдчихсан. Тэгээд баруунтай дахиж протокол болон бусад юмаа хуваалцахгүй гэж шууд мэдэгдэл хийж байсан. Ерөнхийдөө, дахиж ийм програм дээр хамаг юмаа өгөхгүй л гэж байна лээ. Барууныхныг нь хардаад байх шиг байсан. Ер нь тэгээд мөнгө, хөрөнгө л юмдоо. Гэхдээ хятад хурдтай байна.

Avatar

Зочин 2021-05-15 192.82.73.118

Хятад мундаг юмаа, Баяр хүргэе.

Avatar

Лорд 2021-05-15 64.119.19.58

Баяр хүргэе! Хятад лаг юм аа.

Avatar

Зочин 2021-05-15 202.9.46.118

Баяр хүргъе. Амжилт хүсъе.

NewsMN Гар утасны хувилбар Татах
NEWS.mn

Мэдээллийн эх сурвалж