Хөлбөмбөгийн супер оддын нэг Cristiano Ronaldo бас нэгэн тааварт тоглоомын гол баатар боллоо. Тэрбээр саяхан экс-амраг Kim Kardashian-тайгаа зочид буудал руу орж яваад папараццийнхны дуранд өртсөн байна. Янаг амрагууд ийнхүү өнгөрсөн дөрөвдүгээр сараас хойш анх удаагаа хамт явж байгаад адтай гэрэл зурагчдын овоо хараанд өртсөн нь энэ юм. Тухайн үед Ronnie Ла лигийн тоглолтод Kim-ийг урьж, дараа нь Мадридад оройн зоог барьж, халуухнаар үнсэлцэж байсан нь гэрэл зургаар нотлогдсон билээ.

Харин энэ удаад тэд Лос-Анжелест The Beverly Hills зочид буудалд цэнгэжээ.

Kim-ийн хувьд хоёрхон хоногийн өмнө “Dallas Cowboys” багт тоглодог шинэхэн найз залуу Miles Austin-ыхаа бэлтгэлд очиж, жаргалтай гэгч нь сууж байгаа харагдсан. Гэхдээ л халуухан амраг Ronnie-гоо мартаагүй бололтой. Харамсалтай нь, зочид буудалд өөр бүсгүйтэй хамт байсан нь “баригдсан” Ronaldo болон түүний сүйт бүсгүй Ирина Шейк нарын харилцаанд томоохон асуудал үүсэх болж байна.

С.Цэлмэг