Монголыг "тэжээж" яваа нь төсвийг тараагч биш бүрдүүлэгч! | News.MN

Монголыг "тэжээж" яваа нь төсвийг тараагч биш бүрдүүлэгч!

Монголыг "тэжээж" яваа нь төсвийг тараагч биш бүрдүүлэгч!

Монголыг "тэжээж" яваа нь төсвийг тараагч биш бүрдүүлэгч!

Covid-19 халдварын улмаас экспорт, импорт тэг зогсолт хийж, орлого нь багасч, хөрөнгө оруулалт царцан, аж ахуйн нэгжүүд хөл хориот нэг жил гаруй болсон. Ажлын байраа хадгалж үлдэх, ажилчдаа хоолтой байлгахаас гадна тэд  ахмадын тэтгэвэр, тэтгэмж, хүүхдийн мөнгө, төрийн албан хаагчдын цалинг цагт нь тавьсаар ирэв.  Төр халамжаа нэмэгдүүлж, татвар төлөгчид цар тахлын үед байдгаа шавхжээ. 

 Татварын ерөнхий газраас 2020 оны шилдэг татвар төлөгч болон хамгийн их татвар төлсөн аж ахуйн нэгж, иргэдийг зарлав. Тэдэнд төр төдийгүй тэтгэвэр, тэтгэмж авагчид, төрийн албан хаагчид, эмч багш нар талархах ёстой юм. 

Татварын алба өнгөрсөн онд 5.6 их наядын төсвийн орлого бүрдүүлэх төлөвлөгөөтэй ажилласнаас 5.4 их наяд төгрөгийн  төсвийн орлого бүрдүүлжээ.  

Хамгийн их татвар төлсөн 10 аж ахуйн нэгжийн дийлэнх нь бидний ад үздэг  уул уурхайн компаниуд. Тухайлбал, “Эрдэнэт” үйлдвэр ТӨҮГ, “Эрдэнэс Тавантолгой” ХК, “Оюутолгой” ХХК, “Энержи Ресурс” ХХК, “Тавантолгой”  ХК зэрэг компаниуд татвар төлөгчдийг манлайлсан байна.  "Оюутолгой"-н хөрөнгө оруулагчдыг хөөе, гэрээгээ цуцалъя гэж монголчуул хашгирдаг.

Гэвч, бидний хөөж гаргахыг хүсээд байгаа "Оюутолгой" ХХК өнгөрсөн жил  350.7 тэрбум төгрөгийг татварт төлжээ. Өөрөөр хэлбэл, хүнд хэцүү цаг үед уул уурхай монголчуудыг "тэжээж" байгаа ганц салбар нь уул уурхай болсон байна.

Ингээд цар тахлын үед татвар төлөгчдөд ямар бэрхшээлд зовлон учрав, төр тэднийг бодлогоор хэрхэн дэмжсэн талаарх баялаг бүтээгчдийн байр суурийг сонслоо.

2010 ОНООС ХОЙШ НИЙТ 11.6 ТЭРБУМ АМ.ДОЛЛАРЫГ ДОТООДОД ЗАРЦУУЛСАН

“Оюутолгой” ХХК-ийн хэвлэл мэдээлэл олон нийттэй харилцах хэлтсийн дарга Ц.Ганзориг  “2020 онд дэлхий нийтээрээ урьд өмнө тулгарч байгаагүй шинэ сорилт бэрхшээл болох Covid-19 халдвартай  нүүр тулсан. “Оюутолгой” компани ч үүнийг тойрч гараагүй. Цар тахлаас шалтгаалан бид ажлын шинэ хэлбэр, арга барилд суралцаж байна. Хамт олны маань цөөнгүй хэсэг уурхайн цогцолбор дээр уртасгасан хуваариар, хэдэн долоо хоног сунан ажилласан. Үлдсэн  хэсэг  нь гэрээсээ ажиллахын хажуугаар ахуй амьдралаа зохицуулж, олон улсын нислэг зогссон учраас  зарим нь гэр бүлээсээ олон сараар хол байх шаардлагатай болсон. Олон бэрхшээлтэй тулгарсан хэдий ч 2020 онд бид хамтдаа мэрийн ажиллаж, үүрэг амлалтаа аюул осолгүй биелүүлж, өндөр бүтээмжтэй ажиллаж чадлаа.

Цар тахлын нөлөөлөлтэй нүүр тулсан хэдий ч ил уурхай, гүний уурхайн төсөл, баяжуулах үйлдвэрийн багууд маань өндөр бүтээмжтэй ажилсан. 2020 онд цар тахлаас урьдчилан сэргийлэх хатуу арга хэмжээний үед баяжмалын тээвэрлэлтээ БНХАУ-ын хилээр зогсолтгүй нэвтрүүлж, зэс, алтны үйлдвэрлэлийн төлөвлөгөөгөө давуулан биелүүлсэн.

Монгол Улсын эдийн засгийн чухал тулгуур баганын хувьд бид Монгол орны хөгжил цэцэглэлтэд хувь нэмэр оруулах үүрэг амлалтаа биелүүлэхийн төлөө тууштай ажилласаар байна. Бид бүс нутаг, орон нутгийн ард иргэдтэй сайн түншийн харилцаагаа улам бэхжүүлэн, үндэсний ханган нийлүүлэлтийн сүлжээг өргөжүүлж, цар тахлын эдийн засгийн нөлөөллийг бууруулахад хувь нэмрээ оруулсаар байна.

“Оюутолгой” компани 2010 оноос хойш нийт 11.6 тэрбум ам.долларыг дотоодод зарцуулсан. Энэ бол Монгол Улсад оруулсан гадаадын хамгийн том хөрөнгө оруулалт.

Бид татвар, хураамж, үндэсний болон орон нутгийн худалдан авалт, цалин хөлс болон бусад шимтгэлд төлсөн төлбөрийн хэмжээгээр өнгөрсөн арван жилийн хугацаанд нийгэм, улс орны эдийн засгийн хөгжилд томоохон хувь нэмэр оруулж ирлээ.“Оюутолгой” ХХК нь татварын хууль, хөрөнгө оруулалтын гэрээгээр хүлээсэн үүргээ бүрэн биелүүлж татвараа цаг хугацаанд нь, бүрэн төлж ажилладгаараа бахархдаг. 2020 оны эцсийн байдлаар “Оюутолгой” компанийн нийт ажилтны тоо 12364 байснаас ихэнх хувийг буюу 95.4 хувийг монголчууд бүрдүүлж байна. Мөн бидэнтэй хамтран ажилладаг дотоодын ханган нийлүүлэгч компаниуд маань олон зуу, мянган ажлын байр бий болгож нийгэмдээ хувь нэмэр оруулж, үнэ цэнэ бүтээлцэж байна” гэв.

МАШИН, МАХИНИЗМЫН ДАГАЛДАХ СЭЛБЭГИЙГ ХӨЛ ХОРИОНД  ТАСРАЛТГҮЙ НИЙЛҮҮЛСЭН НЬ ТАТВАРАА ТӨЛӨХӨД ТУС БОЛСОН

Татварын багц хууль хэрэгжиж эхэлсэнтэй холбоотойгоор Татварын Ерөнхий газар  татвар төлөгч ААН, байгууллагуудыг том, дунд, жижиг, бичил гэсэн сегмэнтэд хуваажээ. Сегмент бүрд таван компани байх аж. Том сегментээс “Niseech” интернэшнл  ХХК-ийг жишээ татаж байна. Тус компани өнгөрсөн жил 500 сая төгрөгийг татварт төлжээ. “Niseech” интернэшнл ХХК нь 2003 оноос уул уурхай, зам, барилгын салбарын машин механизм, тоног төхөөрөмж тэдгээрийн сэлбэг хэрэгслийг нийлүүлж, засвар үйлчилгээний чиглэлээр үйл ажиллагаа явуулж эхэлсэн байна.

Цар тахлын үед татвар төлөхөд  тулгарсан  хүндрэл бэрхшээлийн талаар тус компаниас тодруулахад “Уул уурхайгаас хамааралтай бизнес учраас хөл хорио мэдээж нөлөөлнө. Манайх Хятадын улсын үйлдвэрлэлийн компанийн Монгол дахь албан ёсны салбар нь. Машин махинизмын дагалдах сэлбэгийг хөл хорионд  тасралтгүй нийлүүлсэн нь татвараа цаг тухайд нь төлөхөд тус нэмэр болсон. Харин өндөржүүлсэн бэлэн байдлын хөл хорионы үед орон нутагруу борлуулалтын дараах засвар үйлчилгээ болон сэлбэгийн ханган нийлүүлэлт хийхэд хүндрэлтэй байсан. Бид үйл ажиллагаагаа явуулж  эхэлсэн цагаас хойш ногдуулсан татварыг хуулийн хугацаанд төлөхийг эрмэлзэж ирсэн, хөл хорионы үед ажилчдынхаа цалинг тасралтгүй олгож байна. Манай компани 2011 онд хамгийн их татвар төлсөн 100 аж ахуйн нэгжийн нэгээр шалгарч 1.44 тэрбум төгрөгийн татварыг улсын төсөвт төвлөрүүлж байсан. Цар тахалын хүнд нөхцөлд Монгол Улсынхаа хөгжил дэвшилд багахан ч гэсэн хувь нэмэр оруулж байгаад манай хамт олон баяртай байна” гэлээ.

Энэ мэдээнд өгөх таны сэтгэгдэл?
7
ЗөвЗөв
3
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ОТ-ын гэрээ бол эх орныхоо эрх ашгаас урвасан жишээ юм... 2021-05-14 192.82.80.78

Өнгөрсөн 10 жилийн дүнгээр ОТ-ын монгол дахь өгөөж 3-ний 1 байсан нь тодорч байна. ө.х. 1 тэрбумыг 10 жилд өгсөн бол. 2 тэрбумыг РИО-гийн тал авсан юм байна. Цаашид энэ өгөөж улам бүр буурах дүр зурагтай. 34-ийн ноогдол ашиг хэзээ ч авахгүй байдалтай байгаа юм байна. Эрдэнэттэй харьцуулахад дунджаар 1.5 дахин их бүтээгдэхүүн борлуулаад 2 дахин бага татвар төлдөг гэсэн дүр зурагтай байгаа юм байна. Эрдэнэт-ийн гэрээ бол харьцангуй маш шудрага гэрээ болсон нь харагдаж байна.

Avatar

Оноч 2021-05-14 192.82.80.78

Заза УИХ дээр ОТ-ын асуудлаар сонсгол явчлаа. Бүх тоонууд гараад ирлээ. ОТ Эрдэнэтээс 5 дахин их борлуулт хийгээд 2 дахин бага татвар төлдөг юм бна. Тэд РИО болон Туркойзын авсаныг тэдэн тэрбум доллар гэж ярьдаг бол Монголын авсныг дандаа тэдэн тэрбум төгрөг гэж ярьдаг юм бна.

Avatar

Зочин 2021-05-14 139.5.219.246

Мөнгө хэвлэж үнэ цэнэмаөужолобцуххоорөыуасёё

Avatar

Оноч 2021-05-14 192.82.80.78

Зүгээр компаний хувьд хэдэн төгрөгийн татвар төлж буй нь гол үзүүлэлт мөн. Гэтэл Уул, уурхайн компани дээр өөр шүү. Тэд чинь ҮХ-д заасан бүх ард түмний баялгийг ухаж зарж байгаа юм. Тэгэхээр хэдэн төгрөгийн шороо, чулуу зарчаад хэдийн татвар төлж буй гэдэг нь бид мэдэх хэрэгтэй байна.

Avatar

Оноч 2021-05-14 192.82.80.78

Тэрбум долларын бүтээгдэхүүн гаргачихаад 120 сая доллар татвар, хураамж хэлбэрээр өгж байгааг л болохгүй байна гэсэн болохоос юу яриад байгаа юм бэ. 350 тэрбум төгрөг чинь 120-хон сая доллар, ухаад авсан юмтайгаа харьцангуй маш бага өгч байна, гэрээгээ шудрага болгоё л гэсэн яриа шүү дээ. А гэхээр Б гээд дайраад байх юм.

Avatar

Оноч 2021-05-14 192.82.80.78

Сэтгүүлчдээ. хэдэн төгрөгийн бараа гаргачаад 350 тэрбумыг татвараар өгснийг л бич. Үлдсэнийг бид ойлгочиж чадна. Тэд хир их мөнгө өгөөд байгааг ухаад ойлгочихож чадна шүү дээ. Тэрнээс иш мухаргүй 350 тэрбумын татвар төлжээ гээд байвал тэр биш шүү. Жишээ нь уул уурхайн биш, үйлдвэрлэл явуулдаг компани тэдэн төгрөгийн татвар төлжээ гэвэл болно. Уул уурхай чинь газар дор чинь байгаа шороо, чулууг чинь зардаг уурхай шүү дээ. Тэгэхээр хэдэн төгрөгийн шороо, чулуу зарчихаад хэдийг өгөөд байгаа юм бэ?

Avatar

Зочин 2021-05-14 66.181.178.207

ЧЧЧАМ ШИГ ХӨЛДҮҮҮД ХЭД Ч ГЭЖ ХЭЛСЭН БОЛНО

Avatar

Оноч 2021-05-14 192.82.80.78

Эх орноосоо урвасан харийн колончлогчдын бөгсийг долоосон ийм юмнуудыг хөөж гаргаж ирээд буудчихдаг болмоор бгаа юмдаа.

Avatar

Зочин 2021-05-14 202.55.191.130

Tatvar tulugch bidnii mungiig Tur halamj nereer taraadagaa zogsoo!!! Ur zeelee dar! ene olon terbum tugrug yund zartsuulagddag ve, il bolgo!

Avatar

Зочин 2021-05-14 64.119.23.14

Delhiid deeguur oroh zesiin nuutst rio tinto gh gadaadiin undesten damnasan hulgaichdaar udirduulj bgaa oyutolgoi gegch manai ulsiin uugan uildver 40 50 jil Mongol ulsiig tejeej bgaa saaliin unee Erdenet uildverees 2 dahin baga tatvar tulj bna iim ashiggui uurhaig shuud haah heregt Mongol uls hohirch bna

Avatar

Зочин 2021-05-14 202.55.191.130

mal, yu meddeg gej mailna ve.

Avatar

33 тай залуу 2021-05-14 203.169.48.34

Хатуу ч гэсэн үнэн байна шүү. Эрдэнэт үйлдвэрийн төлдөг татвараас 2 дахин байна шүүдээ. Тэгэхээр, гол ашгийн өрөм нь гадагшаа л явж байгаа юм байна. Энийг хичнээн нуугаад далдлаад нэмэгүй. Тодоос тод бичсэн байна. Би 33 тай залуу, гэхдээ энэ хүний сэтгэгдэл бичсэн нь хатуу ч гэсэн үнэн байна шүү. Хэзээ нэгэн цагт монголчууд өөрөө өөрсдийнхөө баялагтаа эзэн болоод, улсын дэд бүтэц хөгжил, аж үйлдвэрийн салбартаа хөрөнгө оруулах боломжууд нээгдээсэй.

Avatar

Зочин 2021-05-14 192.82.73.115

Эрдэнэт чинь 100 хувь. Оюутолгой 34 хувь. Эрдэнэт олон жил 0 төграг төлсөн шүү.

Avatar

future 2021-05-14 66.181.182.140

Эрдэнэт олон жил саалийн үнэ байсан шүү, битгий худлаа хэл

Avatar

Иргэн 2021-05-14 49.0.142.98

Аль ч засгийн газар татвараа ачв ахин хувиарлалт хийдэг нь жам шүү, бас чадал муу ч байсан ард олноо авч явдаг төртөй байх байлгүй, хөдөлмөрлөж татвар төлөх олон хүн байна, энэ асуудлаар их орлоготойгоос илүү авах тухай ярьдаг даа, тэгэхээр хэн тэжээдгийг бус дахин хувиарлах системийг оновчтой богоход байх юм уу? Э. СОСОРБУРАМ аа.

Avatar

Зочин 2021-05-14 203.98.76.161

haranhui munhag amaa angaigaad garaa tosood ajil hiihgui uul uurhain orlogoos burdej bui tusvuus tsuslaad suuj bga irgedee sain senhruul ee. Bi uul uurhaig eserguutsdeg tul ene mungiig chini avahgui ee tur zasagtaa handiv bolgood uldeechihie gedeg gishuun ch garaagui bizde? Eserguutseed bga humuus Mongol ulsig hugjuulehgui gej henees daalgavar avhcihaad huduu oron nutagt ajil hiilgehgui shantaajlaad bdag yum bol oo?

Avatar

Зочин 2021-05-14 202.131.230.218

Бүх уул уурхай ингэж татвар төлж байгаа нь юул бол зарим компаний том оврын хүнд ачаа ачсан машинууд зам харилцаа дэд бүтэц эвдээд дуусчийн ямарч хариуцлага тооцож байгаа юм алга баянхонгор говь-алтайн зам юучгүй болохнээ

Avatar

Зочин 2021-05-14 192.82.73.115

Уул уурхайгаас олсон мөнгөө тараагаад дуусах нь. Уг нь нэг уурхайгаас олсон мөнгөөр нэг асуудлаа шийдээд явбал. За тэгээд заяа нь мэдэж дээ.

Avatar

Зочин 2021-05-14 66.181.178.207

ОДОО Л МЭДЖ БАЙНА АНЫХАН ДААНЧ ГЭР БҮЛ УРАГ ТӨРЛӨӨРӨӨ ГАДААДАД АМРААД ОГЦОМ ОГЦОМ БАЯЖААД БАЙСАН ЮМАА

Avatar

Зочин 2021-05-14 202.126.89.144

УУЛ УУРХАЙГААС ОРЖ ИРЭХ АШИГ ОРЛОГЫГ ШУУД ХҮРТЭХ БУС ШУУД БУСААР ХҮРТМЭЭР БАЙНА !!! ҮҮНД : НИЙГМИЙН ҮЙЛЧИЛГЭЭ; ДЭД БҮТЭЦ; БОЛОВСРОЛ…ГМ.

NewsMN Гар утасны хувилбар Татах
NEWS.mn

Мэдээллийн эх сурвалж