Израилийн агаарын цохилтод Газын зурвасын хамгийн том орон сууцны барилгуудын нэг болох 13 давхар барилга өртөн нуржээ.

Сүүлийн үед Израиль, Палестины харилцаа эрс муудаж, хоёр талаас аймшигт халдлагуудыг ээлж дараалан хийж байна. Болж буй мөргөлдөөнд одоогийн байдлаар дор хаяж 36 хүн нас барж, олон хүн шархдаад байна.

Хамгийн сүүлд Израилийн агаарын цохилтод Газын зурвасын орон сууцны барилгууд дунд хамгийн томд ордог 13 давхар “Ханади тауэр” барилга өртөн сүйрсэн юм. Аз болж тус барилгын оршин суугчдыг дайралтаас өмнө амжиж нүүлгэн шилжүүлсэн тул харьцангуй цөөн хүний амь хохирсон боловч эд хөрөнгийн хувьд асар их хохирол учирчээ.

The moment a multi-storey residential tower in western Gaza City collapsed after Israeli airstrikes targeted the building.

🔴 LIVE updates: https://t.co/p3W2a7d52A pic.twitter.com/kVwMfwSpSY

— Al Jazeera English (@AJEnglish) May 11, 2021

Ойролцоо байрладаг оффисийн Хама барилгынхны мэдээлснээр цохилтод зөвхөн Ханадигаас өөр хэд хэдэн барилга өртсөн байна. Үүнээс өмнө өчигдөр/2021.5.11/ өөр нэгэн орон сууцны барилга дайралтад өртөж, улмаар дор хаяж хоёр хүн нас барж, хэд хэдэн хүн шархадсан гэнэ.

Ажиглагчдын үзэж байгаагаар Израилийн тал агаараас цохилт өгөх зэвсэг, техникүүдээ шинэчилсэн бөгөөд байдал цаашид улам хүндэрч болзошгүй юм. Эх сурвалжийн мэдээлснээс үзвэл, Израиль зориуд энгийн иргэдийн суурьшлын бүсэд довтолж өнөөг хүртэл 56 удаагийн халдлагаар 120 гаруй пуужин ашигласан гэнэ.

Эх сурвалж: UNILAD