“Ахмадууд заавал үнэт цаасны батламж авах шаардлагагүй” | News.MN

“Ахмадууд заавал үнэт цаасны батламж авах шаардлагагүй”

“Ахмадууд заавал үнэт цаасны батламж авах шаардлагагүй”

Ахмадууд заавал үнэт цаасны батламж авах шаардлагатай юу?

Ахмадууд заавал үнэт цаасны батламж авах шаардлагатай юу?

Posted by News.mn on Tuesday, May 11, 2021

Тэтгэврийн зээлгүй 238 мянган ахмадуудад сая төгрөгийн үнэт цаас олгохоор болсон. Ахмадуудад олгох үнэт цаасыг "Эрдэнэс Монгол" ХХК тавдугаар сарын 21-нээс мөнгөжүүлэх талаар албаныхан мэдээлсэн. Гэвч зарим ахмадууд үнэт цаасны талаар мэдээлэлгүйгээс банкны гадна урт дараалал үүсгэж, дугаарлах асуудал үүссэн. Энэ талаар Нийгмийн даатгалын ерөнхий газрын Олон нийттэй харилцах хэлтсийн дарга Э.Баасанжалбаас тодрууллаа.


-Тэтгэврийн зээлгүй ахмадуудад өчигдөр (2021.05.11)-өөс үнэт цаас олгож эхэлсэн. Үнэт цаасны батламж тараах ажлыг хэрхэн зохион байгуулж байна вэ?

-Иргэний тэтгэвэр барьцаалсан зээлийг төрөөс нэг удаа төлөх тухай хуулийн хүрээнд өнгөрсөн жил зургаан сая хүртэлх төгрөгийн тэтгэврийн зээлтэй байсан иргэдийн тэтгэврийн зээлийг нэг удаа төрөөс төлсөн. Энэ удаад 2019 онд оны арванхоёрдугаар сарын 31-ний өдрөөс өмнө тэтгэврээ тогтоолгосон, тухайн хугацаанаас өмнө тэтгэврийн зээлгүй байсан буюу тэтгэвэр авсан зээлийн хэмжээ нь нэг сая төгрөгөөс бага үнийн дүнтэй байсан бол зөрүүгээр нь тооцож, мөнгө олгох ажлыг зохион байгуулж байна.

Тодруулбал, 194 мянган ахмад тэтгэврийн зээлгүй, 43 мянган ахмад нэг сая хүртэлх төгрөгийн зээлтэй байсан учраас зөрүү 216 тэрбум төгрөг олгохоор шийдвэрлэсэн.

-Ахмад настнуудын тэтгэврийн дансанд тавдугаар сарын 21-нээс мөнгө нь шилжиж орно гэж албаныхан мэдээлсэн. Эрсдэлтэй үед заавал үнэт цаасны батламж тараах ёстой юу?

-Үнэт цаасны батламжийг “Эрдэнэс Монгол" компани,  “Эрдэнэс Силвер Ресурс” компаниас хэвлэн гаргасан. Иргэд энэ батламжийг авахыг хүсвэл харъяа нийгмийн даатгалын хэлтсээсээ авах боломжтой. Бид цар тахлын нөхцөл байдалтай уялдуулан үнэт цаасны батламжаа авсан эсэхээс үл хамаарч тухайн ахмад настаны тэтгэвэр авдаг банкны харилцах дансаар дамжуулан хуулийн дагуу тавдугаар сарын 21-ний дотор мөнгийг шилжүүлнэ. Энэ хугацаанд багтаж үнэт цаасыг мөнгөжүүлнэ гэсэн үг.

-Ахмадууд заавал үнэт цаасны батламж авах шаардлагагүй гэсэн үг үү?

-Тийм ээ. Энэ батламжийг иргэд даатгуулагчдад хүргэх, тараах ажлыг нийгмийн даатгалын салбар нэгжүүд, аймаг, дүүрэг, сумдын хэлтсүүд зохион байгуулж байна. Өнгөрсөн амралтын өдрүүдэд иргэдэд чирэгдэлгүй үйлчлэх зорилгоор нийслэлийн хороон дээр нь очиж тараах ажлыг зохион байгуулсан. Одоо иргэд дүүргийн хэлтэс дээрээс батламж авах хүсэлтэй бол ирээд авч болно. Эрсдэлтэй энэ үед ахмадууддаа заавал үнэт цаасны батламж авах шаардлагагүй гэж зөвлөе. Зарим иргэдийн хувьд заавал баталгаажуулж, үнэт цаасны батламжаа авах хүсэлтэй байдаг. Тийм учраас энэ батламжийг олгох ажлыг зохион байгуулж байгаа юм.

Зарим ахмадууд үнэт цаасны талаар мэдээлэл дутуу авснаас болж үнэт цаасаа аваад шууд банкнаас мөнгөө авахаар оочер дугаар үүсгэсэн асуудал гарсан байсан. Хэвлэл мэдээллийн хэрэгслээр өчигдөр дэлгэрэнгүй мэдээлэл явсан учраас ийм асуудал дахин үүсэхгүй байх.

-Үнэт цаас эзэмшигч нь өвлүүлэх эрхтэй гэсэн. Энэ талаар мэдээлэл өгөхгүй юү?

-Өнгөрөгч 2019 оны арванхоёрдугаар сарын 31-ний өдрөөс хойш нас барсан хүмүүсийн ар гэрт энэ үнэт цаас өвлөгдөх зохицуулалттай. Өөрөөр хэлбэл, Нийгмийн даатгалын байгууллагаар дамжуулан тухайн хүмүүст олгогдох ёстой байсан үнэт цаасыг ар гэрт нь нөхөн олгох байдлаар Иргэний хуулийн дагуу зохицуулна.

Энэ мэдээнд өгөх таны сэтгэгдэл?
10
БурууБуруу
6
ЗөвЗөв
3
ХарамсалтайХарамсалтай
3
ТэнэглэлТэнэглэл
2
ХөөрхөнХөөрхөн
0
ХахаХаха
0
ГайхмаарГайхмаар
Баярлалаа!

Холбоотой мэдээ

33 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-11 202.126.89.92

2020 2021 онд тэтгэвэрт гарсан ахмадууддаа адилхан өгөө битгий ялга адилхан ахмадууд шүү

Avatar

Зочин 2021-05-11 192.241.231.48

Одоо өгч байгаа юм чинь 20, 21 онд гарсан ахмадуудыг бас адил хамруулах ёстой ш дээ ялгаврлаж болохгүй шүү дээ ахмадууд сонгуулийн өмнө саналаа өөрчлөх вий дээ

Avatar

Зочин 2021-05-11 64.119.18.74

Яагаад 2020, 2021 оны 5 сар хүртлэх хугацаанд тэтгэвэрт гарсан ахмадуудад 1 сая төгрөг өгөхгүй байгаа юм бэ.. Ингэж он, жилээр нь ялгаварлан гадуурхаж болох уу. Зүйн бол шийдвэр гарсан өдрөөс л тасалбар болгох ёстой шүү дээ.

Avatar

хотын уугуул иргэн 2021-05-11 64.119.18.74

Наад ваучер нэртэй цаас авах гэж тэтгэврийн хөгшүүл чинь хэдэн цагаар гадаа дараалалд зосч байна. Магадгүй энэ үеэр өвчин авч дараа нь бие хаа нь муудвал хэн хариуцах вэ. Амьдрал мэдэхгүй хэдэн дарганцаруудын тэнэг шийдвэрээс болж энэ ажил чинь тус биш ус болж байна. Дээр нь, эдийн засгийн хүнд үе гээд байгаа өнөө цагт 300,000-400,000 ш. цаас гэрчилгээг хэдэн тэрбум төгрөгөөр хэвлэж суудаг яасан баян улс вэ. Хүний зовлон дээр олсон мөнгө чинь мөнгө болохгуй шүү

Avatar

ЗОЧИН 2021-05-11 192.82.70.109

Мөнгө хусах гээд сүйд болох юмаа. Шууд дансанд нь хийчих мөнгийг батламж хэвлэж байна гэж мөнгө хулгайлах гэж. Эсвэл сурталчилгааны материал хэвлэх мөнгөө олж байгаа юм болов уу.

Avatar

зочин 2021-05-11 202.126.90.160

СОНГУУЛИЙН ШОУ !!!

Avatar

иргэд 2021-05-11 192.82.86.200

батламж авах шаардлагагүй юм бол яах гэж батламж ваучер олон зуун саяаар хэвлэдэгийн бэ хулгайчууд хулгайгаа л хийсэн

Avatar

Зочин 2021-05-11 202.9.40.193

Хэрэггүй цаас хэвлүүлж байхаар 2020, 2021 онд тэтгэвэрт гарсан хүмүүсд хамруулах сэтгэл алга уу ахмад шүү дээ тэтгэвэр нэмээчээ

Avatar

Зочин 2021-05-11 202.21.108.4

Баттулга, Хүрэлсүх 2 тэтгэврийн ахмадуудыг ингэж нэг ялгаж харьцсан бдаг, өдрөө яаж ийж байгаад өнгөрөөдөг ядарсан нэгийг нь хажиглаж тэтгэврээсээ өөр орлогоор амьдардаг чинээлэг хэсгийн зээлийг чөлөөлсөн бдаг. Яагаад ч юм Баттулга тулсан дэмжлэг авдаггүйн гол шалтгааны нэг энэ.

Avatar

Зочин 2021-05-11 202.126.89.232

Үнэт цаасны ач холбогдолыг тодорхой тайлбарлахгүй бол үнэндээ илүү зардал гэсэн ойлголт баталгаажиж байна

Avatar

Хариулт 2021-05-11 103.229.122.120

Үнэт цаас байлаа гэхэд тэр цаасыг хэдэн жил хадгална гэхэв.Эмнийхээ мөнгө,идэх уухдаа,мөн бид хувцаслах хэрэгтэй гэдгийг ойлгоогүй юм болов уу.Үнэт цаасыг ойлгоод ,бас амьдралаасаа илүүчлээд хөрөнгийн биржээс,мөн бусад бондоос худалдаж авах нь хүний эрх шүү дээ.

Avatar

Зочин 2021-05-11 202.126.89.232

Үнэт ц

Avatar

хотын уугуул иргэн 2021-05-11 64.119.18.74

Үнэт цаасны батламж 200-300 мянган ш. хэвлэх гэж хэдэн зуун сая төгрөг зарцуулж салхинд хийсгэж дээ. Ингэж ажил удаж байхын оронд тэтгэврийн хүмүүсийн тэтгэврийн данс руу нь шууд шилжүүлж болдоггүй юм уу. Төр засагт энэ хэдэн хөшчүүлээ зовоохгуй мөнгийг нь шууд шилжүүлж болдоггүй юм байхдаа. Мөн энэ 1 сая төгрөгийг 2019 онд тэтгэвэрт гарсан хүмүүсээр таслаж, улмаар 2020 оны 1 сараас тэтгэвэрт гарсан хүмүүсийг хамруулахгуй ялгаварлан гадуурхаж байгаа нь ямар учиртай юм бэ..

Avatar

Хэвлэлийн компани мөнгө идэх арга 2021-05-11 138.251.252.191

Батламж гэдэг нь зүгээр хагас тэрбум гаруй төгрөг идэж уух арга, хэвлэлийн компаниар дамжуулж

Avatar

Зочин 2021-05-11 64.119.23.166

ҮҮНИЙг далимдуулж хэрэггүй цаас хэвлэсэн болж мөнгө угааж идсэн гадаад харилцааны сайд гэгдэх батцэцэг авгай, тус компанийн захирал Ганхуяг нараар өөрсдийнх нь мөнгөөр энэ хохирлыг заавал төлүүлж иргэдэд мэдээлэхийг шаардаж байна.

Avatar

ЗОЧИН 2021-05-11 64.119.16.47

ЭРДЭНЭС БОНД ЫГ хэвлүүлэх буруу шийдвэр гаргасан Албан тушаалтангууд энэ мөнгийг өөрсдөө хувиасаа төлж ЭРДЭС МОНГОЛ ХХК ийг хохиролгүй болгох хэрэгтэй

Avatar

Зочин 2021-05-11 192.82.75.241

Хөгшчүүлийн сэтгэл санаагаар тоглохоо боль. Мөнгөө барж ядаж байгаа юм шиг 500 сая төг-н зардал гаргасан бн.

Avatar

Зочин 2021-05-11 66.181.161.48

Үнэт цаас гэдэг юмыг хэвлүүлэхэд бас багагүй зардал гарсан байж таарна. Гэтэл түүнийг заавал авах шаардлагагүй юм бол яах гэж хэвлүүлсэн юм бэ??? Ойлгомжгүй байгаа биз?? Манай хорооноос утасдаад "Сая төгрөгнийхөө батламжийг ирж ав" гэж байна лээ?! Хачин юм хийх юмаа???

Avatar

Зочин 2021-05-11 66.181.161.48

“Эрдэнэс Монгол" компани гэдэг чинь төрийн өмчийн буюу "Хөөе!" гэх эзэнгүй компани учраас ингэж үрэлгэн хандаж байна л даа!! Хувийн компани бол яасан ингэж ингэж хэрэггүй цаас хэвлүүлэхгүй дээ!!

Avatar

chek 2021-05-11 59.153.114.203

энэ цаасаа чи өөрөө худалдаж аваа

Avatar

Зочин 2021-05-11 66.181.160.15

тэтгэвэр авагчид гэдэгт өндөр настны тэтгэвэр, хөгжлийн бэрхшээлтэй иргэдийн груп авдагууд багтдаг уу? груп авдаг иргэд авах уу?

Avatar

Зочин 2021-05-11 64.119.24.146

ишш. хагас тэрбум төгрөгөөр хэрэггүй цаас хэвлэчихэж байгаа юмуу. хэрэгтэй юманд зарчуулчих овсгоотой толгой байна уу. ээж аав нь энэ хүүхдүүдэд.юу.зааж өгдөг юм бэ??? муу нусан жонхуунууд

Avatar

Зочин 2021-05-11 124.122.133.224

neg hunii hevleliin company $ hiih bolomj

Avatar

Зочин 2021-05-11 192.82.73.115

Тэгвэл хэрэггүй цаас хэвлэж мөнгө идэх хэрэг байсан уу. Үнэт цаас гээд үнэтэй л хэвлүүлсэн байж таараа.

Avatar

му-ын иргэн 2021-05-11 66.181.169.162

хэрэгжүүлэх шатандаа хүмүүст ямар ч мэдээлэл өгөхгүй урт дараалал хороон дээр үүссэн банйа лээ тэгээд зарим нэрс нь ирээгүй орхигдсон хүнийг чирэгдүүлсэн өөрсдөөс нь авч байгаа юм шиг харьцаж байна лээ өөрсдөөс нь шалтгаалсан бол уучлалтгуйх естой биз дээ төрийн албан хаагчдын чадвар үйлчилгээ харьцаа маш муу өөрсдийгөө тарийн үйлчилгээ хүргэж байгаа хүмүүс гэдгээ огт ухамсарлаагүй дарга нар гээд бодчихсон ТЭР БАТЛАМЖ НЬ БАГЦ БАГЦААРАА БООДОЛТОЙ БАЙНА ЛЭЭ /ЯМАР Ч ХЭРЭГГҮЙ ЗАРДАЛ /

Avatar

Зочин 2021-05-11 192.82.82.174

Энэ цаас хэвлэж мөнгө идэхээ больж үз арай дэндүү тэнэг юм хийх юмаа.

Avatar

Зочин 2021-05-11 202.21.100.210

Энэ банкны дараалал арай хэтэрлээ

Avatar

Irgen 2021-05-11 103.26.193.114

Ene unet tsaas geed bgaagiin hereg alga bsan yum bish u. Hairan horongo mongo.

Avatar

Зочин 2021-05-11 66.181.185.215

Мөнгөөр олгочих юм бол энэ цаас ямар хэрэгтэй юм бэ. Хэвлүүлхэд зардал орсон болов уу

Avatar

Зочин 2021-05-11 64.119.23.228

Terii ni s*****g baihgvi yvv dee !

Avatar

ЗОЧИН 2021-05-11 66.181.161.2

Энэ цаасыг хэрэггүй хэдлүүлжээ. Хайран улсын мөнгө. Ингэж иддэг болохоор ард түмэн дургүй багаа юм.

Avatar

Зочин 2021-05-11 192.82.74.61

ЭНЭ ХЭРЭГГҮЙ ЦААС ХЭВЛҮҮЛЖ МӨНГӨ ИДСЭН ХЭРГИЙГ ШАЛГАЖ БУРУУТАЙ ЭЗДЭЭР НЬ ӨЛҮҮЛЭЭРЭЙ. БИДНИЙ ТАТВАРЫН МӨНГӨ, БИДЭНД НОГДОХ ЭРДЭС БАЯЛГИЙН МӨНГӨ ШҮҮ. БТЦЭЦЭГ ГАНХУЯГ НАРААР ТӨЛҮҮЛЭХ

Avatar

Д. Сүрэн 2021-05-11 202.21.108.32

Үнэт цаасны бонд ын батламж гаргасан нэрээр мөнгө угааж байна. ямарч шаардлага байхгүй шүүдээ.

NewsMN Гар утасны хувилбар Татах
NEWS.mn

Мэдээллийн эх сурвалж