"2 тунгаа хийлгэж, 14 хоносон иргэд заалаар үйлчлүүлэх хүсэлтэй байна" | News.MN

"2 тунгаа хийлгэж, 14 хоносон иргэд заалаар үйлчлүүлэх хүсэлтэй байна"

"2 тунгаа хийлгэж, 14 хоносон иргэд заалаар үйлчлүүлэх хүсэлтэй байна"

"2 тунгаа хийлгэж, 14 хоносон иргэд заалаар үйлчлүүлэх хүсэлтэй байна"

Сар гаруй нам жим байсан их хотын хөд хөдөлгөөн эргэж ирлээ. Дэлхий нийтээр тархсан цар тахлын улмаас Монгол Улс дөрвөн удаагийн хөл хорио тогтоосон байдаг. Энэ нь хөл хориог халдварын эрсдэлийг хумих, бууруулах үр дүнтэй арга хэмээн тодорхойлсонтой холбоотой. Гэвч хөл хорионы дараа иргэд нийгмийн харилцаанд хэрхэн оролцох, ААН байгууллагуудад ямар зохицуулалт хийх нь хүн бүрийн чих тавин хүлээх асуудлын нэг болсон.

Нийслэлийн хэмжээнд үйл ажиллагаа явуулдаг 89 чиглэлийн байгууллагаас 18 салбарын үйл ажиллагааг хязгаарласан. Харин үе шаттайгаар нээгдэж буй ААН, байгууллагуудын ажилчид дархлаажуулалтад хамрагдсан байх, үйлчлүүлж буй иргэдэд хоёр дахь тунгаа хийлгэсэн байх шаардлага заавал тавих ёстойг албаныхан онцолсон. Бид энэ удаад үйл ажиллагаагаа хэвийн явуулж эхэлсэн ААН, байгууллагуудын бодит нөхцөл байдал, түүнд хэрхэн хяналт тавьж байгаа талаар сурвалжиллаа.

Дотоодод халдвар тарснаас хойш хамгийн удаан хугацаанд тэг зогсолт хийсэн салбаруудын нэг бол үсчин, гоо сайхан. Учир нь гурван сар гаруй хугацаанд үсчин, гоо сайхны байгууллагуудыг халдварын эрсдэлтэй хэмээн нэг өдөр нь нээж, нөгөө өдөр нь хаасаар өнөөдөртэй золгосныг тэд учирлаж байв.

Үсчин, гоо сайхны үйл ажиллагаа хэвийн эхэлсэн боловч үйлчлүүлэгчдийн тоо харилцан адилгүй байлаа. Зарим үсчний газрын үүдээр хөл тавих төдийд “Ямар үйлчилгээ авах вэ” гэж асууцгаана. Энд вакциндаа бүрэн хамрагдсан байх шаардлагаас илүүтэй иргэдийн үйлчлүүлэх хэрэгцээ дээгүүр байгаа нь илт. Иргэд ч хоёр тунгаа хийлгэх өдрөө хүлээлгүйгээр үсчний газрыг зорьж, ээлжээ хүлээн суусаар байна.

“БИ МАСКАА САЙН ЗҮҮЧИХСЭН, ҮСЭЭ ЯНЗЛУУЛЬЯ” ГЭЖ ХЭЛЭЭД ГАРАХГҮЙ ТОХИОЛДОЛ Ч БИЙ

Бид хэд хэдэн үсчин, гоо сайхны салоны газар орж УОК-ын шийдвэртэй холбоотой хэрэгжилт хэр байгааг тодрууллаа. Үсчид ачаалал ихтэй үед үйлчлүүлэгч бүрт вакцинд хамрагдсан эсэхэд хяналт тавьж чадахгүй байгаагаа нуусангүй. Ингэхдээ цар тахлын нөхцөл байдалтай холбогдуулан гаргасан шийдвэрийг мөрдлөг болгон ажиллаж байгаа боловч оочер хүлээн суух иргэдэд хоёр дахь тунгаа хийлгээгүй гэх шалтгаанаар үйлчлэхгүй байх хэцүү гэдгийг ч дурдаж байв. “Би маскаа сайн зүүчихсэн, үсээ янзлуулья” гэж хэлээд гарахгүй тохиолдол ч бий гэнэ. Үсчин, гоо сайхны газрын ажилчид хөл хорио тогтоохын өмнө нэгдсэн журмаар вакцинжуулалтад хамрагдсан байна. Ажилчид нь зориулалтын хувцас өмсөж, амны хаалт зүүсэн үсчин, гоо сайхны газар олон байлаа.

Үсчин Б.Ганчимэг:

-Нээгдсэнээс хойш үйлчлүүлэгч их байна. Үйлчлүүлэгчдэд вакцины хоёр тундаа хамрагдсан байх шаардлага тавих ёстой. Гэтэл энд хүний эрх яригдаж буй юм. Иймээс ч давтан тундаа хамрагдсан хүмүүс цөөн тоогоор үйлчлүүлж байна.  Ажилчдын хувьд вакциндаа бүрэн хамрагдсан. Мэргэжлийн байгууллагуудаас өгсөн үүргийг бид биелүүлж ажиллаж байна. Гэвч үсчин, гоо сайханчдын дунд дундаас доош амьдралтай хүмүүс их. Тиймдээ ч эдийн засгийн нөхцөл байдлаа бодвол үйлчлүүлэгчийг хүлээж авахаас өөр аргагүй. Гэхдээ аль болох халдвар хамгааллын дэглэмээ барих, ариутгал халдваргүйжүүлэлт хийх зэрэг шаардлагатай арга хэмжээнүүдийг бусад үйлчилгээний байгууллагуудын адилаар авч байна гэлээ.

Үсчин У.Соддалай:

-Үсчин, гоо сайхнаар үйлчлүүлэхэд иргэдийн ухамсар чухал. Иргэд өөрсдийн эрүүл мэндээ эрсдэлд оруулахыг хүсэхгүй шүү дээ. Ихэвчлэн хоёр тунгаа хийлгэсэн гэсэн иргэд л үйлчлүүлж байна. Нээгдсэн эхний өдөр үйлчлүүлэгч их байсан. Харин өнөөдрөөс үйлчлүүлэгч багасаад эхэллээ. Хүн хоорондын зайг бланкаар тусгаарлаж, ариутгалаа хоёр цаг тутамд хийж байна. Үйлчлүүлэгч нарыг QR кодоо уншуулж, халуунаа үзүүлэхийг шаардаж байна. Вакцинд хамрагдсан иргэдэд үйлчилнэ гэх шийдвэр нь эрүүл мэнд, халдвар хамгааллын талаас зөв. Гэхдээ хоёрдугаар тундаа бүрэн хамрагдсан хүмүүс хэр их байгаа вэ гэдгийг давхар бодолцож үзэх ёстой байх хэмээн ярьсан юм.

“ИРГЭД ХҮРГЭЛТЭЭС ИЛҮҮ ЗААЛААР ҮЙЛЧЛҮҮЛЭХ ХҮСЭЛТ ИХ ТАВЬЖ БАЙНА”

Хоол үйлдвэрлэл, үйлчилгээний газруудын үйл ажиллагаа явуулахыг зөвшөөрсөн ч ресторан, кафе, сүлжээ хоолны газар, түргэн хоолны газар, кофе шоп, цайны газар, буфет, явуулын үйлчилгээтэй хоолны газар нь үйлчилгээний танхим болон гадна талбайд үйлчилгээ явуулахыг хязгаарлаж, хүргэлтээр болон захиалгат хоолны үйлчилгээг зөвшөөрөхөөр зохицуулсан. Рестораны ажилчид үүдээр орох үед заалаар үйлчлэхгүй хэмээн хэлж байв.

Хүргэлтийн үйлчилгээний талаар тодруулахад “Хүргэлт хийж буй ажилчиддаа халдвар хамгааллын дэглэмээ баримтлах, вакцины хоёр тундаа хамрагдсан байх шаардлагыг байгууллагын зүгээс тавьж байна. Иргэдийн зүгээс заалаар үйлчлүүлэх хүсэлт их тавьж байна. Хөл хорионы өмнөх үетэй харьцуулахад үйлчлүүлэгч багассан. Үйлчилгээний байгууллагууд халдвар хамгааллын дэглэмийг чанд баримтлан ажиллах боломжтой. Нэгэнт гарсан шийдвэрийг бид дагахаас өөр аргагүй. Хүргэлтээр хоол авах захиалга ч бага ирж байна” гэж ярилаа.

Иймд цайны болон түргэн хоолны газрууд хоол үйлдвэрлэлийн салбарт хүргэлт хийх боломжтой байгууллага хэд байдаг вэ гэдгийг бодолцож үзэх нь зөв хэмээн онцолж байсан юм.

“ТУСГАЙ НӨХЦӨЛ, ШААРДЛАГА МӨРДӨХГҮЙ ТОХИОЛДОЛД ШАТ ДАРААТАЙ АРГА ХЭМЖЭЭ АВНА”

Үйл ажиллагаа нь эхэлсэн байгууллагуудад УОК-ын даргын 41 дүгээр тушаалаар батлагдсан тусгай нөхцөл, шаардлагыг хангуулахад хэрхэн хяналт тавьж ажиллаж буй талаар НМХГ-ын Эрүүл мэнд, боловсрол соёлын хяналтын хэлтсийн дарга Д.Цэнд-Аюушаас тодруулахад дараах тайлбарыг өгсөн юм. Тэрбээр “УОК-ын даргын 41-р тушаалд шинээр мөрдөх тусгай нөхцөл, шаардлагуудыг нэмж оруулж өгсөн. Нэгдүгээрт, төрийн болон худалдаа үйлчилгээний байгууллагуудад вакцины хоёрдугаар тунд хамрагдсан ажилчин, алба хаагчдыг ажиллуулна гэсэн заалт бий. Хоёрдугаарт, өмнө нь иргэдийн хөдөлгөөнийг QR кодын тусламжтайгаар бүртгэлжүүлдэг байсан. Үүнд зориулж тусгай аппликейшны хөгжүүлэлтийг хийж эхлээд байна. Тус аппликейшны тусламжтайгаар халдварын эсрэг бүрэн тун авсан эсэх, халдвараар өвчилж эдгэсэн болон хүндэтгэн үзэх шалтгаанаар дархлаажуулалтад хамрагдаагүй болохыг шалгаж, нэвтрүүлэх юм. Томоохон зах худалдааны төвүүдийн үйл ажиллагаанд хяналт тавих, тусгай нөхцөл, шаардлагыг хангуулах чиглэлээр дүүрэг бүрд Ажлын хэсэг байгуулан ажиллаж байна. Одоохондоо аппликейшн бэлэн болоогүй тул иргэд E-Mongolia системээс татаж авсан вакцины гэрчилгээгээ үзүүлж, үйлчилгээний байгууллагуудаар үйлчлүүлэх хэрэгтэй.

Энэхүү тушаалд ганцхан хувь хүний эрх бус бусдын эрх давхар яригдаж байгаа юм. Иймд халдварын тархалт буурахгүй байгаа энэ үед байгууллагууд хүргүүлсэн шаардлагын дагуу үйлчлүүлэгчдэдээ хяналт тавьж ажиллах хэрэгтэй юм. Нийтийн хоол үйлдвэрлэлийн үйл ажиллагаа эрхэлж буй ААН, байгууллагуудын хүргэлт болон захиалгат хоолны үйлчилгээг зөвшөөрсөн. Тухайн худалдаа, үйлчилгээ эрхлэгч байгууллага гарсан тогтоол, шийдвэрийн дагуу ажиллах ёстой. Нөгөө талдаа халдварын тархалтыг нэмэгдүүлэх эрсдэлтэй тул энэхүү шийдвэрийг гаргасан гэдгийг ойлгох хэрэгтэй. Уг тусгай нөхцөл, шаардлагыг мөрдөж ажиллахгүй тохиолдолд тухайн байгууллагуудад мэдэгдэл хүргүүлж, торгууль оногдуулахаас гадна тусгай зөвшөөрлийг цуцлах, түдгэлзүүлэх хүртэлх шат дараалсан арга хэмжээ авч ажиллах юм” гэлээ.

 

Ц.ЯНЖИНДУЛАМ

Энэ мэдээнд өгөх таны сэтгэгдэл?
2
ТэнэглэлТэнэглэл
1
ХахаХаха
1
ХарамсалтайХарамсалтай
1
БурууБуруу
0
ЗөвЗөв
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-11 202.21.113.238

Одоо болиоо Алдсан бол алдсан бүгд эрсдлээ мэдэж байна. өөрсдөө учраа олог

Avatar

Зочин 2021-05-11 202.21.108.59

Би лав вакцин хийлгүлээгүй оркуудыг дэлгүүртээ оруулахгүй байгаа шүү Тэдний мөнгөөр дутахгүй.

Avatar

иргэн 2021-05-11 66.181.189.76

Хүннү молл ороход үүдэнд вакцинд хмарагдсан эсэхийг шалгаж, халуун үзэв. шалгуулаад, үзүүлээд, маскаа зүүж, бээлий өмсөөд ортол дотор дэлгүүр бүр гэрчилгэЭ шаардаж бна. Үүдэнд шалгуулсан ш дээ гэхэд тэр хамаагүй, дэлгүүр бүр шалгах ёстой мэргэжлийн хяналтынхан торгоно гээд бөөн сүр. Дахиж бөөгнөрөөд л шалгуулаад л зарим нь ч залхаад гараад явж бна. Энэ бол нугалаа, шалгалгүй яах вэ гэхдээ ААН бүр гэдэг арай

Avatar

Ха Ха Ха 2021-05-11 103.10.21.27

2вакцин хийлгэсэн Монголчууд аймар хувиа бодсон наасан. Би өвдөхгүй юм чинь өвчин тараасан ч яахав тэнмээр байна гэнэ үү?

Avatar

Зочин 2021-05-11 192.82.73.138

орк авгай хүүхнүүд бусдад гай болох нь! орж ирээд л хэл ам хийгээд дайраад байх юм. Зөв зүгээр эрүүл хүн байж бусдын төлөө вакцин хийлгэх үүрэгтэй ш дээ. хийлгэхгүй байх нь миний эрх ч гэх шиг. Тэгвэл нийгмийн төлөө хийлгэх үүрэгтэй юм. Халдвартай мал үсчинд орж ирээд гарахад ямар их гай болохыг төсөөлөхгүй л байна даа!!!!!

Avatar

Зочин 2021-05-11 216.38.195.77

dampuuruul,xuu

Avatar

иргэн 2021-05-11 202.179.27.196

Дэлхий дээр вакцин хийлгэх нь байтугай вакцины бараа огт хараагүй улс орон байна. Вакцин хангалттай ирсэн байхад голж шилээд байдаг монгол шиг улс алга. Бушуухан вакцинаа хийлгээд урин дэлгэр цагт ийш тийш явж амрахаа бод

Avatar

зочин 2021-05-11 202.179.27.196

Цар тохлын гамшиг нүүрэлж байхад юун хүний эрх шаардаад байгаан. Үүргээ огт биелүүлдэггүй байж эрх нэхээхээ боль

Avatar

иргэн 2021-05-11 202.179.27.196

Цар тохлын гамшгийн үед хүний эрх шаардаад байх хэрэггүй. Тэгээд ч монголчууд эрхээ шаардаад байдаг мөртөө үүргээ огт биелүүлдэггүй бүүр мартцан улс

Avatar

Zochin 2021-05-11 192.82.65.103

энэ доогуур олон юм хуцаад байгаа оркуудад гэж хэлэхэд, хятадаас ахиухан вакцин нийлүүлсэн тулдаа хүн амаа богино хугацаанд вакцинжуулж хохирол багатай энэ тахлыг даваж байна шүү, вакцингүй байсан бол улс орон хэрхэн сүйрч болох байсныг энэ нас баралт харуулж байна. өвчтн хүн амд хавтгай тархсан бол эрүүл мэндийн салбар, эдийн засаг, улс орон бүхлээрээ сүйрэх аюултай байлаа, хятадын ард түмэнд баярлалаа гээд хүн ёсоор талархлаа илэрхийлчий.

Avatar

ӨЛСГӨЛӨН & СОНГУУЛЬ & НААДАМ 🚫🚫🚫 2021-05-11 202.126.89.228

⚠ 1024 БӨХ БАРИЛДУУЛЖ НААДАМ ХИЙХ ГЭЖ БУЙ ДУРААКНУУДЫГ ЯАЛТАЙ !!!!

⚠ УЛСАА НУРААЧИЛГҮЙ АРД ИРГЭДЭЭ ХИАРУУЛЧИЛГҮЙ ШИГ БАЙЖ БАЙГААД ГАЙТАЙ СОНГУУЛИА ХИЙЧЭЭСЭЙ !!! ДАЙНЫ ХАЖУУД ДАЖИН ГЭЖ ХЭДЭН ПОПУУД ЖАГСААЛ ЦУГЛААН НЬ ЮУ ВДЭЭ…..

⚠ МӨНГӨ ТАРААЖ БАЙГААД УЛСАА ДАМПУУРУУЛЧИХ ВИЙ ДЭЭ БУСАД НЬ Ч ЯАХАВ !!!

NewsMN Гар утасны хувилбар Татах
NEWS.mn

Мэдээллийн эх сурвалж