ЭМЯ: 20-40 насны хүмүүс халдвар авах нь их байна | News.MN

ЭМЯ: 20-40 насны хүмүүс халдвар авах нь их байна

COVID-19

ЭМЯ: 20-40 насны хүмүүс халдвар авах нь их байна

Эрүүл мэндийн яамнаас өнөөдрийн (2021.5.9) Covid-19 халдварын нөхцөл байдлын мэдээллээ хүргэлээ.


ЭМЯ 11.00 цагийн мэдээлэл

ЭМЯ-аас коронавирусийн нөхцөл байдлын талаар ээлжит мэдээллээ хийж байна

Posted by News.mn on Saturday, May 8, 2021

Сүүлийн 24 цагт Covid-19 халдварын 804 шинэ тохиолдол бүртгэгдэж, хоёр хүн нас барлаа. Улсын хэмжээнд халдварын нийт батлагдсан тохиолдол 44,820 болсон бол Covid-19 шалтгаант нас баралт 162 болжээ. Сүүлийн 24 цагт 1389 хүн эдгэрч, эдгэрсэн хүний тоо 31,373 болж байна.

COVID-19-ийн улмаас 69 настай эрэгтэй, 89 настай эмэгтэй эмнэлэгт хэвтэн эмчлүүлж байгаад нас барсан байна.

Шинээр батлагдсан тохиолдлын 737 нь Улаанбаатар хотод бүртгэгдсэн бол 56 нь орон нутагт батлагджээ. Энэтхэг улсаас ирж, Дорноговь аймагт тусгаарлагдаж буй дөрвөн иргэнээс Covid-19 илэрлээ. Ийнхүү орон нутгийн өвчлөлийн тоо 4,816 болж өсчээ. Аймгуудаар нь авч үзвэл:

  • Завхан аймаг- 23
  • Баян-Өлгий аймаг- нэг
  • Говь-Алтай аймагт – долоо
  • Орхон аймагт- ес
  • Сүхбаатар аймагт – хоёр
  • Төв аймагт- нэг
  • Сэлэнгэ аймагт- дөрөв
  • Өвөрхангай аймаг – найм
  • Хэнтий аймагт- нэг тохиолдол тус бүр батлагдаад байна.

Улсын хэмжээнд 4968  хүн Covid-19-ийн улмаас эмнэлэгт хэвтэн эмчлүүлж байна. Нийт эмчлүүлж байгаа хүмүүсээс:

  • 2826 хүний бие хөнгөн
  • 1530  хүний бие хүндэвтэр
  •  499 хүний бие хүнд
  •  113 хүний биеийн байдал нэн хүнд байна.

Улаанбаатар хотод өнөөдрийн байдлаар вакцины нэгдүгээр тунд 888,354 иргэн, хоёрдугаар тунд 473,941 хүн хамрагдаад байна. Ингэснээр вакцинжуулалт эхэлснээс хойш улсын хэмжээнд нэгдүгээр тунд 1,536,715,  хоёрдугаар тунд 617,908 хүн хамрагдлаа.

20-40 НАСНЫ ХҮМҮҮС ХАЛДВАР АВАХ НЬ ИХ БАЙНА

Эрүүл мэндийн сайд С.Энхболд “Дотоодод халдвар бүртгэгдсэн өдрөөс хойш манай улсад дөрвөн удаагийн хөл хорио тогтоосон. Сүүлийн долоо хоногийн байдлаар тархвар зүйн муруй тогтмол буурах хандлага ажиглагдаж байна. Энэ нь сүүлийн 28 хоногийн хөл хорио, вакцинжуулалт идэвхтэй явж байгаагийн илрэл гэж үзэж байна. 20-40 насны хүмүүс халдвар авах нь их байна. 50-аас дээш насны иргэд халдвараар өвчилж хүндэрч байна. Халдварын тохиолдол нэмэгдсэнтэй холбоотой 20-оос дээш насныхан хүндрэх магадлалтай.

Хэрэв хөл хорио тогтоогоогүй байсан бол тавдугаар сар гэхэд өдөрт бүртгэгдэх халдварын тоо 3 мянгад хүрэх байсан. Вакцинжуулалтыг идэхжүүлбэл халдварын тохиолдол буурах хандлагатай байна. Өнөөдрийн байдлаар 2 сая 934 мянган тун вакциныг татан авч, иргэдээ вакцинжуулаад явж байгаа.

18-аас дээш насны 2,067,292 хүний вакцинжуулах төлөвлөгөө гаргаад ажиллаж байгаа. Нийслэлийн иргэдийг зургадугаар сарын 01 гэхэд вакцины хоёрдугаар тунд бүрэн хамруулна гэсэн зорилт тавин ажиллаж байна. Харин орон нутгийн иргэдийг долдугаар сарын 01 гэхэд дархлаажуулалтын хоёр тунд бүрэн хамруулахаар төлөвлөсөн” гэлээ.

Ц.ЯНЖИНДУЛАМ

Энэ мэдээнд өгөх таны сэтгэгдэл?
10
ХарамсалтайХарамсалтай
4
ЗөвЗөв
3
ГайхмаарГайхмаар
2
ТэнэглэлТэнэглэл
1
ХахаХаха
1
БурууБуруу
0
ХөөрхөнХөөрхөн
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж