Тавантолгой-Гашуунсухайт чиглэлийн төмөр зам ирэх онд ашиглалтад орно | News.MN

Тавантолгой-Гашуунсухайт чиглэлийн төмөр зам ирэх онд ашиглалтад орно

Тавантолгой-Гашуунсухайт чиглэлийн төмөр зам ирэх онд ашиглалтад орно

Тавантолгой-Гашуунсухайт чиглэлийн төмөр зам ирэх онд ашиглалтад орно

Монгол Улсын Ерөнхий сайд Л.Оюун-Эрдэнэ Тавантолгой-Гашуунсухайт, Тавантолгой-Зүүнбаян чиглэлийн төмөр замын бүтээн байгуулалтын явцтай танилцав. Засгийн газар Тавантолгой-Гашуунсухайт чиглэлийн  258.4 км замыг ирэх оны долоодугаар сард ашиглалтад оруулахыг зорьж байна. Төмөр зам баригдсанаар жилд 30 сая тн нүүрс зэрэг ашигт малтмал, бусад ачаа тээвэрлэж экспортлох боломж бүрдэх юм. Одоогоор газар шорооны ажил 81, дээд бүтцийн барилга угсралт 67 хувь буюу 233 км гол замын 201 км-ыг хийгээд байна.

Төмөр зам ашиглалтад орсноор:

  • Дотоодын нүүрс тээврийн зардал дөрөв дахин буурч жилд 30-50 сая тн нүүрс экспортлоно,
  • Бэлчээр сүйтгэх, тоосжилт, дуу шуугиан, хөрс, агаарын бохирдол эрс багасна,
  • Автотээврийн осол, зөрчил буурна,
  • Тавантолгойн бүлэг орд орчмын уурхайнуудын олборлолтын хэмжээг 2-3 дахин нэмэгдүүлэх боломжтой,
  • Байнгын 2,000 орчим ажлын байр бий болно,
  • Жилд 20-28 сая ам.долларын татвар төлнө гэсэн тооцоо гарчээ. Төмөр замын захиалагчаар “Тавантолгой төмөр зам” компани, ерөнхий гүйцэтгэгчээр “Бодь интернэйшнл”, туслан гүйцэтгэгчээр 62 аж ахуйн нэгж ажиллаж байна. Төслийн хүрээнд 200 гаруй аж ахуйн нэгж, нэг ээлжинд 3,000 инженер, техникийн ажилтан, 1,200 хүнд даацын машин ажиллаж байна.

Тавантолгой-Зүүнбаян чиглэлийн гол төмөр замын урт 416.2 км,  дэлгэмэл урт нь 463 км,  нэг өртөө, зургаан зөрлөгтэй байх юм. Одоогоор 422 км-ыг нь үндсэндээ угсарч дуусгасан, мөн зургаан зөрлөгийг Улсын комисст хүлээлгэж өгөөд байна. 300 гаруй тэрбум төгрөгийн санхүүжилт хүлээгдэж байгаа, өнгөрсөн онд доод бүтэц, гүүр, хоолойн ажил хийсэн олон аж ахуйн нэгж мөнгөө аваагүй тухай Зам, тээврийн хөгжлийн сайд Л.Халтар танилцуулав.  Төмөр зам Тавантолгойн уурхайгаас коксжих нүүрс экспортлох, уул уурхай болон аж үйлдвэрийн бүтээгдэхүүний тээвэрлэлт, экспортыг нэмэгдүүлэх, бүс нутгийн нийгэм, эдийн засгийн хөгжлийг дэмжихэд чухал хувь нэмэр оруулна. Төмөр замын суурь бүтцийг дотоодын 46 аж ахуйн нэгж, Зэвсэгт хүчний барилгын анги, нэгтгэл хийж байна. Төмөр замтай болсноор 30 орчим томоохон орд газар эдийн засгийн эргэлтэд орох боломж бүрдэх юм.

“Стратегийн ач холбогдол бүхий дээрх хоёр замыг товлосон хугацаанд нь ашиглалтад оруулахын төлөө Засгийн газар шаардлагатай бүх арга хэмжээ авч байна. Улстөржилт, талцал зэргээс болж 12 жил төмөр замаа тавьж чадаагүй. Энэ хэрээр Монгол Улс их хэмжээний орлого, боломжоо алдсан. Цаашид ийм байдал давтагдах ёсгүй” гэж Монгол Улсын Ерөнхий сайд Л.Оюун-Эрдэнэ хэллээ. Тэрээр Тавантолгой-Зүүнбаян чиглэлийн төмөр замд шаардлагатай санхүүжилтийг үе шаттай шийдвэрлэнэ гэв.

Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-09 122.201.21.70

Баттулга ч ёстой гай болж байнаа. Өргөн нарийн цари г 2 талаасаа зөрөөтэй учир тэр их нүүрсийг ЯАЖ ШИЛЖҮҮЛЖ АЧИХ ВЭ???? НОЦТОЙ АСУУДАЛ ЭНЭ БАЙГАА….

Avatar

Зочин 2021-05-09 192.82.68.95

Гацаах юу байхав дээ Улсын мэдэлд суурь бүтэц байхауу, хувийн мэдэлд байхуу гэдгээс л хэрүүл эхэлсэн шүү дээ Одоо улс засаг мэдээд нүүрсээ гаргах болсондоо байртай байна даа

Avatar

Зочин 2021-05-09 103.229.122.45

Hyatad tal n OK gesen yumuu? Nariin/Urgon ali n ve hoo? Sankhuu deeree gatssan gej duulsan… Gol asuudluudaa shiideegui baij baij ingeed yariad baij bolj baigaa yum uu?

Avatar

Зочин 2021-05-09 103.229.122.45

Undor nam n taarch baigaa yumuu? Teriig zasahad Olon $100 say hereg bolno geed baigaa

Avatar

Зочин 2021-05-09 192.82.70.119

Муу нэртэй Жэнко л харин менежмент сайн хийж 2 төмөр замыг 3н жилд бариулж дуусгах шатандаа оржээ яаж ч харлуулсан жирийн иргэд мэдэж байгаа Жэнко зам гэж нэрлэн түүхэнд үлдэнэ шүү

Avatar

Зочин 2021-05-09 192.82.72.37

Женкогийн балгаар хичнээн ч жил болов доо. Эхлээд гол болох гашуунсухайтаа дуусгаад дараагийнх руу нь орохгүй цаг алдаад байхын

Avatar

Зочин 2021-05-09 66.181.182.247

Энэ жил орно гээгуй юу янз бурээр бичээд бх юм хурдхан тавьж болдоггуй юмуу тэр гацаагаад бс хумуусыг нь шоронд нь хориорой

NewsMN Гар утасны хувилбар Татах
NEWS.mn

Мэдээллийн эх сурвалж