Богд уулын аяллын маршрутыг тохижуулах төслийг танилцуулав | News.MN

Богд уулын аяллын маршрутыг тохижуулах төслийг танилцуулав

Богд уулын аяллын маршрутыг тохижуулах төслийг танилцуулав

Хог хаягдлын олон нийтийн байцаагч ажиллуулах, мөнгөн урамшуулал олгох журмыг шинэчилнэ

Нийслэлийн Засаг даргын зөвлөлийн хурал цахимаар болж /05.07/, хэд хэдэн асуудал хэлэлцлээ. Хурлын эхэнд Хог хаягдлын олон нийтийн байцаагч ажиллуулах, мөнгөн урамшуулал олгох журмыг шинэчлэн батлах тухай хэлэлцсэн бөгөөд журмын төслийг Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр танилцууллаа. Журмын гол зорилго нь Улаанбаатар хотын иргэдийн эрүүл, аюулгүй орчинд ажиллаж, амьдрах таатай нөхцөлийг бүрдүүлэх, тухайн нутаг дэвсгэрт хог хаягдлын олон нийтийн байцаагч ажиллуулж, хог хаягдлын чиглэлээр гарсан хууль, тогтоомжийг сурталчлах, биелэлтийг хангуулах, хяналт тавих, зөрчил дутагдлыг арилгуулахад оршиж буй юм.

Өнөөдрийн байдлаар Улаанбаатар хотын нийт 88 хороонд хог хаягдлын олон нийтийн байцаагч ажиллаж байгаа юм. Үүнээс Сонгинохайрхан дүүрэгт 43, Баянгол дүүрэгт 25, Сүхбаатар дүүрэгт 20 байцаагч ажиллаж байна. Хог хаягдлын олон нийтийн байцаагч нарын жилийн цалинд 595 сая төгрөг зарцуулдаг.

Хог хаягдлын олон нийтийн байцаагч нар хууль, тогтоомжийг сурталчлах үүрэгтэй ч тэр бүр сургалтад хамрагддаггүй байна. Тиймээс иргэдэд хог хаягдлын талаар хангалттай ойлголт өгч чаддаггүй гэж байлаа. Мөн нийслэлийн дүүргүүдэд олон нийтийн байцаагч жигд ажилладаггүй учраас энэ ажил төдийлөн үр дүнтэй болохгүй байгаа аж. Түүнчлэн дүрэмт хувцас, ажлын үнэмлэх  байхгүй тул тавьсан шаардлагыг иргэд хүлээж авдаггүй, цалин урамшуулал бага учраас  тогтвортой  ажилладаггүй зэрэг асуудал үүсдэг байна.

Тиймээс журмыг сайжруулж, Хог хаягдлын олон нийтийн байцаагчийн ажил үүргийг тодорхой болгож, өвөл, зуны дүрэмт хувцас, ажлын үнэмлэх, цалин, урамшууллын асуудлыг шийдвэрлэх, бусад хууль, тогтоомжтой нийцүүлж журмын төсөл боловсруулсан гэлээ. Хэлэлцэж буй асуудалтай холбогдуулан зөвлөлийн гишүүд асуулт асууж, санал хэлсэн бөгөөд зөвлөлийн гишүүдийн саналыг тусгаад журам гаргахаар болов.

Урамшуулал олгох журмын төслийг буцаав

Нийслэлийн Засаг даргын зөвлөлийн хурлаар мөн Хог хаягдлыг ангилах, цуглуулах, тээвэрлэх, хадгалах, дахин ашиглах, дахин боловсруулах, сэргээн ашиглах, устгах, булшлах, экспортлох үйл ажиллагаа эрхэлсэн болон байгаль орчинд ээлтэй, хаягдалгүй технологи нэвтрүүлсэн иргэн, аж ахуйн нэгж, байгууллагад эдийн засгийн урамшуулал олгох журам батлах тухай асуудлыг хэлэлцлээ.

Иргэн, аж ахуйн нэгжүүдэд мөнгөн болон кредит онооны системээр дамжуулан эдийн засгийн урамшуулал олгох тухай танилцуулгыг Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр хийсэн юм.

Тухайлбал, өдөр тутмын амьдрал, үйлдвэрлэл, үйлчилгээндээ байгаль орчинд ээлтэй хаягдалгүй технологи нэвтрүүлсэн, хог хаягдлаа эх үүсвэр дээр багасгасан, үйлчилгээний хураамжийг тогтмол төлдөг иргэн, аж ахуйн нэгж, байгууллагад кредит онооны системээр дамжуулан эдийн засгийн урамшуулал олгох юм. Харин хог хаягдлыг ангилах, цуглуулах, тээвэрлэх, хадгалах, дахин ашиглах, дахин боловсруулах, сэргээн ашиглах, устгах, булшлах, экспортлох үйл ажиллагаа эрхэлдэг иргэн, аж ахуйн нэгж, байгууллагад мөнгөн урамшуулал олгох аж.

Хэлэлцэж буй асуудалтай холбогдуулан зөвлөлийн гишүүд саналаа хэлсэн бөгөөд Нийслэлийн Засаг дарга дээрх журмын төслийг бусад хууль, тогтоомжтой уялдуулж, илүү сайжруулах, зөвлөлийн гишүүдийн саналыг тусган, боловсронгуй болгож, дараагийн хуралд танилцуулахыг үүрэг болголоо.

Богд уулын аяллын маршрутыг тохижуулах төслийг танилцуулав

Өнгөрсөн дөрөвдүгээр сард Нийслэлийн Засаг дарга бөгөөд Улаанбаатар хотын захирагч Д.Сумъяабазар болон холбогдох албаныхан иргэдийн ихээр зорчдог Богдхан уулын аяллын маршруттай танилцаж, тохижилт, бүтээн байгуулалтын ажил хийх үүрэг өгсөн юм. Энэ дагуу өнөөдөр Засаг даргын зөвлөлийн хурлаар Зайсан-Богдхан уул чиглэлийн аяллын маршрутыг есөн байршилд тохижуулах ажлын танилцуулгыг хийлээ.

Зайсан-Дугуй цагаан-Баруун ширээт чиглэлд амралтын өдрүүдэд зуны улиралд 3000-4000 иргэн, өвлийн улиралд 1000-2000 иргэн ууланд тогтмол алхдаг гэсэн тоон үзүүлэлт байдаг аж.

Тиймээс Улаанбаатар хотын иргэд, оршин суугчдын эрүүл, аюулгүй орчинд амьдрах нөхцөлийг бүрдүүлэх, нийтийн биеийн тамир, уулын явган алхалтыг дэмжих, тусгай хамгаалалттай газар нутгийн байгалийн унаган төрх алдагдахаас хамгаалах, зөв боловсон эко аяллыг цогцоор нь хөгжүүлж, Богд хан эко парк бий болгохоор зорьж буй аж.

Одоо байгаа явган зам нь хөлийн явдлаар хад чулуу нь ил гарсан, бороо, цасны шавар болон байнгын сүүдэртэй хэсгүүдэд мөстөж гулгаа үүссэн эрсдэлүүд өндөр байгаа учраас тодорхой хэсгүүдэд эрсдэлийг бууруулах хүрээнд байгалийн материалыг ашиглан хэсэгчилсэн засвар хийх юм байна.

Мөн ууланд алхагчдад чухал хэрэгцээтэй зүйлийн нэг нь ус бөгөөд тодорхой төвлөрсөн цэгүүдэд ус уух цэгүүдийг төлөвлөх шаардлагатай байгаа гэлээ. Түүнчлэн иргэдийн амрах цэгүүдийг шинэчилж, өндөрлөг цэгт хот болон байгалийн үзэгдэх орчныг харах боломжийг бүрдүүлэх юм байна.

Нийслэлийн Засаг дарга бөгөөд Улаанбаатар хотын Захирагч Д.Сумъяабазар “Богдхан уулын аяллын маршрутыг тохижуулах ажлыг чанарын өндөр түвшинд хийх хэрэгтэй”-г анхааруулаад олон улсын стандарт,  Хот, тосгоны төлөвлөлт, барилгажилтын норм ба дүрмийг баримтлан тохижилтын ажлаа хийх ёстой гэлээ. Мөн урин дулааны улирал эхэлж буйтай холбогдуулан тохижилтын ажлаа шуурхай хийхийг үүрэг болгов.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС

Энэ мэдээнд өгөх таны сэтгэгдэл?
4
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-08 192.82.73.115

Үндэсний цэцэрлэгт хүрээлэнгээс чанх урагшаа Богд уулруу мөн аяллын парк бий болгох хэрэгтэй байна. Тэр хавьд хашаалсан хашаануудыг буулгаж газрыг нь ард түмэнд буцаан олгож аялал спортын парк байгуулцгаая.

Avatar

Зочин 2021-05-08 64.119.23.95

Demii ymand mungu ureed alhah durtai ymnuud ni tgd alhaad l yavna biz yug ni zasch yanzaldgiin

Avatar

Аялагч 2021-05-08 139.5.218.161

Шавар гэрүүдийг зайлуулж сдорт талбай болго!

Avatar

Хан уул 2021-05-08 176.88.68.47

Богд уул минь баяртай.

Avatar

даш 2021-05-08 64.119.26.110

ЭНЭ ДЭЛХИЙН СОЁЛТ ХҮН ТӨРЛӨХТӨН ХҮРЭЭЛЭН БУЙ ОРЧНОО АЖИЛЛАЖ, АМЬДРАХ ЗОРИУЛАЛТААР ЗОХИСТОЙ АШИГЛАЖ ХЭВШЖЭЭ. БИД БҮХ ЗҮЙЛИЙГ ШАШНЫ НОМЛОЛООР ХАРЖ, ЭНЭ СОЁЛТ ДЭЛХИЙГЭЭС ХЭТ ХОЦРОГДОЖ БУЙГАА ОДОО УХААРАХ ЦАГ БОЛЖЭЭ. ЭНЭ ЗАМЫЫГ ИНГЭЖ ЗАСЧ ТОХИЖУУЛАХ НЬ ТҮМЭН ЗӨВ. БҮР ӨНӨӨХ ДҮҮЖИН ЗАМАА ЗАЙСАНГИЙН АМНААС ЦЭЦЭЭ ГҮН ЦААШ НЬ МАНЖИРЫН ХИЙД ХҮРГЭЖ, ХОТЫН НЭГ АЯЛАЛ ЖУУЛЧЛАЛ, ЗУГААЛГЫН БҮСИЙГ БИЙ БОЛГОХ ХЭРЭГТЭЙ. БҮТЭЭН БАЙГУУЛАЛТ ГЭДЭГ АЖИЛ ЗОГСООД 30 ЖИЛ БОЛЛОО, ЭНЭ ХЭМЖЭЭГЭЭР УЛС ОРОН ХОЦОРГДОВ.

Avatar

баяр 2021-05-08 202.131.232.18

Одоо тэгээд яалтай билээ дээ хотын хүн ам ихсээд ирэхээр агаар салхинд гарах болно шүү дээ, хамгийн их явдаг явган алхдаг энэ ам руу хүмүүс алхахад амар зам нь гулгаагүй бүдэрч унахааргүй тав тухтай болгож өгөхөөр төсөл хөрөнгө оруулалт хийж байхад юунд дургүйцээд хэл ам болоод байдаг юм дээ, түүнд чинь заавал мөнгө орно тэгээд хийсэн хөлсөө жоохон нэмээ л биз дээ, тийм шударга юм ер нь энэ дэлхий дээр хаана байдаг юм, юм болгон дээр хардаад өөрсд шигээ байнга бодох юм.

Avatar

Эрдэмтэн 2021-05-08 150.129.143.130

Заавааруулж өгөх нээ, хүмүүс эрүүл байгальд алхахыг хүсэж байна

Avatar

Зочин 2021-05-08 192.82.75.241

Одоо Богд уулаа хог новшоор дүүргэхээр болж байна уу.

Avatar

мгл 2021-05-08 66.181.179.230

иим дэмии юмнии хэрэг байхгуй,явган аялагчид онгон байгалаараа байхыг илууд узнэ!Харин амуудыг хаасан том хашаануудыг буулгаж,зовшоорол огоод байгаа авилгачидыгаа шиитгэ!

NewsMN Гар утасны хувилбар Татах
NEWS.mn

Мэдээллийн эх сурвалж