Иргэний бүртгэлийн дугаар буюу ID дугаараа хэрхэн мэдэх вэ? Монгол Улсын Ерөнхийлөгчийн сонгуулийн сонгогчдын нэрийн жагсаалт дахь өөрт холбогдох мэдээлэлтэй иргэний бүртгэлийн дугаарыг ашиглан танилцах боломжтой.

Ингэхийн тулд иргэн та иргэний үнэмлэх дээр байрлах QR кодыг гар утасныхаа камераар уншуулж, 12 орон бүхий иргэний бүртгэлийн дугаар буюу ID дугаараа мэдэх боломжтой.

Үүний дараа election.burtgel.gov.mn/ гэх хаягаар нэвтрэн иргэний бүртгэлийн дугаар эсвэл регистрийн дугаараа оруулан Монгол Улсын Ерөнхийлөгчийн сонгуулийн сонгогчдын нэрийн жагсаалт дахь өөрийн болон өөрийн байнга оршин суугаа хаягийн бүртгэлд бүртгэгдсэн нийт сонгогчийн мэдээлэлтэй танилцах боломжтой.

Иргэний бүртгэлийн дугаар буюу ID дугаар нь ирээдүйд регистрийн дугаарыг орлох чухал ач холбогдолтой дугаар юм.