"Олимпийн аварга болж, дэлхийгээр аялахыг хүсдэг" | News.MN

"Олимпийн аварга болж, дэлхийгээр аялахыг хүсдэг"

ШИНЭ НЭР - Токио 2020

"Олимпийн аварга болж, дэлхийгээр аялахыг хүсдэг"

“NEWS” агентлаг залуустаа зориулсан “Шинэ нэр” булангийнхаа энэ удаагийн зочноор Токио-2020 олимпийн наадамд оролцох эрх аваад буй залуу тамирчинг онцолж байна. Түүнийг Болдсайханы Хонгорзул гэдэг. Тэрбээр Монголын чөлөөт бөхийн спортод цахиур хагалж буй залуу тамирчин бөгөөд саяхан Казахстан улсын Алматы хотод зохион байгуулсан олимпийн эрх олгох тэмцээнд амжилттай оролцож, алтан медаль, олимпийн эрх хүртсэн юм.

Ирээдүйтэй тамирчин охин шаргуу хөдөлмөрлөсний эцэст ирэх зун Токиог зорих болзлоо хангаад байна. Ингээд түүнтэй танилцъя.


Болдсайхан Хонгорзул 2001.05.27

Төгссөн сургууль:

Баянхонгор аймгийн Номгон ахлах сургууль

Их засаг их сургууль /Одоо суралцаж буй/

Мэргэжил:

Хууль, эрх зүй/Одоо суралцаж буй/

Чөлөөт бөхийн үндэсний шигшээ багийн тамирчин

Сошиал хуудас:

Б.Хонгорзул /фэйсбүүк/, Chinod_khongorzul /инстаграм/

ОЛИМПИЙН НААДМЫН ЭРХ АВСАН СЭТГЭГДЭЛ

-Мэдээж олимпийн эрх авсандаа баяртай байгаа. Гэхдээ амжилтадаа ханах болоогүй. Саяхан карантинаас гараад одоо олимпийн бэлтгэлдээ гарах гэж байна.

Гэрийнхэн болон С.Мөнхдуулдах багш маань миний барилдаан бүрийн лайвыг үзэж,  хажууд байгаа мэт л догдлоод байж байсан гэсэн.

УЧРАА ТААРСАН ӨРСӨЛДӨГЧ БҮРЭЭ ИЛТ ИЛҮҮРХЭЖ, ОНОО АЛДАЛГҮЙ ЦЭВЭР ЯЛЖ БАЙГАА ХАРАГДСАН ?

-Насанд хүрэгчдийн ангилал руу шилжээд удаагүй байгаа болохоор өрсөлдөгч нартайгаа өмнө нь барилдаж үзээгүй байсан. Сүүлд нь бүх барилдаанаа тунгаан бодоход яг ч хүссэнээрээ барилдаагүй юм шигээ. Олимп бол олимпийн эрх олгох тэмцээнээс тэс өөр шүү дээ. Гаргасан бүх алдаагаа засч, болж байгаа зүйлүүдээ улам сайжруулах хэрэгтэй байна. Алтан медалийн төлөө барилдсан Энэтхэгийн тамирчны барилдааныг тэмцээнд явахаасаа өмнө их үзэж, судалсан. Тэр тамирчинтай л их ойрхон өрсөлдөөнийг үзүүлж, ялалт байгуулсан даа.

Бэлтгэл сургуулилтаа ерөнхийдөө Баянхонгор аймагтаа С.Мөнхдуулдах багшийнхаа удирдлага дор хийдэг. Харин олимпийн эрх олгох тэмцээнд явахаасаа өмнө хоёр сарын хугацаанд шигшээ багийн цугларалтад хамрагдсан.

ХҮҮХЭД НАСНЫ ТУХАЙ

-Манай гэр бүл Баянхонгор аймгийн Өлзийт сумын хөдөөний малчин айл. Манай өвөө уяач хүн байдаг учир бага насаа ер нь л морин дээр хөдөө л өнгөрүүлсэн гэж хэлж болно. Харин долдугаар ангидаа бөхийн спортоор хичээллэж эхэлснээсээ хойш хөдөө явах нь багассан. Байнгын бэлтгэлтэй байдаг учир зун ч явах завгүй болсон доо.

АНХ СПОРТТОЙ ХОЛБОГДСОН ТҮҮХ

-Анх сургуулийнхаа чөлөөт бөхийн аварга шалгаруулах тэмцээнд оролцоод ялагдчихсан. 38 кг-ын жиндээ хожигдчихсон юм. Тэгээд шарандаа биеийн тамирын хичээлийнхээ багшаас гуйсаар байгаад дээд жиндээ өрсөлдөж, мөнгөн медаль авч байлаа. Тэр үед С.Мөнхдуулдах багштайгаа таарахад “Маргааш бэлтгэлд ирээрэй” гэсэн. Багшийн хэлснээр маргааш бэлтгэл дээр нь очиход аль нь жүдо, аль нь чөлөөт бөх гэдгийг нь ялгаагүй. Тэр цаг үеэс хойш л тасралтгүй чөлөөт бөхийн спортоор хичээллэж байна даа.

Сургуулийн тэмцээнд анги бүрээс заавал нэг хүүхэд орох ёстой гээд л би орсон. Биеийн тамирынхаа хичээлд дуртай байсан тул тамирын багш “Хэн чөлөөт бөхийн тэмцээнд орох уу ?” гэхээр нь “Би оръё” гээд хэлчихсэн. Тэрнээс өмнө бол барилдах талаар юу ч мэддэггүй, чөлөөт бөх, жүдогоо ялгадаггүй байлаа. Телевизээр чөлөөт бөхийн тэмцээн уралдаан гарч байвал сувгаа сольдог байсан бол одоо алгасч чаддаггүй.

 

АНХНЫ АМЖИЛТ

-Анхны амжилт гэвэл түрүүн хэлсэн сургуулийн аваргын мөнгөн медаль л юм даа. Анхны медалиа хүртэж, урамшаад аймаг, бүсийн чанартай тэмцээнүүдэд оролцож эхэлсэн. Харин анхны олон улсын тэмцээнд гаргасан амжилт гэвэл 2016 оны Азийн хүүхдийн их наадамд түрүүлж байлаа.

ЧУХАЛ БАРИЛДААНУУДЫН ӨМНӨ ХЭРХЭН ӨӨРИЙГӨӨ БЭЛДДЭГ ВЭ ?

-Барилдааны өмнө сандарч, түгшихээсээ илүү бие халаалтдаа төвлөрдөг. Тамирчин хүний хувьд бие халаалт гэдэг чухал. Тиймээс бие халаалтаа л сайн хийхийг хичээдэг. Мөн жингээ зөв хасч, жиндээ орох чухал байдаг. Тэмцээн дөхөөд ирэхээр өөр зүйлд ч сатаарахгүй, өдрийн хоёр бэлтгэлдээ анхаарлаа хандуулдаг. Өөр зүйл дээр ч нервтээд байдаггүй дээ.

ҮЛГЭР ЖИШЭЭ АВДАГ ТАМИРЧИН

-Хувь хүн талаасаа бол С.Мөнхдуулдах багшаасаа хүн яг ийм байх ёстой юм байна гэдэг ойлголтыг авдаг. Харин тамирчин хүн талаасаа шигшээ багийнхаа ах эгч нараасаа үлгэр дуурайлал авдаг. Ялангуяа О.Бурмаа эгчийгээ их хүндэлдэг.

ХАМГИЙН ДУРСАМЖТАЙ ТЭМЦЭЭН

-Азийн хүүхдийн их наадам юм уу даа. Төрөл бүрийн спортын орон орны тамирчид цугласан сайхан тэмцээн. Тухайн тэмцээний Монголынхоо анхны алтан медалийг хүртэж байлаа. Багш маань тэмцээний урд өдөр “Маргааш энэ хүүхэд түрүүлэх юм чинь” гэж ярихаар нь нээрээ л түрүүлэх юм шиг мэдрэмж төрсөн. Гэхдээ түрүүлнэ гэж бодоогүй л дээ. Тэгээд л анхны олон улсын тэмцээндээ түрүүлээд үнэхээр баярласан. Хүмүүс намайг булган сүүлтэй гэж ярьж байсан. Миний араас олон олон медальтан тодорсон. Хийдгээ хийчихсэн 14 хоног тэмцээн үзээд, эрхэлж байгаад л ирсэн дээ.

Хамгийн их айдаг зүйл маань бэртэл гэмтэл. Хоёр жил дараалан бэртлийн улмаас сайн барилдаж чадаагүй. Хатиг гарахад хүртэл бэлтгэл хийхэд хэцүү байдаг.

СПОРТТОЙ ХОЛБОГДООГҮЙ БАЙСАН БОЛ ӨӨР ЯМАР ЧИГЛЭЛЭЭР ЯВАХ БАЙСАН БЭ?

-Би өөрөө гадаад хэл сурах сонирхолтой. Багаасаа л хөтөч болъё гэж боддог байсан. Харин өөр спортоор хичээллэх боломж олдсон бол сагсан бөмбөгөөр хичээллэх байсан байх.

ЧӨЛӨӨТ ЦАГАА ХЭРХЭН ӨНГӨРҮҮЛДЭГ ВЭ ?

-Чөлөөт цагаараа хөдөө гадаа аялал зугаалгаар явах сонирхолтой. Бэлтгэл сургуулилтынхаа хажуугаар хэл сурах, ном унших дуртай. Аль болох өөрийгөө хөгжүүлэх зүйл хийхийг л эрмэлздэг. Зун болохоор л бид бэлтгэлд гарчихдаг учир аялалд гарах боломж төдийлөн олддоггүй. Харин өнгөрсөн жил карантинтай байсан болохоор зун Өвөрхангай аймгийн Найман нуураар аялсан. Хамгийн дурсамжтай аяллын тухайд багадаа гэр бүл, хамаатан саднаараа Хөвсгөл явж байсан маань ер санаанаас гардаггүй юм.

Сүүлд "Амин урсгал" гэх ном уншлаа. Хамгийн сүүлийн хуудсыг нь уншаад бараг л уйлсан даа.

ГЭР БҮЛЭЭ ТАНИЛЦУУЛАХГҮЙ ЮУ?

-Манайх ам бүл дөрвүүлээ. Аав, ээж, дүүгийн хамт амьдардаг. Аавыг маань Ч.Болдсайхан, ээжийг минь Г.Одсүрэн, дүүг маань Б.Түвшинбаяр гэдэг. Надаас өөр спортоор хичээллэдэг хүн байхгүй дээ. Дүү маань нэг хэсэг барилдах гэж үзээд өөрөө сонирхоогүй больсон. Намайг анх барилдана гэхэд аав, ээж хоёр маань таатай хүлээж аваагүй. Тэгээд намайг зөрөөд зүтгээд байхыг хараад хорихоо болиод хүлээн зөвшөөрсөн. Одоо бол бүх талаар дэмждэг.

ОЙРЫН ТӨЛӨВЛӨГӨӨ

-Олимпоос медаль авах л байна даа.

АМЬДРАЛЫН ХАМГИЙН ТОМ ЗОРИЛГО, МӨРӨӨДӨЛ

-Олимпийн аварга болчихоод гэр бүлтэйгээ дэлхийгээр аялмаар байна. Ялангуяа далайн орнуудаар явж үзмээр байна. Бид гадаад руу тэмцээнд явдаг ч гэсэн тухайн орноороо аялах нь ховор. Бараг зааланд нь очиж барилдаад л буцаад ирдэг.

ҮЕИЙН ЗАЛУУСТАА ӨГӨХ ЗӨВЛӨГӨӨ

-Хүн өөрийн гэсэн зорилгоо нэн тэргүүнд тодорхойлох хэрэгтэй. Тэгээд зорилгынхоо төлөө зогсолтгүй хөдөлмөрлө гэж хэлье. Энэ дашрамд, надад үргэлж тусалж, намайг дэмждэг бэлтгэлийн хамт олон, С.Мөнхдуулдах багш, гэр бүлийнхэндээ баярлалаа. Мөн "Цэлмэг-Өглөө" компанидаа намайг ивээн тэтгэж, урамшуулж байгаад талархаж байна. Х.Амартүвшин ах маань багаас минь намайг дэмжиж ирсэн.

Энэ мэдээнд өгөх таны сэтгэгдэл?
73
ЗөвЗөв
11
ХөөрхөнХөөрхөн
3
ХахаХаха
2
ХарамсалтайХарамсалтай
1
ГайхмаарГайхмаар
1
ТэнэглэлТэнэглэл
1
БурууБуруу
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-07 66.181.161.13

Bayanhongoroos ih sportoor sain huuhduud ih garch ireed bga tnd ih sain bagsh nar bgd bn da

Avatar

Zochin 2021-05-07 103.26.193.47

Duud joohon hurd, huch dutaad bsan daa er ni ajillagaa geh yumuudaa olimpd aimar yumnuud orj irne shd chamaig bol sain sudalsan sul talaar chine l barildana hiideg yumiig ch hiilgehgyi geed l yum bgaa daa uuruu l sain bodoh heregtei. Magtaaliig chihnii hajuugaar unguruu chi bol boloogyi shuu.

Avatar

Зочин 2021-05-07 202.126.88.65

Мөнхдуулдах гэж сайн дасгалжуулагч багш байнаа. Хөдөө орон нутгаас сайн хүүхдүүд бэлтгэж гаргаж байгаа нь том гавьяа шүү.

Avatar

Зочин 2021-05-07 202.9.46.214

Энэ хүмүүс ямар сайхан , чин сэтгэлийн олон зүйлийн зөвөлгөө санамж өгсөн байна вэ. Дүү минь энэ бүгдийг сайтар уншаад эрэгцүүлэн бодож санаж яваарай. Чамд их сайхан ирээдүй бүхэн ойрхон байна. Гагцхүү уйгагүй хичээл чармайлт , асар их зорилгоос чинь бүх зүйл үргэлж шалтгаалж явдаг юм шүү. Дүүдээ амжилтын дээд бүхнийг хүсэн , саадгүй сайхнаар амжилтанд хүрээрэй гэсэн их ерөөл өргөе.

Avatar

зочин 2021-05-07 66.181.179.236

Хөөрхөн дүүд амжилт хүсье. Шуудхан хэлэхэд наад чөлөөт бөхийн хүрээнийхэнээсэээ л хамгийн их болгоомжилж, бодолтой байхгүй бол Орхоны араас орно шүү, чөлөөтийн зөнгөрүүд хор найруулна, допинг залгиулна гээд муу муухай бүхнийг л хийнэ шүү дээ, сайн яваа нэгнийгээ татаж унагахыг л бодно. Дотроо бодолтой, ухаантай л байх хэрэгтэй

Avatar

Зочин 2021-05-07 43.242.242.59

Баянхонгор аймгийнхаа нэрийг дэлхийд дуурсгана гэдэг хүн болсны учир утга гавьяа юмаа. П_Орхон эгчийнхээ авах ёстой байсан медалийг аваарай. Ийм сайн охиныг олж улмаар бэлтгэж гаргасан Баянхонгорын багш С.Мөнхдуулдахад баярлаж, ажилд нь амжилт хүсье. Танай шавь олимпоос юм дуулгах байхаа.

Avatar

ЭЭ ӨӨЛХИЙ 2021-05-07 202.179.27.137

ХӨӨРХӨН ОХИНД ИХ АМЖИЛТ ХҮСЬЕ. ЁСТОЙ НЭГ ГЯЛТАГНАСАН СЭРГЭЛЭН ОХИН БАЙНА. ХИЧЭЭГЭЭРЭЙ

Avatar

Зочин 2021-05-07 43.242.242.59

Хүсэл байгаад зүтгэлтэй нийлвэл санасандаа хүрдэг юм даа. Г.Хонгорзулд дэлхий болон олимпын медаль авах боломж бүрэн дүүрэн байна.Олимпод цахиур хагалж Н.Түвшинбаяр ахынхаа амжилтыг давтаж бөх сонирхогч, хөгжөөн дэмжигч нараа баярлуулаач дүү минь. Тэд ойрд баярлаагүй байгаа шүү. Чөлөөт бөхийг хэрэггүй хэмээн муулж, гоочилж байгаа энэ цаг үед чиний олимпоос авах медаль нийгэмд хүмүүсийн сэтгэлд ус агаар мэт хэрэгтэй байна даа. Хичээж зүтгэвэл амжилтын үүд нээлттэй байдаг. Дүүдээ амжилт хүсье

Avatar

Зочин 2021-05-07 66.181.185.49

олимпод анх удаа орж байгаа нь туршлага дутлаа гэдэг сэтгэл зүйгээ бэлдэж чадвал аль залуу олимпийн медальтан алийг тэр гэх вэ

Avatar

ЗАЙРАН БАЯРАА 2021-05-07 82.103.181.228

17-18НАСАНДАА ДЭЛХИЙД МЕДАЛЬ ХҮРТЭЖ ТЭРБУМААР УЛСЫНХАА НЭР ДЭЭР ОРОЛЦОХ ХҮСЭЛТ АВЧ БАЙСАН МОНГОЛЫН 2ТАМИРЧИН 19ТЭЙДЭЭ ХҮҮХЭД ГАРГАЖ АМЖИЛТ НЬ НАВС УНАСАН ГАШУУН СУРГАМЖААС ҮЛГЭР АВЧ БАНДИ НАРААС ХОЛ БАЙГААРАЙ? ДОПИНГООС СЭРГИЙЛЭЭРЭЙ? ХОРЛОГЧИД ХАЖУУД ЧИНЬ БАЙГАА ШҮҮ? ЯМАР Ч ХӨӨРХӨН ПАНАЛТАЙ БАНДИ БАЙСАН БҮҮ АНХААРААРАЙ 2ОЛИМПД ОРСНЫ ДАРАА Л 1НҮДНИЙХЭЭ БУЛАНГААР ХАРНА ШҮҮ ДҮҮ?

Avatar

немо 2021-05-07 103.206.195.230

энэ маш зөв зөвлөгөө байна шүү

Avatar

немо 2021-05-07 103.206.195.230

зайран Баяраа их зөв зөвлөгөө өгчээ …………….амжилт хүсье

Avatar

зочин 2021-05-07 64.119.17.93

За да амжилт гаргаж яваа хөөрхөн дүүд шулуухан нэг юм захья. Их спортод амжилт гаргах гэж зорьж яваа бол Япон, Хятад шиг формоо хадгалж тодорхой зорилгоо биелүүлтэл эр хүн шиг яваарай. Ойлгосон биз.

Avatar

Зочин 2021-05-07 64.119.22.162

Рисако Кавай Лин Ринрин Капачинская нар гол өрсөлдөгчид . Амжилт хүсье

Avatar

авьяастай охин шүү 2021-05-07 66.181.160.66

таалагдлаа БАЯНХОНГОРЧУУД сонгодог төрлүүдэд сайн байгаа жудо УРАНЦЭЦЭГ ЦОГТБААТАР СОСОРБАРАМ ЧӨЛӨӨТИИН ПҮРЭВСҮРЭН улстөрд л хэцүү байна даа бидон өнхрүүш ганбат хэсүүл ганбаа женко гээд

Avatar

Зочин 2021-05-07 202.55.188.87

Ингээд гэнэт сэтгэц чинь өөрчлөгдөөд байдаг уу?

Avatar

зочин 2021-05-07 192.82.78.210

Миний дүүд нэг биш хэд хэдэн Олимпийн тоглолт байна.Эхэлж медальтан дараа нь аварга болно.Итгээрэй.

Avatar

Зочин 2021-05-07 66.181.161.67

Олимпийн медал авнаа миний дүү.. Гарцаагүй..

NewsMN Гар утасны хувилбар Татах
NEWS.mn

Мэдээллийн эх сурвалж