Засгийн газрын ээлжит хуралдаанаар өчигдөр /2021.05.05/ вакцины хоёр тунг авсан иргэнд 50 мянган төгрөгийн урамшуулал олгох санхүүжилтийг шийдвэрлэсэн. Тэгвэл уг мөнгийг иргэдийн дансанд өнөөдрөөс шилжүүлж эхэлжээ.

Дархлаажуулах ажилд иргэдийн идэвхийг нэмэх зорилгоор вакцины хоёр дахь тунгаа хийлгэсэн тохиолдолд данс руу нь орохоор зохион байгуулж байна. Энэ ажлыг ЭМЯ, Сангийн яамтай хамтран зохицуулах юм.

Түүнчлэн халамж авдаг 90 мянга орчим мөн  хүнсний талон авдаг 30 мянган иргэн вакцинд хамрагдаагүй байгаа тухай судалгаа байна. Тиймээс иргэдийг нийгмийн хариуцлагаа ухамсарлаж, вакцинжуулалтад идэвхтэй хамрагдахыг Засгийн газар уриалж буй.