НЭМЭЛТ:

ДАШТ-ий хошой хүрэл медальт, МУГТ Э.Бэхбаяр олимпийн эрхийн төлөөх шийдвэрлэх барилдаанд Азербайжаны Георгий Эдишерашвилиг ялж, ирэх зун Токиог зорих Монголын баг бүл нэмлээ.

НЭМЭЛТ:

ДАШТ-ий хошой хүрэл медальт, МУГТ Э.Бэхбаяр хоёр дахь барилдаандаа Италийн Гиви Давидовиг 3:2-оор ялснаар Токио-2020 олимпийн наадмын эрх авахад ганцхан даваа үлдлээ. Тэрбээр хагас шигшээд Азербайжаны Георгий Эдишерашвили болон Тажикистаны Мухамад Икромов нарын ялсантай нь барилдана

НЭМЭЛТ:

97 кг-ын жинд БНСУ-ын бөхийг ялаад байсан ОУХМ Ч.Алтангэрэл шөвгийн наймд Швейцарийн Самуэль Шеррертэй хүч үзэж, 3:4-өөр тун харамсалтай ялагдав. Уг нь тэрбээр 3:2 гэсэн харьцаатай өрсөлдөгчөө илүүрхэж байсан ч шүгэл дугарахтай зэрэгцэн хоёр оноо алдаж, ялагдал хүлээлээ.

Ингэснээр 74, 86, 97 кг-ын Монгол бөхчүүд олимпийн эрхгүй үлдэж, ганцхан гавьяат тамирчин Э.Бэхбаяр барилдаанаа цааш үргэлжлүүлэхээр боллоо.

57 кг-ын жинд эхний тойрогтоо гоц мөргөсөн МУГТ Э.Бэхбаяр Украины Тарас Марковичийг 14:0-ээр яллаа. Түүний хувьд шөвгийн наймд Италийн Гиви Давидовитай барилдана.

74 кг-ын жинд Б.Бямбадорж эхний барилдаанаа Украины Василий Михаиловтой хийж 2:6-гаар ялагдлаа.

НЭМЭЛТ:

86 кг-ын жинд МУГТ П.Өнөрбат эхний тойрогтоо Германы Ахмед Дударовтой барилдаж оноогоор цэвэр (1:12) ялагдснаар олимпийн эрхгүй хоцорлоо.

НЭМЭЛТ:

Монгол тамирчдын оноолт:

• Эрэгтэй 57 кг: МУГТ Э.Бэхбаяр эхний тойрогтоо гоц мөргөж, хоёрдугаар тойрогтоо Украины Тарас Маркович болон Гвинейн Мохамед Исмаеле Гамара нарын ялсантай нь барилдах болно.
• Эрэгтэй 74 кг: Б.Бямбадорж эхний тойрогтоо Украины Васил Михаиловтой учраа таарчээ.
• Эрэгтэй 86 кг: МУГТ П.Өнөрбат эхний тойрогтоо Германы Ахмед Русланович Дударовтой учраа таарчээ.
• Эрэгтэй 97 кг: Ч.Алтангэрэл эхний тойрогтоо Өмнөд Солонгосын Сио Минвонтой учраа таарчээ.
• Эмэгтэй 62 кг: Х.Болортуяа эхний тойрогтоо Хорватын Ива Геричтэй барилдана.