Энхтайваны гүүрний засварыг стандартын дагуу хийхийг үүрэг болголоо | News.MN

Энхтайваны гүүрний засварыг стандартын дагуу хийхийг үүрэг болголоо

Энхтайваны гүүрний засварыг стандартын дагуу хийхийг үүрэг болголоо

Энхтайваны гүүрний засварыг стандартын дагуу хийхийг үүрэг болголоо

Нийслэлийн Засаг дарга бөгөөд Улаанбаатар хотын Захирагч Д.Сумъяабазар Энхтайваны гүүрний засварын ажлын явцтай танилцлаа /05.05/. Явган хүний замыг резинэн хавтангаар бүрж эхэлсэн ч цаг агаарын нөхцөл байдалтай холбоотойгоор түр зогсоожээ. Гэсэн хэдий ч замыг төлөвлөсөн хугацаандаа буюу тавдугаар сарын 8-нд нээнэ гэдгийг албаныхан хэлж байлаа. Хотын дарга засварын ажлыг хийхдээ чанар, стандарт, аюулгүй байдалд онцгой анхаарахыг үүрэг болголоо.

Улаанбаатар хотын Захирагчийн ажлын албаны Хотын тохижилт, цэцэрлэгжүүлэлтийн хэлтсийн дарга Г.Билгүүн “Энхтайваны гүүр ашиглалтад орсноос хойш их засвар нэг л удаа хийсэн. Өмнө нь бетонон суурьтай замыг будаад өнгөрдөг байсан бол энэ жил халтиргаа гулгаанаас хамгаалсан керамик гадаргуутай зориулалтын бүрмэлээр бүрж байна. Энэ нь насжилтын хувьд ч удаан. Гүүрний засварын тохижилтын ажил эхлээд тав хонож байна. Их засвар биш, урсгал засвар гэдгийг иргэд ойлгох хэрэгтэй. 10 гаруй хоногийн өмнө болсон шуурганаар 30  жил болсон гэрлийн шон унах аюултай болсон. Иймээс гэрлийн шонг бүрэн бэхэлж, стандартын дагуу суурилуулж байгаа” гэв.

Мөн Нийслэлийн Авто замын хөгжлийн газрын Зам засвар, ашиглалтын хяналтын хэлтсийн дарга Д.Ганбат “Энхтайваны гүүрний хэв гажилт, заадас засварын ажил, мөн хучилтын хийцийг бүрэн засаж байна. Гурван хэв гажилтын заадасны хоёрыг нь засчихсан” хэмээн ярилаа. Гэрлийн шонгуудыг маргаашаас суурилуулж эхлэх юм.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС

Энэ мэдээнд өгөх таны сэтгэгдэл?
3
ТэнэглэлТэнэглэл
2
ЗөвЗөв
1
ХөөрхөнХөөрхөн
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-06 192.82.72.85

ШОРОО ТООС ИХТЭЙ МАНАЙ ХОТОД АРЗГАР РЕЗИН ГАДАА ДЭВСЭХ НЬ ОГТ ЗОХИМЖГҮЙ!!!

Avatar

Зочин 2021-05-06 66.181.161.40

Стандартын шаардлага хангаагүй, олон жилийн эдэлгээ даах насжилтгүй, хог тоос шороо өөртөө ихээр цуглуулдаг хятад резин явган зорчигчийн зам дээр нааж байна аа энийгээ солиоч

Avatar

Зочин 2021-05-06 202.126.88.48

ЯМАР Ч АЖЛЫГ ХИЙХ ЗӨВ ПРОЦЕДУР ДАРААЛАЛ; МӨРДӨХ СТАНДАРТ; НОРМ ГЭЖ БАЙДАГ. ТЭРНИЙГ Л ЯГШТАЛ МӨРДӨӨД БАЙВАЛ ЯПОН ЛУГАА БАЙТУГАЙ ХӨГЖИНӨ УГААС.
ДААНЧ ТЭР СТАНДАРТ МЭДДЭГ ОЙЛГОДОГ ХЭРЭГЖҮҮЛДЭГ ИНЖЭНЭР ; МЭРГЭЖИЛТЭН БАЙНА УУ

Avatar

Зочин 2021-05-06 124.158.87.11

Засвар нэртэй енелен далдалт байна даа.

Avatar

Зочин 2021-05-06 192.82.69.124

naad zamaa hulaad tabildaa inegjd danh ner abj suuhda yadin bee .bituma himadhan ugnoo.technik import material XXK

NewsMN Гар утасны хувилбар Татах
NEWS.mn

Мэдээллийн эх сурвалж