Дэлхийн хамгийн нууцлаг улсад хоёр жил амьдарсан нь | News.MN

Дэлхийн хамгийн нууцлаг улсад хоёр жил амьдарсан нь

Дэлхийн хамгийн нууцлаг улсад хоёр жил амьдарсан нь

Дэлхийн хамгийн нууцлаг улсад хоёр жил амьдарсан нь

Пёньянд амьдардаг хөгжмийн найруулагч Линдси Миллер 2017 оны есдүгээр сарын 15-нд орондоо хэвтэж байтал түгшүүрт чимээ сонсчээ. Энэхүү үл таних чимээ бол Пёньяны нисэх онгоцны буудлаас хөөргөсөн, 2300 миллийн байг онох чадвартай, Хвасон-12 баллистик пуужингийн чимээ байв. Хойд Солонгосын эрх баригчид энэ пуужинг тухайн үед Японд сануулга өгөхөөр хөөргөсөн аж. Хатагтай Миллер тэр өглөө зургаан цагт цочин сэрээд Их Британийн Элчин сайдын яаман дахь гэрийнхээ гадаах цэцэрлэг рүү гүйв.

“Надад юу ч харагдаагүй. Гэхдээ чимээг нь сонсоход яг толгой дээгүүр минь онгоц нисээд өнгөрөх шиг сонсогдсон” хэмээн тэрбээр ярьжээ. Хөгжмийн зохиолч эмэгтэй дипломат алба хашдаг нөхрөө даган 2017 онд дэлхийн хамгийн аюултай улсад амьдрах болсон байна. Тэрбээр Хойд Солонгост 2017-2019 он хүртэл хоёр жил амьдарсан ба тус улсад амьдарсан дурсамжаараа ном гаргажээ.

Тэрбээр орчин цагийн Хойд Солонгосын түүхэн дэх хамгийн эгзэгтэй үед Пёньянд амьдарч таарчээ. Пёньян ба Вашингтоны харилцаа хурцдаж, цөмийн дайн дэгдэх нь гэсэн айдас дэлхий нийтийг нөмөрсөн ба АНУ-ын Ерөнхийлөгч Дональд Трамп, Хойд Солонгосын удирдагч Ким Жон Ун нар Сингапурт уулзсан гээд олон томоохон үйл явдал өрнөсөн.

Гэхдээ Линдси өөрийн номондоо Хойд Солонгосын цөмийн зэвсэг, баллистик пуужин, хатуу ширүүн дэглэм гэхээсээ илүү тус улсын ард иргэдийн өдөр тутмын амьдралыг зураглаж, дэлхийн хамгийн хаалттай нийгэм дэх хүн хоорондын харилцааг онцолжээ.

“Хэн бүхний очихыг зүрхэлдэггүй газарт амьдрах нь миний хувьд гайхалтай боломж байсан. Тэнд надад судалж, мэдэх олон зүйл байсан” гэв.

Анх ирээд гадаад хүмүүсийн адилаар нийслэл Пёньян хотоор тойрон алхаж, удалгүй ууланд ганцаараа алхаж, Хятад руу аялалд гарахдаа галт тэрэгний үйлчлэгч эмэгтэйчүүдтэй шар айраг тулгаж, “Netflix”-ээр хамтдаа кино үзсэн гэдгээ тэрбээр дурсчээ.

Мөн тэр тус улсын иргэдтэй Брекситийн талаар бяцхан мэтгэлцэн өрнүүлж, сүүлийн үеийн залуусын дуртай хамтлагуудын талаар ч ярилцдаг байж. Амралтын өдрүүдээр бусдын л адил  караоке орж, гэр бүлээрээ үзэсгэлэнт Мёхан уул руу зугаалж, олон сонирхолтой газруудаар нь явж үзжээ.

“Хүмүүс өдөржингөө Ким Жон Уны тухай яриад сууж байна гэж байхгүй шүү дээ. Тэнд ч бас амьдрал өрнөж байдаг” хэмээн Линдси ярьсан байна.

Хааяа хөдөөгийн тариаланчдыг харахад сэтгэл давчидмаар санагддаг байснаа ч мөн нуусангүй. Түүнчлэн сөжү ханхлуулсан жолооны багштайгаа жолоодлогын шалтгалтаа хэрхэн  өгсөн тухай ч хошигножээ.

Тэрбээр аливаа улс орны талаар, өөрөө очиж үзээгүй байж таамаглаж ярих нь утгагүй хэрэг гэдгийг онцлов. "Тэнд очиж үзээгүй байхдаа бид тэр улс оронд хүмүүсийн амьдрал ямар байдгийг маш ерөнхий, хялбаршуулсан түвшний ойлголттой байдаг. Үүнийгээ л дотроо ургуулан боддог шүү дээ" гэв.

Линдси өөрийн номонд хавсаргасан гэрэл зураг, дурсамжуудаараа харгис, хатуу авторитар дэглэмийн дор хүмүүс хэрхэн өөрсдийн хүн чанараа гээлгүй амьдарч байгааг харуулахыг зорьсон гэнэ. “Яг л хоёр өөр ертөнцөөс ирсэн хоёр хүнийг нэг торонд хийчихсэн мэт. Хатуу дэглэмд амьдарч ирсэн хүн эхэндээ юм ярихгүй. Дараа нь байгалиас заяасан сониуч зангаа барьж дийлэлгүй маш болгоомжтойгоор яриа өрнүүлж эхэлнэ. Юуны ч талаар хамаагүй ярилцана. Яваандаа энэ нь нөхөрлөл болж хувирдаг байлаа” хэмээн Линдси өөрийн дурсамж номдоо бичжээ.

 Эх сурвалж: The Telegraph

Энэ мэдээнд өгөх таны сэтгэгдэл?
16
ЗөвЗөв
6
ХөөрхөнХөөрхөн
3
ГайхмаарГайхмаар
3
ТэнэглэлТэнэглэл
2
БурууБуруу
1
ХахаХаха
1
ХарамсалтайХарамсалтай
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zeriol 2021-05-06 41.138.89.242

МЭДЭЭЛЭЛ1
Танд бизнес эрхэлдэг, хувийн институт хариуцдаг, та хувь хүн, та тариачин, тариалан эрхэлдэг, санаа зовох зүйлгүй тул нэмэлт мэдээлэл авахыг хүсвэл имэйл эсвэл whatsapp хаягаар холбогдоорой. Бид COVID-19 тусламжийн хөтөлбөрөөр дамжуулан дэлхийн олон хүмүүст туслахаар шаргуу ажиллаж байна. Дэлгэрэнгүй мэдээллийг дараах хаягаар авна уу.
Имэйл хаяг: ayudaentreparticular@gmail.com
Whatsapp дугаар: 00330780936909 эсвэл +33780936909
Вэбсайт: ayudafinnance.webs.com

Avatar

Зочин 2021-05-06 192.82.76.141

энэ ч яахав дипломат халдашгүй эрхтэй тарвалзаад л ирж ,тэр найз нөхөд гээд үлдсэн хойдууд нь барууны этгээдтэй ойр бсан гээд концлагерь явчихсан байх вии вии

Avatar

Зочин 2021-05-06 139.5.217.24

1990 оноос эхэлж төрсөн залуус эмээ өвөө ээж аав ах эгч шигээ номхон хүмүүс биш болсон дургүй хүрвэл бүдүүн бацаанаа унагаж чадахаар зоригтой өөртөө итгэлтэй болсон тэд хэдэн зуугаараа эх орноо орхиж өмнөд рүү гурав дахь улсын хилээр дамжиж цагаачилсаар байна

Avatar

Б 2021-05-06 66.181.160.38

Сайхан сэтгэлтэй хүмүүс

Avatar

Зочин 2021-05-06 192.82.82.128

Co naraas ih hemjeenii mongo avsan random slur l baina

Avatar

Зочин 2021-05-06 202.21.108.11

ДЭДХИЙН ХАМГИЙН АЮУЛГҮЙ ХАМГААЛАЛТТАЙ ОРОНД АМЬДАРЧ БАЙЖЭЭ..

NewsMN Гар утасны хувилбар Татах
NEWS.mn

Мэдээллийн эх сурвалж