Монгол Улсад Covid-19-ийн халдвар авсан нийт хүний тоо 41524 болсон. Эдгээр хүмүүсийг Covid-19-ийн эсрэг дархлаажуулалтад хэрхэн хамруулах нь асуулт хэвээр байгаа юм.

Эрүүл мэндийн сайд С.Энхболдын өгч буй мэдээллээр Covid-19-ийн халдвар авсан хүн нь халдвартай гэж оношлогдсоноос 30 хоногийн дараа дархлаажуулалтын нэг тунд хамрагдах шаардлагатай аж. Ингэхдээ дахин хоёр дахь тунг хийлгэх эсэх нь одоогоор судлагдаж байгаа ажээ.

Түүнчлэн энэ журам боловсруулагдаж байгаа бөгөөд хөл хорио сулрахаас өмнө буюу тавдугаар сарын 8-наас өмнө бэлэн болох аж. Түүнчлэн халдвар авч эдгэрсэн хүн дархлаажуулалтаас хоцорчихлоо, оройтчихлоо гэж сандрах хэрэггүйг ч мөн сануулсан юм.