Мэргэжлийн боксын рингэнээ хүч үзэж буй Н.Төгсцогт дараагийн тулааны тов гарлаа. Н.Төгсцогт өнөөдөр/2021.05.04/ өөрийн цахим хуудаснаа энэ талаар мэдээлсэн бөгөөд тэрбээр “Сайн байцгаана уу? 14 дэх тулаан маань энэ сарын 29-нд болохоор боллоо” хэмээн нийтэлжээ.

Өдгөө мэргэжлийн боксын замналдаа 13 тулаан хийгээд буй Н.Төгсцогт 12 ялж, ганц ялагдсан үзүүлэлттэй байна. Тэрбээр хамгийн сүүлд 2020 оны есдүгээр сарын 19-ний өдөр Барбадос улсын боксчин Кобиа Брийдитэй тулалдаж, өрсөлдөгчөө шүүгчдийн саналаар ялсан юм. Харин түүний ганц ялагдлыг WBC холбооны аварга Гари Рассел Жр амсуулсан билээ.

Тэгвэл тавдугаар сарын 29-ний өдөр хэн Н.Төгсцогттой тулалдах вэ ? гэдэг асуулт олны анхаарлыг татаж байна. Эх сурвалжуудын мэдээлж буйгаар Өмнөд Африкийн Лерато Дламини, Мексикийн Маурисио Лара, Эдуардо Рамирез болон Гари Рассел Жр нарын нэрс яригдаж байгаа аж.