“Apple” компани эвхэгддэг iPhone гар утсаа 2023 онд гаргах боломжийг судалж байгаа талаар “CNBC” мэдээлжээ.“TFI Securities” компанийн шинжээч Мин-Чи Куогийн таамаглаж байгаагаар шинэ iPhone нь "QHD+" нягтралтай, найман инчийн дэлгэцтэй байх гэнэ.

Мин-Чи Куо нь “Apple”-ийн үйлдвэрлэлийн төлөвлөгөөний талаарх хамгийн нэр хүндтэй шинжээчдийн нэгд тооцогддог хүн билээ.

Зах зээлд хийсэн дүн шинжилгээнд үндэслэсэн таамгаар , “Apple” компани 2023 онд эвхэгддэг загвараа 15-20 саяыг үйлдвэрлэж магадгүй гэнэ. Мөн шинэ “iPhone”-ий дэлгэц нь одоогийн “iPad mini”-тэй (7.9 инчийн диагональ) ойролцоо хэмжээтэй болж магадгүй байна.

Одоогийн байдлаар “Samsung”, “Huawei”, “Xiaomi” компаниуд эвхэгддэг загваруудаа гаргасан боловч өндөр үнэтэй тул хэрэглэгчдэд хангалттай хүрч чадахгүй байгаа гэж шинжээчид үздэг.

Эх сурвалж: CNBC