Арабын Нэгдсэн Эмират улсад автомашины дугаарын үнэ дэлхийн дээд амжилт тогтоожээ. Тодруулбал, Дубай хотноо Бямба гаригт /2021.05.01/ зохион байгуулагдсан дуудлага худалдааны үеэр “AA9” автомашины бүртгэлийн дугаар 38 сая дирхам буюу 10 сая гаруй ам.долларын үнэ хүрсэн байна.

“АА9” дугаарыг худалдан авсан хүн нэрээ цууцалж байгаа ба уг дуудлага худалдаанаас олсон орлогыг ядууст хүнс тараах буяны ажилд зарцуулах юм байна.

Энэ дуудлага худалдаагаар U31, T38 болон E51 гэсэн дугаарууд нийлээд 48.5 сая дирхам буюу 13.2 сая ам.доллараар зарагджээ.

Үүнээс өмнөх дэлхийн дээд амжилтыг мөн л Дубайд тогтоож байсан гэнэ. 2016 онд болсон дуудлага худалдааны үеэр “D5” хэмээх дугаар 33 сая дирхам буюу ес орчим сая ам.долларт хүрч байжээ.

Эх сурвалж: Khaleej Times