Энэтхэг улсад Covid-19 цар тахлын нөхцөл байдал хүндэрч, өдөрт хэдэн зуун мянган шинэ тохиолдол илэрч, эмнэлгүүд ачааллаа дийлэхгүй, нас баралт нэмэгдсээр байна. Тус улсад өнөөдрийн байдлаар манай улсын 280 иргэн байгаагаас 270 орчим нь 3-4 шашны хийдэд шавилан суудаг ламхай нар юм.

Монгол Улсаас БНЭУ-д суугаа Элчин сайд Г.Ганболд “Өнгөрсөн хугацаанд тусгай үүргийн нислэгээр Энэтхэг улсад ажиллаж, амьдардаг, түр хугацаагаар ирсэн 1000 орчим иргэний 700 нь эх орон руугаа буцсан. Манай улсын 270 орчим ламхай нарын хувьд тавдугаар сарын 1-нээс вакцинжуулалтад хамрагдаж эхэлнэ.

Эх орондоо буцах хүсэлтэй иргэд Элчин сайдын яаманд хүсэлтээ гаргах ёстой. Одоогоор 20 гаруй иргэн эх орондоо буцах хүсэлтэй байгаагаа илэрхийлсэн” гэж мэдээлэв.

Энэтхэг улс 160 сая орчим иргэнээ Covid-19-ийн эсрэг дархлаажуулалтад хамруулжээ. Тавдугаар сарын 1-нээс эхлэн 18-45 насны хүмүүсийг вакцинжуулж эхлэхээр төлөвлөсөн байна.

Ц.ЯНЖИНДУЛАМ