Дарханы замд хөрс хуулалт, далангийн ажил өрнөж байна | News.MN

Дарханы замд хөрс хуулалт, далангийн ажил өрнөж байна

Дарханы замд хөрс хуулалт, далангийн ажил өрнөж байна

Дарханы замд хөрс хуулалт, далангийн ажил өрнөж байна

Улаанбаатар-Дархан чиглэлийн авто замын бүтээн байгуулалтын ажил ид өрнөж байгаа ажээ. Азийн хөгжлийн банкны зээлийн хөрөнгөөр хэрэгжиж буй Дарханы хоёр эгнээ замын өргөтгөл, шинэчлэлтийн “Багц-1”-ийн хучилт 2020 онд бүрэн дууссан. Энэ онд засал, гологдол засварлах ажил хийгдэнэ.

“Багц-3”-ын хувьд ажлын талбайд 92 хүн, 66 техник тоног төхөөрөмж байршин ажиллаж буй юм байна. Зургаан хувийн цементээр бэхжүүлсэн чулуун суурийн ажил хийгдэж буй бөгөөд энэ багцын нийт ажлын гүйцэтгэл 69.83 хувьтай яваа аж.

“Багц-5”-ын ажлын талбайд 61 хүн, 35 техник, тоног төхөөрөмж ажиллаж, 6 хувийн цементээр бэхжүүлсэн чулуун суурийн болон өмнө хийгдсэн суурийн засварын ажил хийгдэж эхэлснээс хойш ажлын гүйцэтгэл 73.57 хувьтай байгаа ажээ.

“Багц-2”, “Багц-4”-ийн зам барилгын ажлын гүйцэтгэгчийг дахин сонгон шалгаруулах ажлыг АХБ-ны Худалдан авах ажиллагааны журмын дагуу тендерийг энэ тавдугаар сард сонгон шалгаруулж гэрээ байгуулах юм байна.

Улаанбаатар-Дархан чиглэлийн замын хөрс хуулалт, ухмалын ажил, далангийн ажил ид өрнөж байгаа талаар Зам тээврийн хөгжлийн яамнаас мэдээлэв.

Европын сэргээн босголт, хөгжлийн банкны санхүүжилтээр хэрэгжих шинээр нэмж барих хоёр эгнээ авто замын ажил өнгөрсөн гуравдугаар сарын 26-наас эхэлжээ.

Уг бүтээн байгуулалтын ажлын “Багц-1”-ийн гүйцэтгэгчээр “Арж капитал” ХХК болон “М-Ойл групп” ХХК-ийн түншлэл, туслан гүйцэтгэгчээр “Эсто” ХХК, “Багц-2”-ын гүйцэтгэгчээр БНХАУ-ын “Жунмэи инженеринг групп” ХХК, туслан гүйцэтгэгчээр “Даблью экс пи” ХХК ажиллаж байгаа аж.

“Багц-3”-ын гүйцэтгэгчээр “Жунмэи инженеринг групп” ХХК, туслан гүйцэтгэгчээр “Энх төгөл бэх” ХХК, “Багц-4”-ийн гүйцэтгэгчээр “Шанхай констракшн групп”, туслан гүйцэтгэгчээр “Төгс зам” ХХК, “Багц-5”-ын гүйцэтгэгчээр “Чайна гежөүба групп” ажиллаж буй юм байна.

Салбарын сайд өнгөрсөн сарын сүүлээр тус бүтээн байгуулалтын ажилтай танилцжээ. Тэрбээр бүтээн байгуулалтын ажлын гүйцэтгэлийн мэдээ тайланг долоо хоног бүр графикийн дагуу гаргаж танилцуулах, гэрээнд тусгасан машин техник, тоног төхөөрөмжийг талбайд бүрэн гаргах, хөрс хуулалт, далангийн ажлын удаашралтай байгаа хэсгийг шуурхайлуулах, гүүр хоолойн ажлыг идэвхижүүлэх, хяналт тавих зэрэг үүрэг даалгаврыг төслийн зөвлөх компани, ерөнхий гүйцэтгэгч, туслан гүйцэтгэгч компанийн удирдлагуудад өгчээ.

Мөн Covid-19 цар тахлын халдвар хамгааллын дэглэмийг сайтар мөрдөх, ариутгал байнга хийхэд асуудалд онцгой анхаарч ажиллахыг үүрэг болгосон байна.

Б.ЖАРГАЛ

Энэ мэдээнд өгөх таны сэтгэгдэл?
7
ЗөвЗөв
3
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-02 202.9.47.10

Хүрэссүх Таван жил ухнатаад дуусдаггүй. Дөнгөж хөрсөө хуулж байдаг. Цаана чинь Женко 1,5 жилийн дотор өртөө зөрлөгийн салаатайгаа нийлээд 800км говийг тойруулаад төмөр зам тавиад дуусч байна. Ажил зохион байгуулна ард нь гарна бүтээлч байна гэдэг лоозогнож ярихаас шал өөр зүйл байдаг. Гүйцэтгэсэн залуучуудад харин ажлын хөлсийг нь гацаагаад байлгүй өгчихөөрэй Оюун-Эрдэнээ.

Avatar

Иргэн 2021-05-02 165.22.220.247

ДАХИАД ХЭДЭН ЖИЛ БОЛОХ БАЙХАА. ТАЙВАН БАЙЦГАА. МОНГОЛЫН ДҮР ТӨРХ.

Avatar

................ 2021-05-02 202.9.47.39

Хуучин замынхаа хажуугаар тавьсан бол хоёр замтай болчих байсан юм шүү дээ

Avatar

Зочин 2021-05-02 202.9.40.99

Бид найз нөхөд гэр бүлээрээ энэ зун Булган, Сэлэнгэ аймгаар зугаалж сайхан маръя гэж бодож байна. Наад замаа 7 сард ашиглалтанд оруулаарай. Бусад хүмүүс, улс төрийн нам нь ажлыг нь хийлгэх боломж олгож янз бүрийн мэдэгдэл, цуглаан хийхгүй байхыг гуйя. Бараг 3 жил болж байна шүү дээ

Avatar

Зочин 2021-05-02 66.181.161.79

МАНгарууд хоёр сонгууль дараалан бараг л 90 % – аар яллаа . Ажлаа хийхэд нь хэн саад болсон юм бэ ?
Бүх эрх мэдэл нь байна шдэ …. Наад МАНгарууд чинь ажлаа хийж чадахгүй байна шдэ .

Avatar

Зочин 2021-05-02 192.82.69.38

Замын мөнгийг шаасан биз, дахиж зээл аваад хийж байгаа юу та нар? Арчаагүй муусайн хулгайчид далд орно доо.

Avatar

Зочин 2021-05-02 66.181.178.34

СОНГУУЛЬ ӨНГӨРСӨН Ч ЭНЭ ЭРЧИМЭЭ АЛДАХГҮЙ Л ЯВААСАЙ БИЛ ЭЭ .

Avatar

Иргэн 2021-05-02 122.201.21.195

Хүрэлсүх лаалаар ганц зам тавьж чадахгүй хэвтэж ерөнхийлөгч болно гэж сэрүүн зүүдлээд хэрэггүй дээ. Ард түмэн чамд салаавч өгөхөө мэднэ !!!!!

Avatar

Зочин 2021-05-02 49.0.154.160

хар пизданууд минь наад замаа энэ зундаа багтааж дуусгаарай.

NewsMN Гар утасны хувилбар Татах
NEWS.mn

Мэдээллийн эх сурвалж