Хотулун гүнж алтан судрын эрэлд гарна           | News.MN

Хотулун гүнж алтан судрын эрэлд гарна          

Хотулун гүнж алтан судрын эрэлд гарна          

Хотулун гүнж алтан судрын эрэлд гарна          

“Шүүдэр” продакшны хоёр дахь түүхэн сэдэвт кино “Хотулун гүнж-Алтан судрын эрэлд” нэртэйгээр албан ёсны трэйлерээ цацаж эхэллээ. Зохиолч Б.Шүүдэрцэцэгийн “Хотол цагаан гүнж” романаас сэдэвлэсэн энэ киног тулаант, уран сэтгэмжийн төрлөөр бүтээж байгаа бөгөөд өнгөрсөн 10 сард анхны танилцуулгаа үзэгчдэд дэлгэсэн.

Гурван улирлын турш зураг авалтаа хийж, жил дамнан үргэлжилж буй энэ киноны гүнжийн дүрд залуу жүжигчин М.Цэрэндолгор тоглож байгаа билээ.

Харин Хайду хааны дүрд жүжигчин О.Гэрэлсүх, гүнжийн сэтгэлт залуу горлос овгийн Абатай баатарт жүжигчин Б.Баттогтох, Урус хунтайжид жүжигчин С.Тэмүүжин, Дува хунтайжид жүжигчин Г.Эзэнмөнх, Бүргэд баатарт Гавьяат жүжигчин Д.Төмөртогтох, Хасан сайдад Ё.Баярмагнай, Хотулуны ээж Дөрбэжин хатанд П.Мөнх-Од, Солон хатанд жүжигчин Б.Баярсанаа, Марал хатанд дуучин Ц.Энгүүн, Шибкан хатанд Б.Эрдэнэ-Очир, Номхон хунтайжид  жүжигчин Д.Мөнхтөмөр, Зульфа шидтэнд жүжигчин Б.Сэтгэлтүвшин нар тогложээ.

Киноны эх зохиол шидэт реализмын хэлбэрээр бичигдсэн тул кино тулаант, эпик төрлөөр бүтээгдэж байгаа бөгөөд хөгжмийн зохиолчоор Ц.Байдрагийг сонгожээ. Киноны Ерөнхий продюсерээр  Д.Болдхуяг, ерөнхий найруулагч С.Баасанжаргал, зураглаач Г.Бат-Ирээдүй, эвлүүлгч графикч Б.Чинзориг, ерөнхий зураач Л.Батбилэг, тайзны ерөнхий зураач Н.Батжаргал, дууны найруулагч С.Нэргүй, нүүр будагч Б.Эрдэнэчимэг нар ажиллаж байна.

Уг киноны зураг авалтыг 2020 онд Төв аймгийн Эрдэнэ сум, Хэнтий, Дундговьд хийсэн бол, энэ зун Хайду, Хубилай хааны их цэрэг, тулааны зургуудыг Архангай, Баян-Өлгийн Алтай таван богдод үргэлжлүүлээд дуусах юм байна. “Хотулун гүнж-Алтан судрын эрэлд” тулаант уран сайхны кино энэ оны сүүлчээр ирэх арваннэгдүгээр сард нээлтээ хийхээр төлөвлөжээ.

 

Энэ мэдээнд өгөх таны сэтгэгдэл?
11
ЗөвЗөв
3
ТэнэглэлТэнэглэл
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-05-01 66.181.186.163

Зүгээр амралтын газар кино хийчдэг гэнээ. Хүний хөдөлмөрийг үнэлэх хэрэгтэй боловч бас арай ч ийм кино хийж болохгүй шүүдээ. Жоохон мөнгө, хүч хөдөлмөр гаргаад кино шиг кино хийгээч. жүжиглэлт нтр авах юмгүй харагдаж байна.

Avatar

Шинэ зочин 2021-05-01 202.70.46.20

Ямарваа нэгэн зүйлийг урам сэтгэмжээр хийж болноо. Гэхдээ чанартай байх хэрэгтэй. Зохиол нь сайн, кино жүжигчид нь сайн байж байж чанартай маш сайхан уран бүтээл төрөх болно. Сүүлийн үед Монголын хийж байгаа Түүхэн гэх тодотголтой кинонуудын зохиол нь муу, жүжигчид нь тааруухан … .

Avatar

Зочин 2021-05-01 192.82.81.233

хотлун гэж нэртэй хүн байсан юм уу зохиогчийн фантази юм уу, хэн нэгний хэтэрхй фантази төсөөллийг хүүхдүүдийн толгой руу чихүүлээд баймааргүй байна. Зохиогчийн хэмжээ, түвшин гэж бас нэг юм бий

Avatar

zzz 2021-05-01 66.181.177.19

hotulun gdeg n gvnjiin hoch n bgaa yum jinhene nern ajurug sarni gerel gsen utgatai ner bga yum

Avatar

Хотулун гэж ямар утгатай нэр вэ? 2021-05-01 66.181.184.73

Энэ гүнжийн жинхэнэ нэр нь Кутлуг. Азтай, сайн заяатай гэсэн утгатай эртний нэр. Энэ хүний түүхийг хэл мэддэг Дундад Ази ба этник судлаач түүхч л сайхан зөв гаргаж ирнэ. Манай киночид түүхийн кино хийхдээ зөв түүхч олж зөвлөлгөө аваагүйгээс худлаа голдуу, хоорондоо авцалдаагүй, зөвхөн өнөөдрийн халх хүний хэвшмэл сэтгэлгээнд тулгуурласан давсгүй шөл шиг, түүхийг буруу ойлгож, ойлгуулсан юм хийж тэр нь амжилтгүй болж, зардлаа ч нөхдөггүй шатсан бизнес болж бна.

Avatar

Зочин 2021-05-01 192.82.81.233

халх бол сүүлд бий болж байгаа, зүсэн зүйлийн юмны микс холимог болсон угсаатан, тэгээд өөрсдийнхээ хязгаарлагдсал сэтгэхүйн хэмжээнд мангар мангар түүх зохиогоод мангар мангар нэр өгөөд явах юм. гэтэл монголын түүх булаацлдаж байгаа бусад нүүдэлчид бүр түүхийг гүнзгий ухаж гаргаж ирээд уялдаа холбоотой юм хийж байна

Avatar

Зочин 2021-05-01 122.201.21.29

Жүжиг үү юу вэ?ямар ч кино бодит харьцаа харагдахгүй шал хиймэл санагдаж байна шүү

Avatar

Галдан 2021-05-01 139.5.219.85

Битгий гуц аа

NewsMN Гар утасны хувилбар Татах
NEWS.mn

Мэдээллийн эх сурвалж