Сэлэнгэ: Дөрвөн сэжигтэй тохиолдол илэрч, хөдөлгөөн хязгаарлав | News.MN

Сэлэнгэ: Дөрвөн сэжигтэй тохиолдол илэрч, хөдөлгөөн хязгаарлав

Сэлэнгэ: Дөрвөн сэжигтэй тохиолдол илэрч, хөдөлгөөн хязгаарлав

Сэлэнгэ: Дөрвөн сэжигтэй тохиолдол илэрч, хөдөлгөөн хязгаарлав

Сэлэнгэ аймгийн төв Сүхбаатар суманд түргэвчилсэн шинжилгээгээр дөрвөн сэжигтэй тохиолдол илэрчээ. Иймд оношийг баталгаажуулахаар PCR шинжилгээний хариуг хүлээж байгааг аймгийн Онцгой комиссоос мэдээлэв.  Эдгээр тохиолдлуудын дунд гэрийн тусгаарлалтад байгаагүй, шинж тэмдэггүй, түргэвчилсэн оношлуураар эерэг гарсан тохиолдол байгаа аж.  Тус суманд хөл хорио тогтоож явган хүний хөдөлгөөнийг  хязгаарлажээ.

Иргэдийг онц шаардлагагүй бол гадуур гарахгүй байхыг аймгийн Онцгой комиссоос анхааруулж байгаа юм. Энэ талаар аймгийн Засаг дарга Ш.Оргил “Өнөөдрийн байдлаар давтан PCR шинжилгээ хийлгэх зургаан хүн байна. Мандал, Сүхбаатар, Жавхлан суманд сэжигтэй тохиолдлуудыг давтан шинжилгээгээр оношийг баталгаажуулна.

Сүхбаатар суманд бүртгэгдсэн сэжигтэй дөрвөн тохиолдлын нэг нь  батлагдсан тохиолдлын ойрын хавьтал. Нөгөө нь  Covid-19 халдвар гарсан нийтийн байраар орж, гарсан мэдээлэл байгаа юм. Үүнд тандалтын багийнхан ажиллаж, маршрутыг нь тогтоохоор ажиллаж байна. Сүхбаатар суманд хөл хорионы дэглэмд шилжиж,  хүчний байгууллагынхан хяналт тавьж ажиллаж байна.

Одоогоор эх үүсвэр нь тодорхойгүй халдварын голомт аймгийн хэмжээнд байхгүй. Гэхдээ  иргэд шаардлагагүй бол гэрээсээ гарахгүй байхыг зөвлөе. Аймгийн Онцгой комиссоос аль болох хатуу хөл хорионы дэглэм тогтоохгүй байх бодлого баримталж байна” гэлээ.

Сэлэнгэ аймагт сүүлийн 24 цагт Covid-19 халдварын 19 тохиолдол шинээр бүртгэгдсэн болохыг Эрүүл мэндийн яамнаас мэдээлсэн билээ. Тус аймагт батлагдсан тохиолдлуудын дийлэнх нь тусгаарлалтын дэглэм мөрддөггүй хувь хүний хариуцлагагүй байдлаас шалтгаалж буйг аймгийн Онцгой комиссоос анхааруулав.

Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-30 77.111.247.72

— Шилдэг бэлгийн болзоо сайтад тавтай морилно уу— https://tinyurl.com/27hxa9zz

NewsMN Гар утасны хувилбар Татах
NEWS.mn

Мэдээллийн эх сурвалж