”Ураан”-ны хотхон Мардайд нэвтэрсэн минь II | News.MN

”Ураан”-ны хотхон Мардайд нэвтэрсэн минь II

”Ураан”-ны хотхон Мардайд нэвтэрсэн минь II

Хамгийн түрүүнд жүржийн ундаа авлаа. Бүүр “Эрдэс хотхоны Эрдэс үйлдвэрт хийв” гэсэн шошготой жүржийн ундаа. Эрдэс хотхон юм юмтай, бүүр өөрийгөө хангадаг хүнсний үйлдвэртэй байж таарав. Сэнгэнэсэн сайхан ундааг дотроо цэлмэтэл залгиллаа. Одоогийнхоор бол хоёр толгойтой тугал гаргадаг газрын, ураанаар баяжсан ундаа болох гээд байна.Үнэхээр л ураанаар баяжуулсан жүржийн ундаа гэж байдаг бол дотрыг ч харин зассан юм шиг засна шүү дээ, тэхх.

Хоёр. ХОРИОТОЙ ХОТОД

Жирийн эрхтэнтэй оросын гэрт.

төгсгөл. түрүүч нь

http://baabar.mn/article/uraan-nii-khotkhon-mardaid-newtersen-mini-i

…Дорнод аймгийн төв дээр манай сонины өөр нэг ажилтан дөрөө нийлсэн нь “Үнэн” сонины Эдийн засгийн тоймч Г.Жамц гуай. Архангайн“бор” Жамц гэхээр олон хүн андахгүй. Жамц гуай маань тэнд хилийн цэрэгт байгаа хүүгээ эргэх бас давхар ажилтай. Тэрбээр жигтэйхэн ажил хэрэгч, зүгээр суудаггүй нэгэн. Зав зай л гарвал амжуулан, мэдээ сурвалжлагаа бичиж сууна. Гэтэл би болохлоор юмыг хойш тавимтгай, цагийг тулгаж сандран хийдэг алмай нэгэн байх. Ямар сайндаа л үзсэн юмныхаа хамгийн сонин байж болох хэсгийг гуч гаруй жилийн хойно ийнхүү бичиж суухав дээ.

Бид хоёр нэг буудалд буусан боловч манай хүнд ширээгүй өрөө таарчээ. Юмаа бичих гэтэл ширээ алга гээд, өөр өрөө хайтал буудал дүүрэн байж таарав. Миний өрөө ширээтэй байсан тул дуртайяа солилоо. Жамц ах маань сонинд гаргах мэдээ сурвалжлагаа түрүүчээс нь бичиж эхэллээ. Харин би буудлынхаа булан тойруут анх тааралдсан хүнийг хараад надад ширээ ерөөсөө хэрэггүй байсныг ойлгов.

Их сургуулийн дотуур байрны анд П.Алтангэрэл маань зогсож байдаг байгаа. Хожим УИХ-ын гишүүн болсон тэр нөхөр. Тэднийх зочид буудлын залгаа байшинд амьдардаг бөгөөд эхнэр нь томилолтоор Улаанбаатар явжээ. Нэгэнт “Алтангэрэлийн даллага” авагдсан хойно орчуулагч зохиолч Ж.Нэргүй, яруу найрагч Замбалгарав энэ тэр санаандгүй тааралдах нь гарцаагүй болов. Харин Нямсүрэн ах (яруу найрагч Д.Нямсүрэн) Эрээнцаваасаа ажлаар ирээд байсан нь ёстой гайхалтай тохиол боллоо. Бас оюутан цагын танил ах, миний шүлгийг сонсох дуртай Ганбаяр ахынхаар орохоо мартсангүй. Физмат төгссөн, жигтэйхэн нямбай тэр ах, шалихгүй бичээч намайг учиргүй хүндлэн, Дорнод орох бүрийд нямбайлан хадгалсан ганц юмаа гарган дайлдагдсан. Тэр үед хатуу ундаа гээч нэн ховор учир “ганц юм” хэмээх ёгт нэртэй, ганц нэгээрээ л олддог юмны нэг байлаа. Одоо юм юм элбэгшээд, тэрэн шиг гээд зүйрлэх ховор юм алга болжээ. Аа тийм юм бас байна хөөе! Хөл хорионы үед чөлөөтэй зорчдог КьюАр код шиг гээл бодчиход дөхөх юм байна. Ийнхүү нэг дурсамжит өдрийг ширээ сандлын ямар ч хэрэггүйгээр өнгөрөөлөө.

Жамц ах маань намайг Халх гол явахын өмнө уулзаад “Ах нь араас чинь очно. Хоеулаа чадвал Мардай орно” аминчлан ярьсан юм. Дорнод аймаг дахь Нийгмийн аюулаас хамгаалах хэлтсийн дарга нь Жамц ахын нэг ангийн хүүхэд юм байна. Өөрийн машинаар, хамт явах болсон гэнэ. Аймгийн дарга нар ч эдэлдэггүй эрхтэй том хүн байлаа, тэр. Манай Аюулаас хамгаалахынхан Мардайг тагнаж хянаж байсан гэхээсээ илүү БНМАУ-ын тагнуулын тогтоц нь Зөвлөлтийн КГБ-ын гадаад салбар маягтай байснаар энэ эрх мэдэл тайлбарлагдах болов уу?

Ингээд хаврын нэгэн сэнгэнэсэн өглөө Чойбалсан хотоос хойш чиглэн гарсан замаар, улсын нууцын гүн рүү давхин одлоо.

Урд орой нь Дорнод аймаг дахь “Үнэн” сонины сурвалжлагч И.Батсүхийнд бид хоёр очсон юм. Батсүх гуай бол зохиолч, уран бүтээлч төдийгүй, ардын домог яриаг сонирхон цуглуулдаг, угсаатны зүй сонирхдог, уулзаж ярихад өгөөжтэй хүн байлаа. Тэрээр Мардайд очиж үзээгүй бөгөөд нутгийн хөгшид “Хөгнийн шилд нутагласан хүн нас насалдаггүй байсан” гэх аман домог сонссноо хуучилж билээ.

Харин “Мал сайн таргалдаг газар байсан, даанч Оросууд хаалттай хот байгуулаад отор нүүдэл хийх боломжгүй болгосон” хэмээн өвөр зуураа ярилцдаг байсныг бас дурссан.

Хоёр домог хоюулаа уянгын халилтай санагдсан шүү. Учир нь Аюулаас хамгаалах байгууллага өөрөө нийтийн оюун санааг залуурдах зорилгоор олон домог цуурхал тараагч байсан санагддаг. Нутгийн иргэдийг тийш зүглүүлэхгүйн тулд “Хөгнийн шилийн домог”-ыг тараасан байх магадтай.

Харин “Мал сайн таргалдаг” домог нь бол нутгийн иргэд, гадаадынхан нутаг орныг нь эзэмшсэнд дургүйцснээс үүдэн гарсан байх. Хамгийн сайн бэлчээр, мал таргалдаг нутгийг нь Зөвлөлтийнхэн булаасан гэх маягаар.

Харин өнөөгийн “Ураны хайгуул хийхээр олон толгойтой төл гардаг, үнээ малын дундаж наслалт багассан” тухай домгууд бол тэр үед гараагүй, зохиогчид нь ч эхээс төрөөгүй байсан болно.

Харин ч Дорнод аймаг малыг таван төрөл дээр нь өсгөх тухай намзасгийн даалгаврыг нэр төртэй биелүүлж байсан цаг. Аюулаас хамгаалахын хурц хараанаас гадна Цагдан сэргийлэх, Намын хянан шалгах хороо, Ардын хянан шалгах хороо, Эвлэлийн төв хорооны Хянан шалгах төв штаб зэрэг төрийн түмэн нүдэн дор амьдарч байсан тул малын толгойны тоо биеийнхээ тооноос зөрөх юм уу, хөлийг нь дөрөвт хуваахад үлдэгдэлтэй гарч байвал дорхноо илрэх байсанд итгэлтэй байна.

Зөвлөлтийн армийн хувцастай, зэвсэглэсэн харуул бүхий хэд хэд поостыг нэвтрээд бид Мардай буюу ЭРДЭС хэмээх эмх цэгцтэй, эгнүүлсэн барьсан дан сууц голлосон цэвэрхэн тосгонд ирлээ. Ухаандаа Эрдэнэт үйлдвэрийг түшиглэсэн хот Эрдэнэт нэртэй байдаг шиг Мардайн урааны ил уурхайг түшиглэсэн хотхон Эрдэс нэртэй байсан хэрэг.

Зураг дээр Эрдэс тосгоны ерөнхий байдал харагдаж байна.(Архивын фото)

Тэр үед зэвсэглэсэн орос цэргээр хамгаалуулсан хаалттай бүс бол БНМАУ-д хэвийн л зүйлийн нэг байлаа. Монголчууд “Зөвхөн Зөвлөлтийн иргэд ордог” тусгай үйлчилгээ, дэлгүүрт дасал болж, төрөлхи нутагтаа хоёрдугаар зэрэгт эрэмблэгдсэндээ дургүйцэх нь бүү хэл харин ч эсрэгээрээ, яаж ийгээд “орос дэлгүүрт орох үнэмлэх авах” хэмжээнд “өсч дэвшихсэн” л гэж санааширдаг байсан цаг.

Явсан замаа төдий л сайн ажигласангүй. Бидний нүдийг боож барьсан юм огоот биш. Угаасаа Уаз 469 машины арын суудалд суусан хүнд өмнөх замын жаахан хэсгээс өөр юм харагддаггүй шүү дээ.

Өглөө ундаа уугаад гарсан боловч ам айхавтар цангаж явлаа. Тэр нь өмнөх өдөр нь цангаагаа арай л тайлснаас болсон хэрэг. Айл юм уу, хоолны газар таарвал хүйтэн юм жаал залгилахсан гээд л.

Манай машин давхисаар нэг жижиг байшинтай айлд ирлээ. Аюулаас хамгаалахын даргын найз айл нь гэнэ ээ. Орос тосгоны айлын л хэв шинжит дүр гэмээр. Жирийн амьдралтай эхнэр, нөхөр хоёр орос, жаахан хүүхэдтэй айл байв. Томчууд нь хэвийн тооны гар хөлтэй, хүүхэд нь нэг л толгойтой, эв эрүүл хөөрхөн жаал. Байдлыг харахад, нэг их том албан тушаалтан гэхээргүй. Харин яаж яваад Монголын Аюулаас хамгаалахын том даргатай, гэр орноор нь орж гардаг найз болсныг бурхан л хэлэх байх. Гэхдээ, тэр цаг чинь Бурхангүй социалист нийгэм байсан болохоор нууц хэвээр үлдэг дээ.

Сүүлд бодоод байхнаа, нөхөр нь жигтэйхэн уран гартан, НАХ-ын даргын гэрт тавилга энээ тэрээ хийж өгөөд, тэгээд найз болсон гэсэн ч билүү, нэг тийм юм санаанд ороод байна.

Орос айлын сайхан зантай гэргий нь биднийг ирмэгц хоол хийж дайлах цайлах ажилд орлоо. Яагаад, хоол хийснийг санаад байна гэхээр миний ам цангасан хэвээрээ байсан юм. Гэтэл, орос эзэгтэй цай аягалахын оронд шууд хоол хийж эхэлсэн тул санаад байгаа.

"Энд Эрдэс хотхоныг байгуулна" гэсэн бичигтэй шав-хөшөөний дэргэд хөргөө татуулсан Зөвлөлт гэр бүл.(Архивын фото)

Тэр айл урьд өмнө үзээгүй сайхан хоол хийсэн нь юу байсан гээч, аарцаар хийсэн банш байсан юм. Амттай гэж яана аа. Хожмоо, түүнийг дууриаж хийх гэж хэд хэд оролдоод бүтэлтэй болоогүй тул одоо ч амт нь санааны гүнд байгаад байгаа юм. Араас нь байхуу цайгаар дайлсан боловч ам цангасаар үлдэв. Одоогийнхоор бол Дорноговьд “урааны хайгуул хийсэн газрын аюулт хоол”-ноос ч давсан аюултай, бүүр урааны ил уурхайн хотхоны хоол идээд л яваа хэрэг шүү дээ.

Дотор цэлмээх “цацраг”-тай ундаа

Ингээд, аяллын оргил хэсэг буюу Эрдэс хотхоны орос дэлгүүрт орох боллоо. (Энэ зуур мөнөөх Аюулаас хамгаалахын хүн хэсэг гарч яваад ирсэн нь зохих хүмүүстэй уулзсан хэрэг байх) Орос дэлгүүр бол тэр үеийн монголчуудад ховор олдох аз завшаан байсан юм. Өнөөгийнхтэй жишвэл ядруухан ч гэсэн, монгол хүнд тэр бүрий олдоггүй, олдсон ч даргын цохолтоор авдаг ховор живэр хүнс, бялуу бусад бараа тэнд л байх.

Хамгийн түрүүнд жүржийн ундаа авлаа. Бүүр “Эрдэс хотхоны Эрдэс үйлдвэрт хийв” гэсэн шошготой жүржийн ундаа. Эрдэс хотхон юм юмтай, бүүр өөрийгөө хангадаг хүнсний үйлдвэртэй байж таарав.

Сэнгэнэсэн сайхан ундааг дотроо цэлмэтэл залгиллаа. Одоогийнхоор бол хоёр толгойтой тугал гаргадаг газрын, ураанаар баяжсан ундаа болох гээд байна.Үнэхээр л ураанаар баяжуулсан жүржийн ундаа гэж байдаг бол дотрыг ч харин зассан юм шиг засна шүү дээ, тэхх.

Дээр үед, Москва явсан өвгөн сэтгүүлч “Пээ, Москва гэдэг чинь гайхамшиг. Тав алхаад л нэг орос дэлгүүр. Монгол хүнийг зүгээр оруулдаг гээд л бодчих” хэмээн гайхуулсан гэдэг шиг Эрдэс хотын орос дэлгүүрийн баяныг яана аа! Очиж чадсан монгол хүнийг пороомсог шалгалгүй оруулсныг бас яана!

Манайд үзэгддэггүй орос чихэр, пэчээнь… ч дүүрч. Бүүр жинс байсныг яана. Тэндээс “Avis” хэмээх бичигтэй жийнсэн өмд, дэгжин оёдолтой улаан цоохор цамц авч, “алтан Москва орсон хөдөлмөрчийн сайчууд” гэдгээс дутахгүй башийлаа.

Мэдээж уурхай муурхай нь орох сачий бол дутна шүү дээ. Гэхдээ л монгол хүний хувьд БНМАУ-ын нутаг дэвсгэрт Зөвлөлт улс нууц концессоор эзэмшдэг Урааны ил уурхайн хотхоны ажилчдын тосгонд нэвтрэх бол бол ховорхон тохиол. Миний эрхэлсэн ажлын нэр хүнд, бас М.Горбачевын “Өөрчлөн байгуулалт” ил тод байдлын л урь ханхалж байсны үр юм даа.

Нөгөөдөр нь гэртээ бөөн олз омогтой амьтан буулаа. Амттан, чихэр жимсийг хүүхдүүдээ өгснөөс гадна, тэр үеийн “Үнэн” сонины аж ахуйн хашаанд амьдарч байсан яруу найрагч Ш.Бадарч, шог зохиолч Б.Ерэнтэй, сэтгүүлч Т.Цоож гээд айл хотлоороо хувааж амссан бөлгөө. Улаанбаатарт мал маллахыг зөвшөөрдөггүй болохоор эдгээр айлууд хоёр толгойтой ишиг энээ тэрээтэй болох боломжгүй. Харин хүмүүс нь эсэн мэнд бөгөөд хэвийн үржсээр ажгуу.

Тэр жил, БНМАУ-ын Сайд нарын Зөвлөлийн орлогч дарга Ч.Сүрэн зохиолчидтой уулзалт хийв. Өөрчлөн байгуулалтын үрээр чөлөөтэй ярихаа байг гэхэд чөлөөтэй асууж болдог болсон цаг. Зохиолчдын хорооны хурлын танхимд болсон уг уулзалт дээр, хэн ч билээ нэг нь
-Мардай гэж нууц хотхоноос оросууд уран нууцаар зөөгөөд байдаг гэж дууллаа. Энэ ямар учиртай вэ гэж асуусан юм.

Сүрэн дарга мөрөө хавчснаа

-Ямар газар гэнэ ээ… Мардай? Ёстой дуулаагүй юм байна хэмээн мэлзэж билээ.

Улсын чухал нууц хэвээрээ байсан цаг.

Харин, чи өөрөө босоод, тийм газар байдаг, би очсон гэхгүй яасан юм бэ, айсан уу гэж үү?

Айсан, гэхдээ намайг тийш нь аваачсан Жамц гуай, түүний ангийн найз хоёрыг хөлдөө чирэхээс л болгоомжилсон хэрэг. “Хэн энэ үл бүтэх нөхрийг тийш нь аваачсан бэ” гэдгээс л хэрэг явдал эхлэнэ шүү дээ.

Улс төрийн цацраг идэвхит ураан.

Манайхны Мардайгаар нь дуудаж заншсан “Эрдэс” хэмээх Ураны үйлдвэр 1988-1995 он хүртэлх хугацаанд ил уурхайн аргаар олборлолт явуулсан бөгөөд 0,118 хувийн агууламжтай, урааны ислийн хүдэр олборлож байжээ. Нийтдээ 600.000 шахам тонн хүдрийг тусгайлан байгуулсан төмөр замаар шууд ЗХУ руу зөөж боловсруулсан байдаг.

Чернобылийн осол, социалист системийн задрал зэрэг дэлхий дахины үйл явдлаас болоод Мардайн урааны ил уурхай саатаж, Оросууд орхин гарч явсан. Нэг хэсэгтээ түүнийг хэнч сонирхсонгүй, хүн мал хордсон тухай ямар ч яриа хөөрөө гарсангүй.

Зөвлөлтүүд орхин явсан талбай болон бусад газарт гуравдагч этгээд хайгуул хийж эхлэх үед ч нэг хэсэгтээ нам гүм байсан. Мардай хавиар бэлчих мал, нутаглах хүн ардад илүү эрхтэн ургасан явдал гарсангүй л.

Харин Монголын ураны ордыг Франц зэрэг өрнөдийн ордууд хамтран ашиглах нь тодорхой болоод ирмэгц гэнэтхэн хайгуулын нутаг дэвсгэрт “мал хордох, ялангуяа үхэр эрт нас барах, илүү толгойтой төл гарах” зэрэг асуудал гарч ирэв. Хачирхалтай нь хүнд ямар ч хоргүй юм уу, Дорнод бүсийнхэнтэй гэрлэхээс хэн ч айхгүй байгаа бөгөөд багачууд нэг л хар толгойтой төрж, хичээл номдоо сайн явж байгаа билээ.

“Ганган хүнд гархи нэмэр, галзуу хүнд салхи нэмэр” гэгчээр Фукушимагийн АЦС-т газар хөдлөлтийн улмаас осол гарсан явдал ч сайхан нэрмээс болсон доо. Хачирхалтай нь, Фукушимагийнхаа ослын талаар тэндээ дуугардаггүй япон хүн хүртэл монгол малын төлөө нойр нь хүрэхээ байчихаад, Улаанбаатарт айлчлан ирж жагсахыг хардаг байгаа. Билгүүн номч Б.Ринчин гуай нэгэнтээ "Чихтэй толгой чирж явбал, чивтэй чавганц үзнэ" хэмээн дуу алдсан байдагсан.

Үнэн хэрэгтээ Дорнод нутгийн урааны энэ “хорт цацраг” бол цөмийн цацраг бус, харин том гүрнүүдийн улс төрийн бодлогын цацраг бөлгөө. Түүнд мал гэхээсээ илүү монголын эдийн засаг хордон мутацид орж байгаа гэхэд бас болно.

Үнэхээр буруу, худал хуурмаг зүйлсийг олон нийтээрээ мэдсээр байж сөрөх, үгүйсгэх чадамжгүй байгаа нь нийгмийн оюун санаа хоёрдогч этгээдийн үзэл суртлын дарамтаас гарч чадахгүй яваагийн илрэл гэлтэй. Гунигтайяа!

Мардай дах урааны ил уурхайгаас ачсан хүдрийг Зөвлөлт рүү зөөх нууц төмөр замыг барьж байгаа нь. (Архивын фото)

Мардайн Эрдэс хотхоны орос дэлгүүрээс авсан жинс, шинэхэн цамцаар гангарсаар ажилдаа очиж байсан тэр өдрөөс гуч гаруй жил өнгөрчээ. Ураны ил уурхайтай нутагт эрүүлжин таргалж байсан БНМАУ-ын монгол мал сүрэг өнөөдөр Дорноговьд ердөө урааны хайгуул хийхээр л мөч, толгой нь салаалаад байгаа гэх мэдээлэл, түүнийг эсэргүүцсэн жагсаал зэргийг гайхан харж суудаг даа…Үнэн хэрэгтээ, Уранаа баруунхантай хамтран ашиглах гэсэн Монголчуудын сонирхол, Монголын ураныг өрнөдтэй хуваалцалгүй үлдээх гэсэн хөрш орны бодлого хоёрын мөргөлдөөнд л хүн малгүй хордож байгаа нь тэр санагддаг.

… Нээрээ би, фельетон бичдэг болсон нь тээр жил Мардай орохдоо мутацилагдсны шинж байж болох уу?

2021.4.19

Б.Цэнддоо

Энэ мэдээнд өгөх таны сэтгэгдэл?
10
ЗөвЗөв
4
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-29 202.9.40.83

С Баяр ерөнхий сайд байхдаа Дорнотод ажлаар явж байгаад ямар ч хамгаалагч н тэр байхгүй ганцаараа оросын вортелотонд суугаад Чита руу хил гараад явчихсан гэдэг ! Бүхэл бүтэн тусгаар тогтносон улсын өндөр албан тушаалтан бусад улс руу ямар ч хамгаалалтгүй ингэж явсан нь бж боломгүй хардлага бас болгоомжлол төрүүлсэн явдал бсн л да ! Тэр үеийн ардын нам үүнийг тас дараад л өнгөрсөн !

Avatar

Иргэн 2021-04-29 139.5.218.174

Улсаа зарж явсан биз

Avatar

Зочин 2021-04-29 192.82.69.205

дорноговьд радиацад хордсон мал,толиин зураг узээгуй гээд мэлзэвдээ,биеэ унэлэгч !

Avatar

Жамбаогарав 2021-04-29 202.131.250.130

Мардайн туха йнийтлэл, манай тэнэглэлийн тухай элэглэл.

Avatar

Зочин 2021-04-29 66.181.161.107

Мардайд Канадын "Хан ресурс" ХХК лиценз аваад ажиллаж байтал оросууд С.Баярыг шахаад лицензийг нь хураалгаж хөөж гаргуулсан, Арбитрын шүүхэд очвол зардлыг нь даана гэчихээд бултчихсан! Манай тэнэгүүд Арбитрын шийдвэрээр олон сая долларын торгууль төлсөн, мэдээж татвар төлөгчдийн мөнгөөр шүү!!! Оросууд Мардайг баруунаас харамласандаа биш, ерөөс Монголд барууны хөрөнгө оруулалт оруулахгүй, хий хоосон ваакум орон болгож, байнгын хараат байлгах гэсэн бодлоготой!!!

Avatar

Зочин 2021-04-29 103.26.195.162

Баярт шахалт үзүүлсэн биш хахууль өгсөн юм биш үү. Баярын гэнэт баяжсаны нууц нь ердөө энэ л байх. ОТ-гоос юм авсан гэдэгт итгэдэггүй. Учир нь public компани хахууль өгөөд байх боломж хомс. Орос, Хятад бол хахууль авч ч, өгч ч сурсан улсууд.

Avatar

Оноч 2021-04-29 66.181.160.71

Энэ ийм тэнэг хүн байх гэж. Одоо хүртэл РИО паблик компани ийм боломжгүй гэж боддог. Тэд нар Монголд бүртгэлтэй ч гадаадад дансстай ОФФШОР компани байгуулчихсан жилдээ 1 тэрбум долларыг татвараас ямар нэг аргаар бултуулаад ТУРКОЙЗ дээр очоод нээлттэй компани болчихдогийг Нью Иоркийн бирж тэр Торонто бирж тэр барьж чадаагүй бна. РИО бол ийм туршлагатай компани, дэлхий тэнэг Монгол 2-ын дунд байдаг компани байгуулчихсан дэлхийг алж бна. Юун монгол…

Avatar

Зочин 2021-04-29 73.202.10.232

Казакстанд гарч Семиплатинск-д амдарсан казахуудыг олж уулзаач тэд бидэнд наад Цэнддоогоос чинь
арай хэрэгтэй мэдээлэл өгнө.

Avatar

Zochin 2021-04-29 192.82.67.175

Tend chin zovloltiin tsomiin zevsgiin turshilt hiideg baisan gazar shuudee

Avatar

Tr 2021-04-29 103.26.195.162

Уучлаарай, Семипалатинск бол ЗХУ-ын цөмийн зэвсэгийн туршилтын газар. Мардай бол ураны ХҮДЭР олборлож байсан газар. Наад захын ялгаа энэ. Мэдээгүй байсан бол мэдээд ав даа.

Avatar

Зочин 2021-04-29 73.202.10.232

Усаар дүүргээд хаячихсан нүхнүүдийг нь одоо хэн эргэж байгаа бол. Гадаад их далайн цаанаас нисч ирсэн
элээнүүдийг хараад амаа ангайгаад ашиг суйлах гээд нэгийгээ яаж хорлохов гэж бодоод сууж байгаа
улаан нүдтэй түшмэл бирднүүд олон байгаадаа. Нэгэн биеийн жаргал байвал олны хэрэг хамаагүй болсон
тийм нөхдүүдэд хандаж хэлэхэд Монгол эх газрын ЛУУ-гаар бүү оролд !!! Оролдож онгичвоос одоогийн
Ковидоос доор юм болно гэдгийг ухаарч бод !!!

Avatar

Оноч 2021-04-29 66.181.161.6

Би энэ Цэнддоо, Баабар нарын бараг бүх нийтлэлийг уншсан. Ихэнхийг нь санаж байна. Энэ 2 хүн Оюу Толгойн уурхайн гэрээ хийгдэх гэж байхад лав зэсийн тэр том орд баяжмалыг 34 хувьдаа авч болдоггүй юмаа. Тэр чинь тэндээ хэдэн сая жил хэвтэж л байсан юм. Гаргаж ирээгүй бол үнэгүй, капитал биш гэж бичиж байж билээ. Тухайн үедээ гайхаал бид ч капитализм мэдэхгүй, РИО-гоос ч их юм сурч байна. Эрдэнэт дээр 49-ийг авч болдог шороо чулуу, ОТ яагаад 34-ийг нь авч болдоггүй юм бол гэж ихэд гайхдаг бсансан.

Avatar

Зочин 2021-04-29 192.82.73.6

Сү. EС байхдаа Саудын арабт очоод танайх уран аваач хаягдлыг чинь буцааж авья гээд пиздаа цайрайлаад сууж л байсан

Avatar

Оноч 2021-04-29 66.181.161.6

Сая ТВ9-өөр Хурц-гуай ярьж байна. Тэр үед МАРДАЙ-гаас гарч буй баяжмалыг Монголын тал өөрийн 24 хүнтэй багаар давхар баталгаажуулалт хийж байж гарч байсан гэж байна. Одоо бол ОТ дээр монголын Уул уурхайн сайд ТВ-ээр ярьж байна. ОТ-ын хэмжээнд хир хэмжээний үйлдвэрлэл яваад, ямар орц найрлагатай, гадаадад гараад хэдээр зарж буй талаар Монголчууд мэдээлэл байдаггүй гэж ярьж байна. Бид үнэндээ л хөгжлийн хувьд ухраад байна. Зарим талаар. Цэнддоогийн бичсэн үнэн. Гэхдээ БҮРЭН ҮНЭН БИШ. олон талтай.

Avatar

Зочин 2021-04-29 66.181.160.2

Цэнддоо үнэнийг л бичсэн гэж бодлоо, тэр Дорноговьд гарсан 2 толгоитой ч билүү тугал энэ тэрийг бол МАА н мэргэжлийн байгууллагууд ураанаас болоогүй гэдгийг тогтоосон шүү дээ,

Avatar

Зочин 2021-04-29 103.212.117.39

Уг нь хүмүүс үхсэн уран аа /хаягдал болчихсон/ дахин ашиглах талаар судалж бодож байгаам билээ. Бүр үр дүнд ч хүрсэн байна лээ. 28 мянган жил тасралтгүй ажилладаг зай гэх мэтийг уншаа л байлгүй. Харин байгалын амьд уран бол үнэхээр тоглоом биш шүү. Нөгөө талаар Монголчууд өөрсдөө технологийн болон ур чадварын хувьд өсөж бойжсон үедээ хэрэглэх үүц л юм байгаам. Эбэ нохой л мардайг цувчуулсан…. гээд сонсогдоод байдаг. Үүнийг нь МАН-ынхан л сонирхож эхэлж дээ. Ийм юм бичүүлж байхыг бодход…

Avatar

Ноён нийтлэлчид 2021-04-29 64.119.24.165

Цэнддоо гуай удахгүй Мардайн далд уурхайд баригдсан 10 өрөө сууцруугаа нүүх гэж байгаа гэсэн. Францууд ураны талаар уран сайхан нийтлэл бичиж ямар ч хоргүй болохыг нь баталсан нийтлэл бичсэн тул бэлэглэчихсэн гэсээн. Уран хоргүй болох талаар утаагүй зуух гэдэг шиг чихэнд хоногшиж, нүдэнд харагдтал өшөө олон нийтлэл бичихийг хүсэн ерөөе өө! Аан тийн мартчихаж Баабар ахаас ОТ-оос санхүүжилтээ хэрхэн цэвэрхээн авдаг талаар зөвлөгөө аваарай та. Тэгэхгүй бол бас хэдэн дойлуур авсан биш хэл ам болохви

Avatar

Зочин 2021-04-29 122.201.21.28

Чи бүр яг уранд хордсон шинжтэй байна

Avatar

Зочин 2021-04-29 49.0.142.241

Бичих юмаа олж дээ, мэдэхгүй байж, уянгалуулаад, сайн бичиж байна гэж бодож дээ. Хуучнаа муулаад төрөл арилжихгүй… ийм үгүйсгэхийн донтой хүн цөөн

Avatar

Зочин 2021-04-29 64.119.22.156

ийм солиотой юм бичэхээ боль

Avatar

Зочин 2021-04-29 66.181.179.78

ИЙМ САЙХАН СУУРИНГ ТОНООД СҮЙТНЭЭД ХАЯЧИХСАН ЮМ УУ

Avatar

уншигч 2021-04-29 122.201.22.212

Яг үнэн юм бичжээ. Нэг толгойтой орос хүүхэд гэдгийг уншаад ойрд инээгүйгээ инээж дархлаагаа сайжрууллаа. Танд баярлалаа. Одоо ч тэнд гүний уурхай, ил уурхай усаар дүүрсэн байж л байгаа. дэргэдүүр нь мал бэлчээд байж л байна лээ. Хоёр толгойтой юм ердөө харагдаагүй шүү. Уран байрандаа байж л байгаа. Гүйцэд аваагүй шүү дээ. Би тэнд хэсэг хугацаанд ажиллаж байсан юм. Таны тоо цифр зөв байна. Улаанбадрахаас Франц инженерийг Мардайд аваачаад ажиллуулвал 2 толгойтой тугал гарах нь ойлгомжтой. Хөл х

Avatar

Зочин 2021-04-29 192.82.73.6

Дундговийн Хараатад шар нунтаг үйлдвэрлэж л байсан. Тэндхийн хүүхнүүд хөөрхөн байх ойлгохгүй байна. Дундговийн Өлзийтийн Буянтад уран ашиглахад бэлэн ОХУ-ын Дээд зөвлөлийн дарга Миронов айлчлан ирэхдээ хамгаалалттай цуваанаасаа бултан Буянт орж монголын цагдаа тагнуулынхныг нэг шалгасан даа. Чи эцэг тогтоох компанит ажлын тухай сайхан бичээч хоёр эхнэрьэй байх хууль б

Avatar

Иргэн 2021-04-29 66.181.181.27

Олборлож байгаа арга технологи нь өөр л дөө.

NewsMN Гар утасны хувилбар Татах
NEWS.mn

Мэдээллийн эх сурвалж