Цар тахлын хүнд цаг үед эдийн засгаа системтэйгээр засах арга хэмжээг авахгүй бол иргэд, аж ахуйн нэгжүүд үйл ажиллагаагаа эргэн сэргээх боломжгүй болсныг судалгаа харуулдаг. Түүнчлэн нийгмийн ядуурал, ажилгүйдэл нь эргээд маш том системийн хямрал үүсгэж, банкны системд ч сөрөг нөлөө үзүүлнэ гэж эдийн засагчид үзэж байгаа.

МҮХАҮТ-ын Ерөнхийлөгч О.Амартүвшиний хувьд эдгээрт буюу татвар, нийгмийн даатгал, хэвийн бус зээлийн хэмжээ, аж ахуйн нэгжүүдэд өршөөл үзүүлэх асуудлыг УИХ, Засгийн газарт тавих замаар эдийн засгийг дахин сэргээхэд анхаарах хэрэгтэй гэж үзэж байгаа юм.