Цэргүүдийн хэргүүдийг хэрхэн шийдвэрлэсэн бэ? | News.MN

Цэргүүдийн хэргүүдийг хэрхэн шийдвэрлэсэн бэ?

Цэргүүдийн хэргүүдийг хэрхэн шийдвэрлэсэн бэ?

Цэргүүдийн хэргүүдийг хэрхэн шийдвэрлэсэн бэ?

Сүүлийн үед цэргийн ангид хугацаат цэргийн албан хаагчдыг дарамталж, хүчирхийлснээс болж амиа хорлох, амь насаа алдах, бусдыг аминд хүрэх онц ноцтой хэрэг цөөнгүй гарлаа.  Он гарсаар хоёр цэрэг, нэг офицер амиа хорлосон хэрэг гарав. Мөн салаан захирагч нь байлдагчаа зодож хөнөөсөн, хоёр цэрэг харуулын даргаа буудсан гээд дуулиант хэргүүдий мөрдөн шалгах ажиллагаа юу болж байгааг тоймлон хүргэе.

Улсын ерөнхий прокурорын газраас 2021 оны нэгдүгээр улиралд хяналт тавьж, шийдвэрлэсэн хэргийн талаарх мэдээллээ /2021.04.12/ танилцуулахдаа “Он гарсанаас хойш цэргийн албаны эсрэг 11 хэрэгт хяналт тавьж ажилласан. Хяналт тавьсан цэргийн албаны эсрэг гэмт хэрэг өмнөх оны мөн үетэй ижил түвшинд байгаа бөгөөд цэргийн албаны эсрэг 11 хэргийн дөрвөн хэрэгт буюу 36.3 хувьд нь яллах дүгнэлт үйлдэн шүүхэд шилжүүлсэн” тухай мэдээлсэн. Одоогийн байдлаар таван хэргийн мөрдөн шалгах ажиллагаа үргэлжлэн явагдаж байгаа аж. 


ОФИЦЕР НАС БАРСАН ХЭРГИЙН ШҮҮХ ШИНЖИЛГЭЭНИЙ ДҮН ГАРЧЭЭ

Говь-Алтай аймгийн Алтай сум дахь Хилийн цэргийн 0214-р ангийн офицер нас барсан харамсалтай хэрэг өнгөрсөн хоёрдугаар сарын 18-нд гарсан. Хэргийн шүүх шинжилгээний дүн гарчээ. Энэ талаар Хил хамгаалах ерөнхий газраас тодруулахад “Хэргийн мөрдөн шалгах ажиллагаа явагдаж байна. Прокурорын зөвшөөрлөөр мэдээлэл өгнө гэж аймгийн цагдаагийн газраас мэдээлсэн” гэв.

Тухайн үед хэргийн талаар Хил хамгаалх ерөнхий газрын Олон нийттэй харилцах албанаас тодруулахад “Говь-Алтай аймгийн Хилийн цэргийн 0214 дүгээр ангийн офицер өөрийгөө боомилсон байдалтай нас барсан харамсалтай явдал боллоо. Тэрээр гэр бүлийн гачигдлаар чөлөө авч, Алтай сум руу явсан байсан. Хэргийг цагдаагийн байгууллагаас шалгаж байна” гэсэн мэдээлэл өгч байв. Эх сурвалжийн мэдээлснээр талийгаач хадам ээжийнхээ буяны ажилд оролцохоор Алтай сум руу явж байжээ.


“НЭГНИЙГЭЭ ДЭГЛЭСЭН ЦЭРГҮҮДИЙН ХЭРГИЙГ ПРОКУРОРТ ШИЛЖҮҮЛСЭН”

Мөн өнгөрөгч хоёрдугаар сарын 25-нд цахим орчинд Зэвсэгт хүчний 032 дугаар ангийн цэргүүд оны ялгаагаар нэгнийгээ дэглэж буй бичлэг цацагдаж, олны дургүйцлийг хүргэсэн. Дээрх хэрэг  2020 оны есдүгээр сарын сүүлчээр Зэвсэгт хүчний 032 дугаар анги дээр болсон бөгөөд бусдыг хүчирхийлж буй тэдгээр цэргүүд албаа хааж дуусаад халагдсан байсан талаар албаныхан мэдээлсэн.

Албаны эх сурвалжийн мэдээлж буйгаар энэ хэргийг шүүхэд шилжүүлэх саналтайгаар прокурорын байгууллагад хүргүүлсэн байна. Эрүүгийн гэмт хэрэг учраас хариуцлагыг шүүхийн байгууллагаас ногдуулна.

Уг бичлэгийг хийж, бусдыгаа хүчирхийлсэн халагдсан цэргүүдийн олж тогтоон, хариуцлага ярихаа салбарын яам мэдээлсэн. Тухайн өдөр ажиллаж байсан офицер, ахлагч нарт Цэргийн сахилгын дүрмийн 32-т зааснаар сахилгын шийтгэл оногдуулж, зарим албан тушаалтны цолыг бууруулан, өөр анги руу шилжүүлэх арга хэмжээ авсан талаар салбар яамны сайд мэдээлж байв.


БАЙЛДАГЧ САЛААНЫ ДАРГАДАА ЗОДУУЛЖ НАС БАРСАН ХЭРГИЙГ ШАЛГАЖ БАЙНА                        

Зэвсэгт хүчний 326 дугаар ангид алба хааж байсан байлдагч Б салааны даргадаа зодуулсны улмаас тархины цус харвалт, зүрх судасны архаг дутагдал гэх оноштойгоор 2021 оны гуравдугаар сарын 30-ны өдөр нас барсан.

Хэрэг гардаг өдөр буюу гуравдугаар сарын 29-нд Зэвсэгт хүчний 326 дугаар ангийн бие бүрэлдэхүүн хээрийн бэлтгэлд гарсан байна. Улмаар харуул манааны үүрэг гүйцэтгэж байсан байлдагч Б-г тухайн өдрийн харуулын дарга, салааны захирагч, дэслэгч Г согтуудаа амиа алдтал нь зодсон байдаг.

Цагдаагийн байгууллагаас хэрэгт холбогдогч Г-г цагдан хорьсон бөгөөд хэргийг Хан-Уул дүүргийн цагдаагийн хоёрдугаар хэлтэст үргэлжлүүлэн шалгаж байгаа гэдгийг Цагдаагийн ерөнхий газраас мэдээллэв. Шалгалтын явцад талийгаач 326 дугаар ангийн бие бүрэлдэхүүний алба хаагч болох И.Энхтөгс гэх хүний данс руу удаа дараа мөнгө шилжүүлсэн нь тогтоогджээ.


ХАРУУЛЫН ДАРГАА БУУДАЖ ХӨНӨӨСӨН ХЭРГИЙГ МӨРДӨН ШАЛГАЖ БАЙНА

Говь-Алтай аймгийн Хилийн цэргийн 0214 дүгээр ангийн хугацаат цэргийн хоёр алба хаагч дөрөвдүгээр сарын 8-ны 18:00 цагийн орчимд харуулын даргаа буудаж хөнөөгөөд зугтсан хэрэг гарсан. Тэгвэл тус цэргийн хоёр алба хаагчийг дөрөвдүгээр сарын 11-ний 10:00 цагийн орчимд Говь-Алтай аймгийн Алтай сумаас 50 км-ын зайтай байрлах Зөөлөн богд уулнаас саатуулсан талаар албаныхан мэдээлсэн.

Эрлийн ажиллагаанд цагдаа, тагнуулын байгууллага, орон нутгийн удирдлага болон хугацаат цэргийн албан хаагчдын ар гэр хамтран ажилласны үр дүнд осол эрсдэлгүйгээр саатуулжээ. Хэргийг орон нутгийн цагдаагийн байгууллага үргэлжлүүлэн шалгаж байгаа гэнэ.

Хэргийн талаар тодруулбал, 19 настай М, Х нар нь харуулын дарга 34 настай Г-г АК-47 буугаар буудаж хөнөөсөн байна. Хэрэг гарсан харуулын цэг хилийн заставаасаа 20 километрийн зайтай аж. Оргосон байлдагч Х, М нар нь айлын мотоцикл авч, зугтсаныг ХХЕГ, ЦЕГ-ын хамтарсан бүлэг Улаанбаатараас нисдэг тэргээр газар дээр нь очиж ажиллажээ.


“ХОЛБОГДОХ ГЭРЧҮҮДЭЭС ТАЙЛБАР, МЭДҮҮЛЭГ АВЧ БАЙНА

Хууль зүй, дотоод хэргийн яам, Хил хамгаалах ерөнхий газрын харъяа Дорноговь аймгийн Хатанбулаг сум дахь Сулинхээрийн 0168 дугаар ангийн алба хаагч энэ сарын 24-ний орой 22:00 цагийн орчимд нас барсан хэрэг гарсан талаар мэдээлсэн.

Хил хамгаалах ерөнхий газраас "Дорноговь аймгийн Хатанбулаг сум дахь хилийн 0168 дугаар ангид 2020 оны нэгдүгээр ээлжээр Өмнөговь аймгаас татагдан ирсэн байлдагч Х нь 2021 оны дөрөвдүгээр сарын 24-ний өдрийн 22:00 цагийн орчимд амиа егүүтгэжээ. Байлдагч Х нь цэргээс халагдахад долоо хоног дутуу байсан бөгөөд малын суурьт үүрэг гүйцэтгэж байсан юм. Талийгаач “Малаа эргээд ирье” гэж гараад, малын хашаанаас хоолойгоо боомилсон байдалтай олджээ. Тус хэргийг Дорноговь аймгийн цагдаагийн газраас шалгаж байна" гэсэн мэдээлэл өгсөн юм.

Үүнтэй холбогдуулан Цагдаагийн ерөнхий газрын  Хэвлэл мэдээллийн төвийн дарга, хурандаа Б.Баатархүү өчигдөр мэдээлэхдээ "Уг хэргийн мөрдөн шалгах ажиллагаа үргэлжилж байна. Эхний ээлжинд задлан шинжилгээний дүгнэлт гарах ёстой. Үүний дараа шалтгаан, нөхцөлийг нь тодорхойлно. Цагдаагийн байгууллагаас цэргийн ангийн холбогдох гэрчүүдээс тайлбар, мэдүүлэг авах ажиллагаа үргэлжилж байна. Хэрэг шалгагдаж байгаа учраас илүү тодорхой мэдээлэл өгөх боломжгүй" гэв.

 

Энэ мэдээнд өгөх таны сэтгэгдэл?
10
ХарамсалтайХарамсалтай
5
ТэнэглэлТэнэглэл
4
БурууБуруу
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-27 66.181.161.4

Армийг тараагаад зардал мөнгийг хэмнэх юм гэнэ үү? Хуцаж чаддаггүй рахиттай гөлөг үү нохойн жогорхой чинь. Улсын хөрөнгийг өч төчнөөн тэрбумаар нь идэж бгаа улс төрчдөөсөө мөнгө буцааж авья гэж солиорооч новшоо. Үхэж далд ормор вэ чи

Avatar

Цэрэг шуу юм бсан 2021-04-27 150.129.140.132

Манай заставт мөнхзандан гэж зандалчин байж билээ.Орост сургууль төгсч ирсэн гээд.байнга цэрэг дэгэлж зоддог.шөнө ч унтуулахгүй хоолыг нь өөрөө цусалдаг гөлөг байсан.ак гаар нуруу ороолгож цохино.аманд цус амтагдаад л босч ирнэ.жагсаалаар нь ухаан алдттал алдтал цохиж унагана.самбо ын цохилт гээд.цэргүүд нь тураалдаа ороод яр шархандаа баригдсан салхинд хийссэн юмнууд байсан даа.ашгүй цэрэг боож үхэж хилийн цэргээс хөөгдсөн.гай нь дуусаагүй.одоо байдаг биз гөлдийсөн гөлөг

Avatar

Зочин 2021-04-27 66.181.184.73

Shalgaj bj shalgaj bna geel alga boldog. Ard tumen ard tumnoi huuhduuded yu bolood baigaag mexeh erhtei. Oiriin hugatsaand medeeleh bh gej naidaj bna

Avatar

Зочин 2021-04-27 66.181.185.16

Монголд ер нь цэрэг армийн х4рэг огт байхгүйштээ
Энэ арми зэвсэгт хүчнийг бүр байхгүй болговол маш их зардал төсөв хэмнэгдэж олон айл өнчирөл зовлон үзэхгүй
Арми гэж архичин ажилгүй зүгээр сууж байгаад цалин авч улсаар тэжээлгэж дараа нь өндөр тэтгэвэр авдаг новшнуудын оргонох газраас өөр юу ч биш хэнд хэрэггүй газар

Avatar

Зочин 2021-04-27 202.179.24.116

ЯАХАВ АРМИЙН ГОЛ ЗОРИЛГУУДЫН НЭГЭНД ХЭРВЭЭ ОРОС ХЯТАД ДОТРОО ҮЙМЭЭД БУТРААД БАЙЛДААД ЭХЭЛБЭЛ ТЭРТЭЭ 20 ОНЫ ҮЕД БАРОН УНГЕРН ГЭГЧ ДҮРВЭГЧ БААХАН ЦЭРЭГТЭЙГЭЭ ЗУГТАЖ ОРЖ ИРЭЭД БААХАН БУДИЛААН ХУТГАСАН ШИГ ЮМ БОЛОХООС БАГА Ч АТУГАЙ СЭРЭМЖЛЭХ ЗОРИЛГОТОЙ. ХЯТАДААС ШОРГООЛЖ ШИГ ХЭДЭН САЯ ДҮРВЭГЧ ХИЛ НЭВТРЭЭД ОРООД ИРВЭЛ БИД ЗҮГЭЭР Л ГУДАМЖИНДАА ХЯТДУУДАД ЗОДУУЛААД ГЭРЭЭСЭЭ ХӨӨГДӨӨД ЭХНЭР ХҮҮХДЭЭ БУЛААЛГАНА. ЯДАЖ БАЙХАД ЭХНЭРГҮЙ 200 САЯ ЗАНДАН ЗАЛУУ БАЙНА ГЭНЭ ЦААНА ЧИНЬ.

Avatar

Зочин 2021-04-27 202.179.24.116

БАРУУНЫ УЛСУУД ШҮДНИЙ ӨВЧТЭЙ. ТЭР НЬ ОРОС ХЯТАДЫН ТОТАЛИТАР ТӨР. АЛСДАА ТЭРНИЙГ НЬ УСТГААД АНУ ДЭЛХИЙД ДАНГААР ЖАНЖЛАХ ХҮСЭЛТЭЙ. ОРОС ХЯТАД НЬ ДЭЛХИЙД АНУТАЙ ХАМТ ЖАНЖЛАХ ХҮСЭЛТЭЙ. ОРОС ХЯТАДЫГ АНУ ДОТРООС НЬ ӨТҮҮЛЖ БУТАЛЖ ЧАДВАЛ АСАР ИХ ХОЖИЛ ЯЛАГЧ ҮГҮЙ ДАЙНЫ ЯЛАГЧ БОЛОХ ГАНЦ АРГА НЬ. ГЭХ МЭТ ЭНЭ 3 УЛСЫН БУДИЛААН ЭЦСИЙН ДҮНДЭЭ ЮУНД Ч ХҮРГЭЖ МЭДЭХ УЧРААС МАНАЙД ЯДАЖ ДҮРВЭГЧДИЙГ ТОДОРХОЙ ХЭМЖЭЭНД ТОГТООН БАРИХ ЦЭРЭГ АРМИ ХЭРЭГТЭЙ. ЭНЭ ТАЛААР МӨН ИХ БИЧДЭГ ДЭЭ МАНАЙХАН. ТОГТООГООД АВЧИХААЧ.

Avatar

Зочин 2021-04-27 66.181.161.89

185.16 чам шиг нусакын ярьдаг асуулал биш л дээ

Avatar

Зочин 2021-04-27 66.181.161.91

ОДОО БОЛ ХАРИУЦЛАГА ТООЦНО ГЭЖ БАЙХГҮЙ ЮМ БАЙНА АА, СОНГОЛТОО ЗӨВ ХИЙЦГЭЭЕ,,,

Avatar

ТАЙЛАН ШААРДАЖ БАЙНА! 2021-04-27 61.221.12.80

АРД ТҮМЭН МАН-ААС ЗАРЦУУЛАЛТЫН ТАЙЛАН ШААРДАЖ БАЙНА.

https://ibb.co/3YFxRd6

Avatar

Тэгээд л дуусгана даа 2021-04-27 64.119.22.235

Яаж шийдэх вэ дээ, тэгээд л цэргүүдийн буруу болоод дуусна.

Avatar

Ovgon 2021-04-27 192.82.69.46

mongoliin yaruu aldart ardiin armiin ner toriig gutaasan arhichin a.luurchn s****t ahlagch, oficeruudiig huigaar ni zailuulj, armig huuli yos, deg juram togtooj armiin ner toriig sergeehiig shaaardaj bna, general ner zuusen huvalznuudaa, mongoliin ardiin army urid ni araich iim baigaagui yum shuu.

Avatar

СУДЛААЧ ИРГЭН 2021-04-27 202.9.46.199

ер нь тэгээд арми гэдэг чинь баахан с****т яргач архичингуудын орогнодог хүний нялх үрсийг зодож тамлаж бахаа ханган өдрийг өнгөрөөж архидан согтуурч байдаг гакар юм байна тиймээс одоо цэрэгт 21 нас хүрсэн бие бялдар сайтай залуусыг явуулж байх нь зөв байна 18 НАСТАЙ АМЬДАРАЛ МЭДЭХГҮЙ НЯЛХ ШАХУУ ХҮҮХДҮҮДИЙГ ТИЙМ ТАМЫН ОРОНД ИЛГЭЭХ НЬ ХҮНИЙ ЭРХИЙГ ЗЭРЛЭГЭЭР ЗӨРЧИЖ БАЙНА ДАА

Avatar

Зочин 2021-04-27 202.179.24.116

ЭНЭ ХЭДЭН ОФИЦЕРУУД ЧИНЬ ХЭДЭН БАЙЛДАГЧ ЦЭРГҮҮДЭЭСЭЭ БҮР МӨНГӨ НЭХЭЭД СААГААД СУРЦАН Л ЮМ БАЙНА Ш ДЭЭ. ТЭР СОГТУУДАА ЦЭРГЭЭ ЗОДОЖ АЛДАГ БААГИЙ ЧИНЬ ӨЧНӨӨН УДАА МӨНГӨ ШИЛЖҮҮЛЖ АВСАН ГЭЖ БАЙНА. АРМИ ЭНЭ АСУУУДЛАА ШИЙДЭЭ. ЯДАРСАН АРДЫН ХҮҮХЭД Л ЦЭРЭГТ ЯВЖ БАЙГАА ШҮҮ. ОФИЦЕР НЭРТЭЙ БААХАН РЕКЕТЧИД БОЛЦЫН БАЙНА Л ДАА. ГАНЦ НЭГ ЗУУН МЯНГЫН ТӨГРӨГНИЙ ТӨЛӨӨ АРДЫН ХҮҮХДҮДҮДИЙГ АЛААД ДЭЭРЭМДЭЭД ДУУСЧ БАЙГАА ГАЗАР БАЙНА.

Avatar

чогсом 2021-04-27 124.158.81.27

Тодорхой баталгаатай гэмт хэргийн буруутан этгээдүүдийн нэрийг нууцлах ямар шаардлага байнаа. Ялангуяа хүн алсан хүмүүсийг зураг нэртэй гаргаж: ард иргэдийг сэрэмжлүүлэх хэрэгтэй байна. 90 -д онд хүн алж шоронд 20-д жил суугаад гарсан нөхрийг танихгүйгээр түүнийг гэртээ үлдээсэн.Гэтэл тэр нөхөр гэрийг нь ухаж байхад 12 настай хүү нь орж ирээд алуулсан хэрэг гарсан тухай бичигдэж байсан.Онц хэрцгий хүмүүсийн зураг хөргийг ил харуулж байх нь зүйтэй.

Avatar

Зочин 2021-04-27 202.179.24.116

ТЭР ХАА БАЙСАН АЛТАЙ СУМЫН ХИЛИЙН ЗАСТАВТ БАЙХАА ТЭР ДАРГЫГАА БУУДДАГ ЦЭРЭГТ ЯАГААД МӨНГӨ ХЭРЭГ БОЛООД ААВ ЭЭЖ АХ ЭГЧ НАРААСАА МӨНГӨ ШИЛЖҮҮЛЖ АВААД БАЙСАН НЬ СОНИН САНАГДААД БАЙГАА ШҮҮ. БҮТЭН ӨНЧИН ӨССӨН НЭРТЭЙ ТЭР НАС БАРДАГ ХАРУУЛЫН ДАРГА НЬ ХҮМҮҮЖЛИЙН ДОГОЛДОЛТОЙ БАЙСАН ҮГҮЙГ САЙН СУДЛААРАЙ. МЭДЭЭЖ ЭГЧ ЭХНЭР ХОЁР НЬ ТАЛИЙГААЧИЙНХАА АМИЙГ НЭХНЭ ОЙЛГОМЖТОЙ. ГЭХДЭЭ БҮТЭН ӨНЧИН ӨССӨН ГЭДЭГ НАДАД НААНАА БУСДАД АНЗААРАГДАХГҮЙ Ч ЦААГУУРАА ХАТУУ ХӨТҮҮ ХАЙР ЭНЭРЭЛГҮЙ ЗОВЛОН ДУНД БУСДААС ЯЛГАВАРТАЙ ӨСС

Avatar

Зочин 2021-04-27 202.179.24.116

ӨССӨН БУСДАД АТААРХСАН АМЬДРАЛД ӨС САНАСАН ААВ ЭЭЖТЭЙ ЭЛЭГ БҮТЭН ӨССӨН НЭГЭНД ХАТУУ ШИРҮҮН ХАНДДАГ ЗАН АВИР ГАРГАДАГ БАЙСАН ҮГҮЙГ ХЭН МЭДЛЭЭ. ШҮЛЭГ УНШААЛ З ХҮҮХЭДТЭЙ БАЙЛДАГЧ ЦЭРГҮҮДТЭЙГЭЭ ААВ НЬ ЮМ ШИГ АХ НЬ ЮМ ШИГ САЙХАН ХАРЬЦДАГ БАЙСАН БОЛ ТИЙМ ДАРГЫГАА ЯМАР Ч МУУ МУУХАЙ ЦЭРЭГ БАЙСАН ШУУД БУУДНА ГЭЖ БАЙХГҮЙ. БИ Ч ГЭСЭН САЙН МУУ ӨЧНӨӨН Л ХҮНТЭЙ ЭНЭ ТЭНД ЯВЖ ТААРАЛДДАГ ХҮН ХҮНТЭЙ ХҮН ШИГ ХАРЬЦАХАД МОНГОЛЧУУД ЭРГЭЭД НАЙЗ Л БАЙДАГ БАЙХГҮЙ ЮУ.

Avatar

Зочин 2021-04-27 202.179.24.116

ТЭР 0214 АНГИ ГЭЖ ЭНЭ ЖИЛ ХОЁР Ч ОФИЦЕР НЬ НАС БАРДАГ ЯМАР СОНИН ГАЗАР ВЭ. ЦЭРГҮҮДЭЭСЭЭ МӨНГӨ ШИЛЖҮҮЛЖ АВААД СУРЦАН ХҮНИЙ ХӨЛӨӨС ЗАЙДУУ БОЛОХООР ТЭРЭНДЭЭ ЭРДСЭН ЖООХОН ЭВДЭРЦЭН ОФИЦЕР УДИРДЛАГАТАЙ ГАЗАР ЮМ БИШ ҮҮ. ТЭР ДЭЛГҮҮР ХОРШОО Ч БАЙХГҮЙ ГАЗРЫН ЦЭРЭГ БАЙЛДАГЧ НАРТ ТЭГЖ МӨНГӨНИЙ ХЭРЭГ ОГТ БАЙХГҮЙ ШД. ЭНЭ ЦЭРЭГ АРМИЙНХАНЫ ШУНАЛ ЖООХОН ИХДЭДЭЭД БАЙНА УУ ҮГҮЙ ЮУ

Avatar

Зочин 2021-04-27 107.77.227.115

??!!

Avatar

Зочин 2021-04-27 192.82.67.75

Hergiin shalgalt ogt uragshlahgui bgaam baishd ee. Hereg garsanii daraa yamar medeelel ugch baisan ter l medeelelees uur iluu yum end baisangui dee

NewsMN Гар утасны хувилбар Татах
NEWS.mn

Мэдээллийн эх сурвалж