Замын-Үүдийн боомтоор өдөрт 100 машин нэвтэрч байна | News.MN

Замын-Үүдийн боомтоор өдөрт 100 машин нэвтэрч байна

Замын-Үүдийн боомтоор өдөрт 100 машин нэвтэрч байна

Замын-Үүдийн боомтоор өдөрт 100 машин нэвтэрч байна

Монгол Улсад Covid-19-ийн тархалт эрс нэмэгдэж байгаатай холбоотойгоор Хятадын Эрээн хотын хилийн боомт хяналтаа чангатган, гуравдугаар сарын сүүлчээр хилээ 15 хоног хаасан. Үүний улмаас өдөрт дунджаар 150-200 тээврийн хэрэгсэл нэвтэрч, ачаа бараа солилцдог уг боомтоор өдөрт 50 ачааны машин нэвтэрч байгааг албаныхан мэдээлж байсан юм.

Тэгвэл өнгөрсөн хугацаанд хилийн боомтын нөхцөл байдалд өөрчлөлт орсон талаар Авто тээврийн үндэсний төвийн Замын-Үүд дэх салбарын дарга А.Хатансайхантай холбогдож тодруулахад “Замын-Үүдийн боомтоор Хятад улс руу өдөрт 100 тээврийн хэрэгсэл нэвтэрч байна. Өмнө улсын хил дээр байсан 700 гаруй тээврийн хэрэгслийг нэвтрүүлж дууссан. Дараагаар улсын хил рүү 480 тээврийн хэрэгслийг оруулахаас сүүлийн хоёр хоногт 160 гаруйг нь нэвтрүүлээд байна.  Замын-Үүдийн боомтоор энгийн үед 150-200, ачаалал ихтэй үед өдөрт 300 орчим тээврийн хэрэгсэл нэвтэрдэг байсан.

Хятадын талаас хязгаарлалт тогтоосноос хойш өдөрт нэвтрэх тээврийн хэрэгслийн тоо 20-50 байснаас 100 болж нэмэгдсэн учраас ачаалал харьцангуй багасч байна гэж хэлж болно. Гэхдээ энэ тоог нэмэгдүүлэх нь Монгол Улс гэлтгүй Хятадын хорио, цээртэй холбоотой асуудал болчихоод байгаа юм. Иймээс цаашид Замын-Үүд сумын хэмжээнд вакцины хоёр дах тунд яаралтай хамруулж, хилийн бүсэд халдвар хамгааллын дэглэмээ сайн баримтлавал Хятадын итгэх итгэл нэмэгдэж, тээврийн хэрэгслийн тоог хангалтай хэмжээгээр нэмэгдүүлэх болов уу гэж харж байна” гэсэн юм.

Түүнчлэн Замын-Үүдийн боомтоор нэвтрэхийн өмнө тээврийн жолооч нарыг тусгаарлалтад байлгаж, шинжилгээ авч ажиллаж байгаа аж.

Ц.ЯНЖИНДУЛАМ

 

Энэ мэдээнд өгөх таны сэтгэгдэл?
5
ЗөвЗөв
1
ГайхмаарГайхмаар
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-25 66.181.176.240

Хятадаас хүнснээс бусад барааг л оруулъя.Ногоо,жимс,тахиаг хориоё

Avatar

Зочин 2021-04-25 202.126.89.245

Duraaraa naasan.

Avatar

hm 2021-04-25 66.181.184.45

Замын Үүдэд чинь Төмөр зам байдаг биз дээ тэрүүгээрээ нэвтрүүлж болдоггүй юмуу? Заавал надаар хэлүүлэхгүй зохицуулчихаж болохгүй бна уу? Kkk

Avatar

Үнэн 2021-04-25 103.212.117.245

Пээх яасан том гавъяа вэ? Алдаагаа хүртэл магтуулах аргатай!

Avatar

Зочин 2021-04-25 66.181.160.31

МАНГАР дарга нараас болж байдал хүндэрлээ өвөл цэрэг цагдаагаар дэмии хашлаа хятад тайвань израйль шиг вакцин шууд хиих байлаа өөрсдөө мөнгөө бодсон хэрэг хотын даргыг даруй хөөх хэрэгтэй байна тооны курсд сурга ядаж ХҮРЭЛСҮХ тэнэг олон хүн цуглуулж медаль 100000 ТӨГ тараасан өвчлөл 3 дахин өслөө

NewsMN Гар утасны хувилбар Татах
NEWS.mn

Мэдээллийн эх сурвалж