Хөл хориог дахин сунгасан ч иргэдийг вакцинд хамруулна | News.MN

Хөл хориог дахин сунгасан ч иргэдийг вакцинд хамруулна

Хөл хориог дахин сунгасан ч иргэдийг вакцинд хамруулна

Хөл хориог дахин сунгасан ч иргэдийг вакцинд хамруулна

Хөл хорио тогтоосон хугацаанд вакцинжуулалтыг хойшлуулснаар иргэдийн дунд хүлээлт үүсээд буй. Өнөөдрийн байдлаар хүн амын 31 хувь буюу 637415 нь вакцины эхний тунд хамрагджээ.  Эхний тунгаас хойш 21-56 хоногийн дараа хоёр дахь тунг тариулах заавартай байдаг тул иргэд “Вакцины хоёр дахь тун хойшилж, үр дүнгүй боллоо” хэмээн шүүмжлэх болсон.

Эрүүл мэндийн яам вакцинжуулалтыг энэ сарын 25-наас эхлүүлнэ гэж мэдээлсэн ч хугацааг наашлуулж, өнөөдөр (2021.04.23)-өөс дархлаажуулалт эхэллээ.

Тодруулбал, нийслэлд 120, явуулын 40 цэгээр дамжуулан иргэд вакцины нэг, хоёрдугаар тунд хамрагдах нь. Ийнхүү вакцинжуулалтын цэгүүдийг өмнөхөөс гурав дахин нэмэгдүүлснээр өдөрт дунджаар 60 мянган иргэнийг вакцинд хамруулахаар УОК-оос тооцжээ. Гэхдээ хөл хорионы үед вакцины нэгдүгээр тунд эрсдэлт бүлгийн 55-иас дээш насны иргэдийг хамруулах юм.

Өөрөөр хэлбэл, хатуу хөл хорионы үед вакцинжуулалтын хоёрдугаар тунг зохион байгуулах бол нэгдүгээр тунд ахмадууд настнуудыг түлхүү хамруулах нь.

               ВАКЦИНЫ ХОЁР ДАХЬ ТУНГААС ХОЦОРСОН 180 МЯНГАН ИРГЭНИЙГ ДАРХЛААЖУУЛНА

Одоогоор вакцины хоёрдугаар тунд хүн амын 3 хувь буюу 60 мянга гаруй иргэн хамрагджээ. Энэ талаар УОК-ын хэвлэлийн төлөөлөгч Ц.Ганзориг хэлэхдээ “Нийслэлд вакцины эхний тунд хамрагдсан 500 мянга, орон нутагт 140 мянга гаруй хүн байна. Вакцины хоёр дахь тунгаас 180 мянга гаруй хүн хоцорсон гэж үзсэн. Тэдний дунд  вакцины 56 хоногоос өмнө давтан тунгаа хийлгэх сонирхолтой хүмүүс ч бий.

Дөрөвдүгээр сарын 10, 11, 12, 13-нд вакцины давтан тунг тариулах ёстой байсан 60-70 мянга орчим хүнийг хамруулна. Маргааш нь буюу 13-наас хойш вакцины давтан тунг тариулах байсан иргэд хамрагдах байдлаар вакцинжуулалтыг эрэмбэ дарааллаар зохион байгуулна. Товчхондоо, вакцины давтан тунд хамрагдах ёстой 28 хоногоос хэтэрсэн хүмүүсээ нэн тэргүүнд вакцинд хамруулна.

Ер нь иргэдийн хөл хөдөлгөөн, вакцины татан авалт аль аль талаас нь авч үзвэл эхний ээлжид давтан тунг зохион байгуулах нь чухал. Хэрэв нэг, хоёрдугаар тунд иргэдийг вакцинжуулбал урт дараалал үүсэх эрсдэлтэй. Нөгөөтэйгүүр  вакцины татан авалт, нөөцөө тооцох ёстой ” гэлээ. Түүний хэлснээр, УОК хөл хориог дахин 7-14 хоног сунгасан ч вакцинжуулалтыг үргэлжлүүлэх төлөвлөгөө гаргажээ.

НИЙТ 160 ЦЭГЭЭР 59803 ИРГЭНИЙГ ДАРХЛААЖУУЛНА

Иргэдийн хувьд оршин суугаа газрынхаа ойролцоо вакцинжуулалтын цэгт вакцины хоёр дахь тунд хамрагдах боломжтой. Нийслэлийн хэмжээнд дүүрэг бүрт дунджаар 10 цэг ажиллах ба алслагсдан бүсүүдэд явуулын 40 автобус ажиллах юм. Энэ талаар өчигдөр (2021.04.22) УОК-оос мэдээлэл хийх үеэр Нийслэлийн онцгой комисс (НОК)-ын дарга Р.Чингэс хэлэхдээ “Улаанбаатарт 120 цэгээр 281 баг буюу 1890 ажилтан вакцинжуулалт хийнэ. Нийт 59803 иргэнийг дархлаажуулахад тээвэрлэх автобус гаргасан. Дүүрэг бүр дээр автобусны маршрутыг ойрын зайд гаргасан. Дархлаажуулалтын явуулын 40 автобус ажиллана. Явуулын цэгээр дархлаажуулсан хүмүүс дараа нь тодорхой хугацаанд ажиглалтын автобусанд байрлана” гэсэн юм.

Вакцины тухайд, “Синофарм” компанийн ВероСелл вакцины эхний тунг нийслэлийн хэмжээнд 500 гаруй хүн тариулжээ. Мөн “АстраЗенека” вакцины эхний тунд хамрагдсан эрүүл мэндийн салбарынхан болон төрийн албан хаагчид болон үйлчилгээний салбарын нийт 100 мянга гаруй хүн бий. Эдгээр хүмүүс өнгөрсөн долоо хоногоос вакцины давтан тунд хамрагдаж эхэлсэн юм.

Засгийн газар Хятадын “Синофарм” компаниас 900 мянган тун "ВероСелл" вакцин, ОХУ-ын шууд хөрөнгө оруулалтын сангаас нэг сая тун "Спутник V" вакциныг худалдан авах гэрээ байгуулсан. Үүнээс 300 мянган тун "ВероСелл" вакцинаа хүлээн авсан бол 600 мянган тунг өчигдөр (2021.04.22) хүлээн авсан билээ. Мөн энэ сарын 21-нд "Covax" хөтөлбөрийн хүрээнд АстраЗенека 50.400 тун вакциныг энэ сарын 21-нд хүлээн авсан билээ.

ХУВИЙН ЭМНЭЛЭГТ ВАКЦИН ХИЙЖ ЭХЭЛСЭН ҮҮ?

Нийслэлд вакцинжуулалт эхэлсэнтэй холбогдуулан хувийн хэвшлийн эмнэлгүүдэд Covid-19-ийн эсрэг вакциныг дунджаар 110 мянган төгрөгөөр хийж байна гэх мэдээлэл байна. Үүнтэй холбогдуулан “Интермед” эмнэлэгтэй холбогдоход “Вакцинжуулалт хийж эхлээгүй. Вакцин хийж эхэлбэл албан ёсоор мэдээлнэ” гэх мэдээлэл өгч байлаа.

Энэ талаар Эрүүл мэндийн яамнаас тодруулахад “Одоогоор хувийн хэвшил дэх тунгийн вакцинжуулалт эхлээгүй” гэсэн тайлбар өгсөн билээ. Фэйсбүүк дэх “Вакцинд хамрагдсан хүмүүсийн групп”-т иргэд "Спутник-V" вакцины хоёрдугаар тунг 110-200.000 мянган төгрөгөөр тариулсан гэх сэтгэгдлүүд хөвөрч байгаа юм.

Одоогоор вакцины нэг, хоёрдугаар тунд хамрагдаагүй 500 гаруй мянган иргэн байгаа аж. Шалтгаан нь, "Спутник-V" вакцин хүлээж байгаа хүн цөөнгүй байгааг албаны хүмүүс хэлж байв. “Спутник V” нэг сая тун вакцин авахаар Монголын “Эм импекс” компанитай хийсэн гэрээний дагуу эхний ээлжинд 10000 тунг хүлээн авч байсан бол хоёр дахь ээлж нь энэ долоо хоногт багтаж ирэх юм байна.

Энэ мэдээнд өгөх таны сэтгэгдэл?
5
ЗөвЗөв
2
ХахаХаха
2
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочинзочин 2021-04-23 66.181.160.122

Спутник вакцин ирлээ гэсэн хэнд хийсэн ум бэ одоо ирхийг нь хаана хэнд хийх гээд хяиадаа шахаад байна вэ спутникийг хүлээсэн хүн настайчууд их байна

Avatar

Зочин 2021-04-23 192.82.69.174

Үргэлж бусдыг шүүмжилж, буруутгаад байдаг хүмүүс дүрэм журмаа барьдаггүй энэ олон иргэдтэй хэрхэн яаж ажиллах вэ гэдэг талаар зөвлөмж боловсружлаад өгчихөөч!!!!

Avatar

Дандаа худал я\рина 2021-04-23 192.82.69.153

Энэ төрийнхөн дандаа худал ярина. Вакцинаа тооцоолоогүйи байж. Дуусчихаар нь хөл хорионы үед тархалт ихэсч магадгүй гээд зогсоосон гэнэ. Одоо вакцинаа арай гэж авчрахаараа өмнө хэлж байсанаа шал өөрөөр яриад эхэлнэ. Заваан амьтад

Avatar

Зочин 2021-04-23 66.181.161.77

Sputnik vac tulburtei ch hamaagui hiigeech dee. Huviin emneleguud dee ter Sputnikaa uguuchee. Tulburtei hiivel daraagiin vac ter munguuruu avaach dee. Yah geed Sputnikaa bac avahgui bgaa um be???????????????????????????????????????????/

Avatar

Зочин 2021-04-23 202.131.230.218

Хөл хориод хувийн хэвшлийг дэмжинэ гээд хуцаад байхий арай нөгөө уул усаа ухан сүйтгэгч уурхайн компаниудаа хэлээд байгаа юм биш биздээ тэд чинь ээлж сольсон юмгүй хүмүүсээ жинхэнэ боол шиг ажиллуулж байна даа харинч нэг

Avatar

зөвлөгч 2021-04-23 103.10.20.198

Дандаа авна гээд дайраад байхын. 202,55,188,109 гуай. энэ засаг их өгч байна. чи хэний төлөө амьдраад байгаан. 14 хоног өөрийгөө тэжээх нөөцтэй байж сур. энэ бол амьдралын наад захын тооцоо.

Avatar

Зочин 2021-04-23 202.55.188.109

Сунгах бол улдэгдэл 700к-аа авна шуу. Хоосон хоригдохгуй шуу!!!

Avatar

Зочин 2021-04-23 139.5.216.136

КОРОНАВИРУСТ ХАЛДВАР /КОВИД-19/-ЫН ЦАР ТАХЛААС УРЬДЧИЛАН СЭРГИЙЛЭХ, ТЭМЦЭХ, НИЙГЭМ, ЭДИЙН ЗАСАГТ ҮЗҮҮЛЭХ СӨРӨГ НӨЛӨӨЛЛИЙГ БУУРУУЛАХ ТУХАЙ хуулинд маш том ноцтой алдаа байна. Энэ хуулиас болж дотоодод халдвар алдсан байна.
"12.2.8.татан авалт, тусгаарлалт, үйлчилгээ, ариутгал, халдваргүйжүүлэлт хийх зэрэгтэй холбогдон гарах зайлшгүй зардлыг төлөх;" заалт амьдралд хэрэгжүүлэх боломжгүй. Үүнийг засахгүйгээр халдварыг хяналтанд оруулж чадахгүй. Энэ хуулийн алдаанаас бол Монгол улс сүйрч байна.

Avatar

Зочин 2021-04-23 192.82.64.208

ene hotoor zugaalaad yavj baigaa huduunii maluudaa hotoos zailuulaachee, hotod heden jil amidarchaad uursdiiguu hotiin irgen geed h*****d baigaa maluudaa hotoos zailuul, ene buzar balainuud chin l taraaj baigaa, uuguul hotiin irged uursdiiguu ch bodood busdiig ch bodood gertee amaa hamhiad tevcheertei suuj bna. UIH bituu huduunii maluud. gaduur baigaa tsagdaa nara n ch gesen ajlaa hiihgui guliichuud hamraa uhaad suuj baigaan, eniig yamar hul horio gedgiinbee maluudaa??? dahin 14 honogoor sunga.

Avatar

vain 2021-04-23 202.9.41.26

gertee haluuraad amisgal davchdaad gesen hymyys ih bainaa Yaltai bilee ene 1200 gedeg too bol zygeer l dundaj shyy gereesee bitgii gar

Avatar

Badarch taxar 2021-04-23 192.82.90.88

Shaagaad baihdaa yadag yum yariad bna gej bichihgvi yu

Avatar

Зочин 2021-04-23 64.119.26.82

ХУДЛАА ШААЖ БАЙНА. ВАКЦИН НЬ ИРЭЭГҮЙ БИЗ ДЭЭ.

NewsMN Гар утасны хувилбар Татах
NEWS.mn

Мэдээллийн эх сурвалж