Оюутолгойн асуудлаар Лондонгийн шүүхэд хариу нэхэмжлэл гаргах үүрэг өглөө | News.MN

Оюутолгойн асуудлаар Лондонгийн шүүхэд хариу нэхэмжлэл гаргах үүрэг өглөө

Оюутолгойн асуудлаар Лондонгийн шүүхэд хариу нэхэмжлэл гаргах үүрэг өглөө

Оюутолгойн асуудлаар Лондонгийн шүүхэд хариу нэхэмжлэл гаргах үүрэг өглөө

“Оюутолгой ордын ашиглалтад Монгол Улсын эрх ашгийг хангуулах тухай” Монгол Улсын Их Хурлын 2019 оны 92 дугаар тогтоолын хэрэгжилтэд хяналт тавих, шаардлагатай бол санал дүгнэлт боловсруулж, дүнг нэгдсэн хуралдаанд танилцуулах үүрэг бүхий Түр хороо өнөөдөр (2021.04.20) хуралдлаа. Түр хорооны хуралдаан 10:45 цагт ирц бүрдсэнээр эхлэв.

Түр хорооны дарга, Улсын Их Хурлын гишүүн Ц.Даваасүрэн “Туркойс хилл ресурсес” болон “Рио Тинто интэрнэшнл холдингс” компаниудын зүгээс Оюутолгой ордын далд уурхайн бүтээн байгуулалтыг бүрэн дуусгахад зориулан 2.3 тэрбум ам.долларын нэмэлт санхүүжилт авахаар тохиролцсонтой холбогдуулан Түр хорооны хуралдааны тэмдэглэлээр Засгийн газарт чиглэл өгөх болон Оюутолгойн гэрээ, байгаль орчин, татварын асуудлаар мэдээлэл сонсох гэсэн хоёр асуудал хэлэлцэхээр төлөвлөснийг танилцуулав.

Хэлэлцэх асуудалтай холбогдуулж Улсын Их Хурлын гишүүн Ж.Бат-Эрдэнэ, Ш.Адьшаа, Х.Болорчулуун, С.Ганбаатар нарын дөрвөн гишүүн асуулт асууж, Түр хорооны дарга Ц.Даваасүрэн хариулт өглөө. Тухайлбал,  гишүүд “Оюу Толгой” ХХК-ийн нэхэмжлэлээр Лондонгийн Олон улсын арбитрын шүүхэд Монгол Улсын Засгийн газрыг хариуцагчаар татсан маргаанд сөрөг нэхэмжлэл буюу хариу тайлбар гаргах хугацаа энэ дөрөвдүгээр сарын 30-наар дуусгавар болох тул сөрөг нэхэмжлэлийг яаралтай гаргаж, хүргүүлэх ёстой гэсэн чиглэлийг Түр хорооны хуралдааны тэмдэглэлээр Засгийн газарт өгөх нь зүйтэй талаар санал хэлэв. Улсын Их Хурлын гишүүн С.Ганбаатар маргаанд Монгол Улсын Засгийн газар ялалт байгуулах магадлал өндөр байгаа талаар дурдлаа.

Үргэлжлүүлэн Засгийн газарт хүргүүлэх чиглэлийн төслийг Түр хорооны дарга Ц.Даваасүрэн гишүүдэд танилцуулав. Тэрбээр “Туркойс хилл ресурсес” болон “Рио тинто интэрнэшнл холдингс” компаниудын зүгээс Оюутолгой ордын далд уурхайн бүтээн байгуулалтыг бүрэн дуусгахад зориулан 2.3 тэрбум ам.долларын нэмэлт санхүүжилт авахаар тохиролцож, уг гэрээг хэрэгжүүлэх зөвшөөрлийг “Оюу Толгой” ХХК-ийн ТУЗ-өөр батлуулах төлөвлөгөөтай ажиллаж байна.

Энэ нь “Оюу Толгой” ХХК-ийн өрийг улам  нэмэгдүүлж, төслийн үргэлжлэх хугацаанд Монголын тал  ногдол ашгаа хүртэх боломжгүй болж, өртэй үлдэх нөхцөл байдлыг улам бүр баталгаажуулж байгаа учир авахаар төлөвлөж буй 2.3 тэрбум долларын нэмэлт санхүүжилт авах асуудлыг дэмжихгүй байх чиглэлийг “Оюу Толгой” ХХК-ийн ТУЗ-ийн Монголын талын төлөөлөлд өгөх тухай танилцууллаа.

Хэлэлцэж буй асуудалтай холбогдуулан Улсын Их Хурлын гишүүн Ш.Адьшаа, Ё.Баатарбилэг, Б.Бат-Эрдэнэ, Х.Болорчулуун, С.Ганбаатар, Х.Ганхуяг, Г.Дамдинням, Б.Жаргалмаа, Г.Тэмүүлэн, С.Чинзориг нар асуулт асууж, санал хэлэв.

Түр хорооны гишүүд чиглэл өгөх төслийг тал бүрээс нь хэлэлцэж, асуулт асууж, хариулт авсан юм. Тухайлбал, Улсын Их Хурлын гишүүн Г.Тэмүүлэн авахаар төлөвлөж буй аливаа нэмэлт санхүүжилтийн асуудлыг дэмжихгүй байх чиглэлийг Засгийн газрын зүгээс “Эрдэнэс Оюутолгой” ХХК болон “Оюу Толгой” ХХК-ийн ТУЗ-ийн Монголын талын төлөөлөлд өгөх, түүнчлэн Засгийн газар хувь нийлүүлэгчийн хувьд уг асуудалтай холбогдуулан Монголын талын эрх ашгийг нэн даруй хамгаалах арга хэмжээг даруй авах санал гаргаж, чиглэлийн төсөлд тусгах талаар саналаа илэрхийллээ.

Гишүүдийн асуултад хариулахдаа Түр хорооны дарга Ц.Даваасүрэн “Оюу Толгой” ХХК-ийн 2013, 2014, 2015 оны санхүүгийн тайланд 1 их наяд 80 тэрбум долларын чөлөөт мөнгөн хөрөнгийн үлдэгдэлтэй байсан нь далд уурхайн бүтээн байгуулалтыг өөрийн үйл ажиллагааны орлогоороо санхүүжүүлээд явах бүрэн бололцоотойг харуулж байгаа талаар тайлбар хийв.

Түүнчлэн гишүүдийн олонх нь “Оюу Толгой” ХХК-ийн нэхэмжлэлээр Лондонгийн Олон улсын арбитрын шүүхэд Монгол Улсын Засгийн газрыг хариуцагчаар татсан маргаанд сөрөг нэхэмжлэл буюу хариу тайлбар заавал гаргахыг чиглэлийн төсөлд тусгах талаар санал хэлсэн юм.

Дараа нь зарчмын зөрүүтэй саналын томъёоллоор санал хураалт явууллаа. Улсын Их Хурлын гишүүн Ш.Адьшаагийн гаргасан “Оюу Толгой” компанийн нэхэмжлэлээр Лондонгийн Олон улсын арбитрын шүүхэд Монгол Улсын Засгийн газрыг хариуцагчаар татсан маргаанд сөрөг нэхэмжлэл буюу хариу тайлбарыг заавал гаргах талаар чиглэлийн төсөлд тусгахыг дэмжье гэсэн саналын томъёоллоор санал хураалт явуулахад гишүүдийн 61.1 хувийн саналаар дэмжигдэв.

Ийнхүү хэлэлцээд Түр хорооны хуралдааны тэмдэглэлээр аливаа нэмэлт санхүүжилт нь “Оюу Толгой” ХХК-ийн өрийг улам  нэмэгдүүлж, төслийн үргэлжлэх хугацаанд Монголын тал ногдол ашгаа хүртэх боломжгүй болж, өртэй үлдэх нөхцөл байдлыг улам бүр баталгаажуулж байгаа учир авахаар төлөвлөж буй 2.3 тэрбум долларын нэмэлт санхүүжилтийг дэмжихгүй байх чиглэлийг Засгийн газраас “Эрдэнэс Оюутолгой” ХХК болон “Оюу Толгой” ХХК-ийн ТУЗ-ийн Монголын талын төлөөлөлд өгөх, Засгийн газар хувь нийлүүлэгчийн хувьд уг асуудалтай холбогдуулан Монголын талын эрх ашгийг нэн даруй хамгаалах арга хэмжээг даруй авах, түүнчлэн “Оюу Толгой” компанийн нэхэмжлэлээр Лондонгийн Олон улсын арбитрын шүүхэд Монгол Улсын Засгийн газрыг хариуцагчаар татсан маргаанд сөрөг нэхэмжлэл яаралтай гаргах арга хэмжээ авахыг Засгийн газарт үүрэг, чиглэл болгохоор тогтсон юм.

Түр хорооны тэмдэглээр Засгийн газарт өгөх үүрэг, чиглэлийн төслийг бүхэлд нь дэмжье гэсэн саналын томъёоллоор санал  хураалт явуулахад гишүүдийн 72.2 хувь дэмжлээ.

Энэ мэдээнд өгөх таны сэтгэгдэл?
7
ЗөвЗөв
6
ТэнэглэлТэнэглэл
2
ХахаХаха
2
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2021-04-20 43.242.243.71

Сая бидний идсэн 300 к чинь Ганбаатарын өлсөглөн зарлаж олсон мөнгө мөн үү …

Avatar

Иргэн 2021-04-20 59.153.112.30

МАН Сүг.Батболдоос хямдхан ажээ.Сзг.Батболдын хулгай луйврын талаар ард түмэн янз бүрийн хэлбэрээр шаардсаар байхад МАН дүлий дүмбэ царайлж хамгаалсаар байж эцэст нь хууль гуйвуулж зөрчил үүсгэн намаа устгах хэмжээнд хүрлээ.Хүрэлсүх хүрсэн газар бүр хагарал талцал, гомдол цөхрөл хэрүүл маргаан болж дуусдаг.МАХН-ыг анх 2 хувааж МАН болгон нэг хэсгийг нь авсан.Дараа нь М.Энхболдыг яалаа даа.

Avatar

Зочин 2021-04-20 103.229.123.176

Зөв шийдвэр гаргажээ. Юуны өмнө наад төсөл, төсөлтэй холбоотой гэрээнүүдээ сайн ойлгох хэрэгтэй байна. ТУЗ болон ажлын хэсэгт чинь шаардлага хангах санхүүгийн мэргэжлийн хүн байхгүй учраас асуудлаа бүрэн ойлгож чадахгүй байна. Ийм ч учраас ажлын хэсэг дээр чинь нэгдсэн ойлголтонд хүрэхгүй. Ийм хүн байвал асуудлын мөн чанарыг бусддаа тайлбарлаж таниулаад, нэгдсэн ойлголтонд хүрч ядаад байх юм байхгүй. Харин Ганбаатар, Даваасүрэн хоёр чинь мэргэжлийн бус ч гэсэн асуудлаа зөв баримжаалаад байна…

Avatar

МУ-аас урвагчдыг шалгаачээ... МУ-ын УИХ, ЗГ-ын шийдвэрүүд гараад явж байхад ингэж боорлож байдаг эрүүл МОНГОЛ ХҮН байхгүй.. 2021-04-20 66.181.161.101

РИО, ТУРКОЙЗ ХИЛЛЗ гэдэг ямар муухай компаниуд вэ гэдгийг энэ доор бичсэн хэдхэн комментоос л харчихаж болно. МУ-ын эрх ашгийг ингэж хохироочоод байхад ямар МОНГОЛ ХҮН ингэж РИО-гийн төлөө мөөрөх вэ. Сайн бодох хэрэгтэй. Эд ингэж МУ-ын хамгийн орк амьдрах чадваргүй, ёс зүйгүй НЯНГАР-уудыг ингэж тэжээж МУ-ын эрх ашгийн эсрэг боорлуулж байгааг л харчих. МУ-ын УИХ, ЗГ-ын шийдвэрүүд гараад явж байхад эд ингэж хуцалдаж байгаа нь АРД ТҮМНИЙГ төр засгийн эсрэг турхирч байгаа гэмт хэрэг.

Avatar

Зочин 2021-04-20 103.229.123.201

ЦАГ АЛДАЛГҮЙ ЯАРАЛТАЙ ӨГ НААД НОВШНУУД ЧИНЬ ЦАГ ХОЖИЖ БАЙНА

Avatar

Зочин 2021-04-20 202.21.107.109

ОЮУТОЛГОЙН ГЭРЭЭГ ЕРӨӨСӨӨ ЦУЦЛАХ ХЭРЭГТЭЙ… БАЯР САЙХАНБИЛЭГ БАЯРЦОГТ НАР ХАХУУЛ АВСНАА ХҮЛЭЭХ ХЭРЭГТЭЙ БАЙНА ..

Avatar

Ялагдвал хохирлыг 2021-04-20 172.56.34.64

Эх оронч улс төрчид хариуцна гэж Их Хурлаас шийдмээр байна, тэнэхгүй бол тэдн й популизм дахин хохирол л нэмнэ

Avatar

Иргэн 2021-04-20 202.126.90.120

1 их наяд 80 тэрбум долларын үлдэгдэлтэй ч гэх шиг хахаха. Өнөөдрийг хүртэл 11 тэрбум долларын нийт хөрөнгө оруулалт хийгдсэн байхад

Avatar

ТУРКОЙЗ ХИЛЛЗ-ийн тайлангаас харахад ОТ-ын хөрөнгө оруулалтыг төлж дуусахаар бүтээгдэхүүн борлуулсан хуримтлалтай гардаг... 2021-04-20 66.181.161.101

11 тэрбум долларын хөрөнгө оруулалт ороод хэдийн хэмжээний бүтээгдэхүүн гаргаж зарсныг чи МЭДЭХ үү? Өнгөрсөн 10 жилд аль хэдийн 11 тэрбумын алт, зэс гаргаад борлуулчихсан. Тэрийгээ РИО, ТУРКОЙЗ хэзээ ч хэлдэггүйг чи МЭДЭХ үү?

Avatar

Батый 2021-04-20 66.181.180.229

Энэ соли.орол хэзээ дуусах вэ? Монгол улсыг том торгуульд оруулж, эдийн засгаар сулруулах, улмаар дампууруулах бодлогоо энэ МАНгарууд үргэлжлүүлсээр байх уу? Энэ нөхцөлд МАНгарууд аюулт өвчнийг санаатайгаар тарааж, булай булхайгаа дарагдуулахыг хичээж байна. Монгол Улсын тусгаар тогтнол, аюулгүй байдалд илтээр заналхийлэх боллоо. Иймээс Ерөнхийлөгчийн зөв. Уг нь энэ шийдвэрийг 30 жилийн өмнө гаргаж, МАХН-ыг тараах байсан юм. Энэ 30 жилийн хугацаанд МАН нь өмнөх 70 жилийн турш хулгайлж, дээрэмдэж

Avatar

Зочин 2021-04-20 66.181.180.229

Уг нь энэ шийдвэрийг 30 жилийн өмнө гаргаж, МАХН-ыг тараах байсан юм. Энэ 30 жилийн хугацаанд МАН нь өмнөх 70 жилийн турш хулгайлж, дээрэмдэж цуглуулсан хөрөнгөөрөө бульдаж, сонгуулийг луйвардаж ирсэн.

Avatar

Зочин 2021-04-20 66.181.180.229

Энэ соли.орол хэзээ дуар сулруулахсгаусах вэ? Монгол улсыг том торгуульд оруулж, эдийн засгаар сулруулах, улмаар дампууруулах бодлогоо энэ МАНгарууд үргэлжлүүлсээр байх уу? Энэ нөхцөлд МАНгарууд аюулт өвчнийг санаатайгаар тарааж, булай булхайгаа дарагдуулахыг хичээж байна. Монгол Улсын тусгаар тогтнол, аюулгүй байдалд илтээр заналхийлэх боллоо. Иймээс Ерөнхийлөгчийн зөв. Уг нь энэ шийдвэрийг 30 жилийн өмнө гаргаж, МАХН-ыг тараах байсан юм. Энэ 30 жилийн хугацаанд МАН нь өмнөх 70 жилийн турш хул

NewsMN Гар утасны хувилбар Татах
NEWS.mn

Мэдээллийн эх сурвалж