Мөнгөн дэмжлэгээс хоцорсон иргэд нэр дээрээ олон данстай байна | News.MN

Мөнгөн дэмжлэгээс хоцорсон иргэд нэр дээрээ олон данстай байна

Мөнгөн дэмжлэгээс хоцорсон иргэд нэр дээрээ олон данстай байна

Мөнгөн дэмжлэгээс хоцорсон иргэд нэр дээрээ олон данстай байна

Засгийн газраас хатуу хөл хорио тогтоохтой зэрэгцэн иргэн бүрд 300 мянган төгрөгийн дэмжлэг үзүүлэх шийдвэр гаргасан. Сангийн яамнаас өгч буй мэдээллээр иргэн бүрт олгох 300 мянган төгрөгийг иргэдийн 94.9 хувьд (3.200.535) арилжааны банкуудаар дамжуулан шилжүүлээд байгаа юм. Харин мөнгөө аваагүй цөөн тооны хүн үлджээ.

Мөнгөн дэмжлэгээс хоцорсон иргэдийн хувьд дийлэнх нь бичиг баримтгүй, улсад бүртгэлгүй, е-баримтын системд бүртгүүлээгүй болохыг албаны хүмүүс мэдээлж байгаа юм. Гэхдээ И-баримтад бүртгэлтэй ч данс нь хаагдсан, тус системд өмнө нь бүртгүүлсэн ч и-мэйл хаяг, утасны дугаараа ашигладаггүй зэрэг олон шалтгаанаар иргэд 300 мянган төгрөгөө авч чадахгүй байгааг цахим орчинд шүүмжлэх болсон.

Одоогоор Сангийн яамнаас хэчнээн иргэн мөнгөн дэмжлэг аваагүй байгаа тоон мэдээллийг нэгтгэж буй аж. Тус яамнаас мэдээлснээр, зарим иргэдийн нэр дээр банкны 2-3 данс бүртгэлтэй байдаг аж. Зарим хүний нэр дээр 10 банкны данс бүртгэлтэй байдаг тул аль данс руу нь хэрхэн мөнгө шилжүүлэх вэ гэдгийг нягтлах шаардлага гардаг байна. Мөн И-баримтын системд бүртгэлтэй ч өөрийн нэр дээрх бус, хүний нэр дээрх дансыг холбосноор тухайн хүний данс руу нь мөнгө шилжин авч чаддаггүй байдалд хүрч буй зэргээр иргэдийн өөрсдийнх нь  буруутай үйлдлээс болж гүйлгээнд саатал гарах болжээ.

Хаагдсан данс руу нь 300 мянган төгрөг нь шилжсэн тохиолдолд арилжааны банкнаас мөнгийг  Сангийн яаманд мэдээлэх, буцааж татах, дахин нягтлах, шинээр бүртгэх зэргээр гүйлгээ удааширч байгаа аж.  Тиймээс иргэд данс нь хаагдсан бол тухайн банканд хандаж сэргээлгэх, аль эсвэл цахимаар данс нээлгэх, и-баримтын системд бүртгүүлэхэд л мөнгөн дэмжлэгээс хоцрохгүй болохыг мэргэжилтнүүд зөвлөж байна.

Өнгөрсөн Баасан гариг хүртэл и-баримтын системд шинээр бүртгүүлсэн болон бүртгэлээ сэргээсэн, ашиглаж буй дансаа холбуулсан иргэдийн 300 мянган төгрөгийг өчигдрөөс олгож эхэлжээ. Учир нь амралтын өдрүүдэд арилжааны банкууд ажиллаагүй тул гүйлгээ хийгдээгүй гэх тайлбарыг Сангийн яамнаас өгч байгаа юм. Харин Татварын ерөнхий газраас өгч буй мэдээллээр и-баримтын бүртгэлийн системтэй холбоотой асуудлыг хариуцахгүй. Гэсэн ч ачаалал эрс нэмэгдсэн болохыг тус газрынхан хэлж байв.

Холбогдох албаны хүмүүсийн хэлснээр, мөнгөн дэмжлэгээс хоцорсон цөөн хүмүүс өөрийн нэр дээрх  ашиглаж буй данс, бүртгэлээ үнэн зөвөөр и-баримтын системд бүртгүүлсэн эсэхээс шалтгаалж гүйлгээ хийгдэх аж.

Иргэдийн хувьд е-баримтад бүртгүүлсэн тохиолдолд 300 мянган төгрөгийг нь олгосон эсэхээ шалгаж болно. Тодруулбал, www.ebarimt.mn/300 сайтаар орж, регистерийн дугаараар мөнгөн дэмжлэг нь олгогдсон, үгүйг хянаж болно. Хэрэв мөнгө олгогдсон бол тухайн системд бүртгэлтэй, өөрийн нэр дээрх тухайн банкны дансны сүүлийн 3 оронтой тоогоор гүйлгээ харагдна гэдгийг Сангийн яамнаас мэдээлж байгаа юм. Тиймээс гар утсанд нь мэдээлэл ирэхгүй болохыг зөвлөв.

Энэ мэдээнд өгөх таны сэтгэгдэл?
3
БурууБуруу
1
ХөөрхөнХөөрхөн
1
ТэнэглэлТэнэглэл
0
ЗөвЗөв
0
ХахаХаха
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Хонгорзул 2021-04-20 202.126.88.214

Нэг л данстай шүү дээ нэр дээрх хаан банкны дансруу хийж болохгүй юмуу шууд

Avatar

Хонгорзул 2021-04-20 202.126.88.214

e баримтаа өөрөө янзалж болохгүй байна янзалдаг газрууд хөл хорио гээд амарч байна зүгээр дансруу нь хийж болохгүй юм уу мөнгө хэрэгтэй бна

Avatar

Зочин 2021-04-20 202.9.46.196

ибаримт.мн рүү нь орж шалгасан чинь …. дансанд орсон /тэр нь хаагдсан данс/ "банк руугаа ярьж дансаа сэргээлгээд авч болно гэв"
тэгээд 18001646 голомт банк руу ярьтал "хаагдсан дансыг сэргээх боломжгүй, 18001288 татвар руу ярь" гэж байна.
татвар руу нь ярьтал "бид мэдэхгүй Сангийн яамтайгаа ярь гэнээ" ……………………………???????????? яах вэ???? /Уг нь дансны мэдээллээ шинэчлээд удаж байгаан./

Манай бүх үйлчилгээ ер нь "дээс томж найзыгаа аваръя" гэдэг үлгэр шиг л юм болох юмаа

Avatar

Зочин 2021-04-20 103.57.92.143

Хоцорсон хүн регистрийн дугаараа оруулаад шалтгаанаа мэдэх систем ажиллуулах боломж байна уу.

Avatar

Zochin 2021-04-20 87.66.142.201

Huvi hun heden ch danstai baih ni hunii erh, harin Mongold dansaa heregleegui, utasnii dugaaraa heregleegui teden sar bolsin gej haadag gesen. Ene bol buruu, hunii erhiig denduu haaj bgan bishuu, bas dans ba dugaarig hasj huchingui bolgodog ni tuhain humuusiig hucheer ter yumsa ashiglah tedende ashig oruulsangui gej daramtalj bgagin helber

Avatar

ХУЦАЛГҮЙ МӨНГӨ ХИЙ 2021-04-20 64.119.22.43

АЛЬ Ч ДАНСАНД ОРСОН ЭЗЭН НЬ МӨНГӨӨ АВДАГ ЮМ БАЙГАА БИЗ ДЭЭ ? МӨНГӨГҮЙ БОЛЧИХООД ХУДЛАА Ш А А Г А А Д БАЙГААГ ЧИНЬ МЭДЭХГҮЙ ГЭЖ БОДОО ЮУ ??

Avatar

ҮНЭН 2021-04-20 103.26.194.206

БИТГИЙ Ш А А ЧИ ХААГДСАН ДАНСРУУ АВААЧААД ХИЙЧИХДЭГ САНААТАЙ ИНГЭЭД БАЙНА УУ

NewsMN Гар утасны хувилбар Татах
NEWS.mn

Мэдээллийн эх сурвалж