Алтайн уулсад жуулчин татах гэж хуурамч алмас ажиллуулдаг байжээ | News.MN

Алтайн уулсад жуулчин татах гэж хуурамч алмас ажиллуулдаг байжээ

Алтайн уулсад жуулчин татах гэж хуурамч алмас ажиллуулдаг байжээ

Алтайн уулсад жуулчин татах гэж хуурамч алмас ажиллуулдаг байжээ

ОХУ-ын нэгэн өндөр албан тушаалтан Сибирьт жуулчин татах зорилгоор алмасны тухай хуурамч мэдээлэл, ул мөр, зураг зэргийг үйлдэн, зохион байгуулалттайгаар тараадаг байснаа хүлээжээ.

Владимир Путинд хамгийн удаан хүчин зүтгэж буй хүмүүсийн нэг, Кемерово мужийн захирагч асан Аман Тулеев өндөр, том биетэй эрчүүдийг хөлслөн, алмасны хувцас өмсгөж, жуулчдын явдаг газрын ойролцоо бутан дунд нуугдаж байгаад зэрвэс харагдан зугтахыг тушаадаг байжээ.

Улмаар Сибирийн Алтайн уулсад жуулчид очиход алмасны хувцастай хүн модон дунд хүлээж байгаад, жуулчдыг ойртож ирмэгц чанга орилон гүйж оддог байсан гэнэ. Тулеев хэдийгээр тийнхүү хуурамч алмас бүтээн зохион байгуулалттайгаар жуулчдын сонирхлыг татдаг байсан ч өөрөө алмас хэмээх бодгаль оршин байдагт гүнээ үнэмшдэг нэгэн аж.

Тэрбээр анх нутгийн анчид тус ууланд хоёр метр өндөртэй, хүн дүрст үсэрхэг амьтан харсан хэмээн ярихад хүмүүс тэр зүгт олноор очиж эхэлснээс дээрх санаагаа олжээ. Энэ талаараа Тулеев “Энэ санааг олохоос өмнө ч алмасны ул мөр хэд хэдэн удаа олдож байсан. Жишээлбэл, 2011 онд Шориа уулсын цасан дээрээс хүнийх гэхэд дэндүү том хөлийн мөр олдож, ОХУ, АНУ, БНХАУ тэргүүтэй долоон улсын эрдэмтэд цуглан Сибирьт алмас эрэн хайсан. Хэдийгээр тэд дорвитой юм олж чадаагүй боловч түүнээс хойш алмас харах гэж маш олон хүн Сибирийг зорьдог болсон юм. Гэхдээ хэн ч алмас харахгүй байсаар хүмүүсийн сонирхол аяндаа буурч эхлэхэд тэдний сонирхлыг дахин татах зүйл шаардлагатай болсон юм” хэмээн тайлбарлажээ.

Тиймээс Тулеев уулсын ойролцоох тосгоны захирагчид хандан өндөр биетэй хүн олуулж, түүнтэй хамтран ажиллаж эхэлсэн байна. Тэгэхдээ тэрбээр тосгоны захирагчийн олж өгсөн өндөр эрд үс ноос ихтэй хувцас өмсгөн, жуулчид ойртож, ирмэгц их дуу чимээ гарган хашгирч, тойрон гүйх агаад, баригдахгүй байхыг тушаажээ. Тэр цагаас хойш жуулчдын тоо эргэн нэмэгдэж, Шориа уулс, ялангуяа Азасская агуйг хүмүүс ихээр сонирхох болсон гэнэ.

Эх сурвалж: UNILAD

Энэ мэдээнд өгөх таны сэтгэгдэл?
31
ХахаХаха
5
ТэнэглэлТэнэглэл
2
ХөөрхөнХөөрхөн
2
БурууБуруу
1
ЗөвЗөв
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

нэр 2021-04-19 64.119.24.197

Аргаа барсан дуракууд

Avatar

Ха ха оросуудаа гэж 2021-04-19 202.55.188.100

Оросууд юугч яаж ч шаааж мэдэх бүтэхгүй гарууд шүү.

Avatar

Зочин 2021-04-19 122.201.22.145

алмас биш чебурашка бна

Avatar

Зочин 2021-04-19 66.181.177.103

монголд алмасын шинж агуулсан хүмүүс зөндөө байгаа тэр айлудаараа жуулчуулаад жуулчин ихээр татаж болно.

Avatar

Зочин 2021-04-19 103.26.193.102

лохнесс шиг л юм байна.монголд дэлгэрүүлмээр

Avatar

томоо 2021-04-19 66.181.161.67

хөөрхөн санаа бна шүү хахаха

Avatar

Уншигч 2021-04-19 66.181.182.154

90 ээд оны эхээр Дамбадаржаад иймэрхүү явдал болоод нөгөө алмасын дүрд хувилсан залууг нь нэг цагдаа барьж авсан явдал санаанд орлоо, харин үйл явдлын дараа нь нөгөө цагдааг Алмас . . . гэж хочилдог болсон доо, кккк

Avatar

Зочин 2021-04-19 202.21.126.30

Тэр чинь joke байсан юм. 4-н сарын 1-ний өдрөөр Залуучуудын үнэн сонинд тийм хөгжилтэй нийтлэл, фото тавьж шуугиулж байсан. Гэхдээ тэр бол наргиа байсан. Дараа нь тэрийгээ сонины дараагийн дугаараараа тайлбарлаж, хөөрхөн хөгжөөгөөд авч байсан..

NewsMN Гар утасны хувилбар Татах
NEWS.mn

Мэдээллийн эх сурвалж