БЗД-т сайн дураар ажиллах иргэдийг бүртгэж эхэлжээ | News.MN

БЗД-т сайн дураар ажиллах иргэдийг бүртгэж эхэлжээ

COVID-19

БЗД-т сайн дураар ажиллах иргэдийг бүртгэж эхэлжээ

БЗД-т сайн дураар ажиллах иргэдийг бүртгэж эхэлжээ

Нийслэлд халдварын тархалт нэмэгдэж буйтай холбоотойгоор Баянзүрх дүүргийн Онцгой комиссоос сайн дураар ажиллах хүсэлтэй иргэдийг өчигдрөөс /2021.04.18/ бүртгэж эхэлжээ.

Сайн дурын ажилчид халдвар хамгааллын дэглэм чанд мөрдөж, утасны оператор хийх, гэртээ тусгаарлагдаж буй халдвартай хүмүүсийн биеийн байдалд зайнаас хяналт тавих аж. Сайн дураар ажиллах сонирхолтой иргэдийн хувьд эмч, эмнэлгийн ээлжийн болон гавьяаны амралтад гарсан хүмүүс байвал давуу тал болох аж.

Учир нь гэрийн тусгаарлалтад буй иргэдийн биед илэрч буй шинж тэмдэгт анхан шатны тусламж үзүүлэх, зөвлөгөө өгөх шаардлагатай юм байна. Тиймээс ажиллах хүсэлтэй иргэдийг богино хугацааны сургалтад хамруулах асуудал мөн тулгарчээ.

Улаанбаатар хотод халдварын тохиолдол нэмэгдэж, ойрын хавьтлын тоо нэмэгдэхийн хэрээр эмнэлгийн байгууллагын нөөцийн асуудал яригдаж байгааг албаныхан мэдээлсэн.

ЭМЯ-ны Хэвлэлийн төлөөлөгч Б.Ууганбаяр хэлэхдээ “Одоогийн байдлаар 400 гаруй эмч, эмнэлгийн ажилтан Covid-19 халдвараар өвчилсөн. Тэдгээр алба хаагчдын зарим нь эдгэрсэн хэдий ч биеийн байдал нь хүнд олон хүн байна. Халдварын тархалт нэмэгдэж байгаа энэ үед нэмэлтээр ор гаргах боломжтой ч эмнэлгийн байгууллагын хүний нөөц дутагдалд орох эрсдэлтэй байна. Халдвараар өвчилсөн тохиолдолд эмчилгээний хувьд арга нь олдох хэдий ч эмнэлгийн байгууллагын мэргэжилтнүүдийн хомсдолд орох эрсдэл өндөр байгааг анхааруулж байна” гэсэн юм.

БАЯНЗҮРХ ДҮҮРЭГТ ХАМГИЙН ОЛОН ХҮН COVID- 19 ХАЛДВАР АВЧЭЭ

  • Баянзүрх- 4787
  • Сонгинохайрхан- 3100
  • Баянгол- 2910
  • Хан-Уул- 2614
  • Сүхбаатар- 1834
  • Чингэлтэй- 1516
  • Налайх- 254
  • Багануур- 89
  • Багахангай- 9
  • Судлагдаж буй 1761 тохиолдол байгаа аж.

Иймээс нийслэлийн хүн амын хамгийн их суурьшсан Баянзүрх дүүрэгт Covid-19 халдвартай холбоотойгоор гэрийн ажиглалт, тусгаарлалтад буй хүмүүст хяналт тавих, зөвлөгөө өгөх ажилчид шаардлагатай болсон байна.

Энэ талаар хариуцаж буй мэргэжилтнээс тодруулахад “Манай дүүрэгт батлагдсан халдварын тохиолдол өндөр байна. Үүнээс гадна дүүрэгт харъяалагддаг иргэдийн тоо олон учраас эрсдэлт бүлгийнхэнд эмч болоод албаны хүмүүс тулж ажиллахад хүрэлцэхгүй байгаа юм. Иймд сайн дураар ажиллах үйл ажиллагаанд нэгдэхийг хүссэн иргэд 99992456 дугаарт холбогдохыг хүсч байна. Хүмүүс цалингүй гэхээр төдийлөн сонирхохгүй байж болох ч эрүүл мэндийг сахин хамгаалах үйлсэд хувь нэмэр оруулна гэдэг бол туйлын чухал ажил гэдгийг иргэд маань ойлгоно гэдэгт итгэж байна” гэсэн юм.

УОК-оос сайн дурынхныг ажиллуулах ямар нэг журам байгаа эсэхийг асуухад одоогоор бидэнд албажиж гарсан баримт бичиг байхгүй. Гэхдээ олон улсын туршлагаас харахад Японд ямар нэгэн гамшигт үзэгдлийн тохиолдолд сайн дурынхны идэвх маш өндөр оролцоотой байдаг аж. ДЭМБ-аас сайн дурынхныг цар тахлын үед ажиллуулахад асуудалгүй хэмээн үзсэн байна.

С.УНДАРМАА

Энэ мэдээнд өгөх таны сэтгэгдэл?
8
ЗөвЗөв
5
ТэнэглэлТэнэглэл
2
ГайхмаарГайхмаар
2
БурууБуруу
1
ХахаХаха
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

сайханаа 2021-04-19 66.181.161.9

тарааж байгаа мөнгөөрөө тэтгэврээ нэмж хөгшчүүлээ баярлуулбал яасан юм бэ.эсвэл тэр голомтод ажиллаж байгаа эмч сувилагч эмнэлэгийн тулж ажиллаж буй улсад онцгой цагдаа нарын мөн тулж ажиллаж байгаа хүмүүст өгвөл болно шүү дээ.түүнээс голомтод ажиллаагүй эмнэлэгийн цагдаагийн онцгойгийн хурган дарга нарт өгмөөргүй байна.
тэд нар чинь голомт руу хэзээ ч орохгүй.мөн эмнэлэгт байгаа улсдаа дархлааг нь дэмжихэд эм тарианд нь өгч болохгүй юм уу.халамжаа зогсоох хэрэгтэй бна.

Avatar

сайханаа 2021-04-19 66.181.161.9

төр засаг нь анхнаасаа зөв бодлого баримталж ажилласан бол өдийд ийм олноороо өвдөхгүй.эмнэлэгийн ажилтнууд цаг наргүй ажиллаж байгааг иргэд мэдэж байгаа тэдний зовлонг ч ойлгож байна.төрийн толгой дээр байгаа та нар харин ямар байгаа билээ.бүх буруугаа ард иргэд рүү чихээд л байж байгаа.одоо бүр вакцинд оруулж чадахгүй байгааг нууж мөнгө тарааж эхэллээ.үүнийгээ болимоор юм.тарааж байгаа мөнгөөр чинь зарим нь пивондоо зарцуулж дархлаагаа дэмжиж байна даа.худлаа гэвэл яваад үзээрэй.

Avatar

Зочин 2021-04-19 66.181.161.126

Тэнэг жүжиг

Avatar

Зочин 2021-04-19 139.5.216.142

МАН-ын сайн дурын хэдэн мянган гишүүд байдаг биздээ, тэд ямар нэг хэмжээгээр саалийн үнээнээс нь сааль хүртдэг л биздээ, тиймээс тэднийгээ дайчилж ажиллуулаач.

Avatar

Hha 2021-04-19 202.9.46.54

Hha lalruud ulsaas heden sayaar ni awch bga bzde awch bga yum chn ajilaal bjzde hosutin hariu zardag bsn emch naraa awch irj aijiluuln bz.

Avatar

zochin 2021-04-19 59.153.113.43

Aнагаахын оюутнуудаа дадлагад дуудаач ийм үед чин сэтгэлээсээ ажиллавал сайн дадлага хийгээд ирээдүйд мундаг эмч болнл биз дээ

Avatar

хотын уугуул иргэн 2021-04-19 122.201.31.201

Ажиллах нэг нь байвал ажиллана биздээ .Ажиллахгүй юм бол тэр л биз. Битгий хоосон хошүү дүрж гоншигноод байцгаа. Зарим хүмүүсийн шүтээд байдаг тэр Япон, АНУ-д чинь сайн дурынхан үнэгүй ажилладг юм байна шүү. Манайх шиг тэгж бүх юмыг улс төржүүлдэггүй юм байна.

Avatar

Зочин 2021-04-19 59.153.115.26

тэнд чинь сайн дурын ажлыг өндөр үнэлж, ажлын туршлагын хэмжээнд авч үздэг. манайд бол сайн дурын байтугай албан ёсны ажил ч ямар ч үнэлэмжгүй. ийм л байдаг юм даа

Avatar

Irgen 2021-04-19 202.9.47.10

Gehdee sain duraar ajillah humuustee jahan ch gesen uramshuulal tsalin uguh n zuw shdee. Unegui geheer jahan tiim yum da

Avatar

Зочин 2021-04-19 66.181.161.103

Япон гэхээр хөөрөөд ирнэ гэж бодож байна уу

Avatar

Зочин 2021-04-19 202.55.188.40

Хуцлаал байлаа. МАНгар еерсдее халдвар алдаж хундруулж хаячаад одоо иргэдээ унэгуй боолчлоно гэнээ.

Avatar

Зочин 2021-04-19 202.21.113.146

Галын шугаманд нойр хоолгүй ажиллаж байгаа хүмүүсээ л буруутгаж харуулаад байхаар хэн ажиллахад дээ

Avatar

Зочин 2021-04-19 203.91.115.49

Засаг хандив мөнгө идэж болох юм бүгдийг идээд иргэд сайн дураар үнэгүй ажиллах юм уу

Avatar

Монгол хүн 2021-04-19 202.21.100.210

Маш зөв санаачлага байна. Одоо л Монгол хүний яс чанар харагдах байх даа. Бид бие биедээ муухай ханддаг шүү хандлагаа өөрчлөе. Амжилт хүсье.

NewsMN Гар утасны хувилбар Татах
NEWS.mn

Мэдээллийн эх сурвалж