Covid-19 цар тахлын улмаас амиа алдсан хүний тоо 3 сая давсан талаар АНУ-ын Жонс Хопкинсийн их сургуулиас мэдээлэв. Бямба гаригийн өглөөний 09:00 цагийн байдлаар, Covid-19 цар тахлаар өвчилж нас барсан хүний тоо 3,014,240-д хүрчээ.

Дэлхий дээр Covid-19-ийн нийт 140 сая 598 мянга 841 тохиолдол батлагдсанаас эмчлүүлж эдгэсэн хүний тоо 119 сая 432 мянга 829 болсон байна.

Оксфордын их сургууль тэргүүтэй байгууллагын судлаачдын хөтөлдөг “Our World in Data” цахим хуудаст мэдээлснээр, дэлхий даяар 400 сая гаруй хүн Covid-19-ийн вакцины нэг тунг хийлгэжээ.

Дэлхийн хэмжээнд дөрөвдүгээр сарын 11-ний байдлаар 430.96 сая гаруй хүн вакцины нэг тунг тариулсан байна. Улс орноор авч үзвэл, АНУ (117.14 сая), Энэтхэг (88.89 сая), Их Британи (32.01 сая), Бразил (20.51 сая) жагсаалтын эхэнд бичигджээ.

Эх сурвалж: WORLDOMETERS