Нарны цахилгаан станцын бүтээн байгуулалтад Голомт банк баталгаа гаргалаа | News.MN

Нарны цахилгаан станцын бүтээн байгуулалтад Голомт банк баталгаа гаргалаа

Нарны цахилгаан станцын бүтээн байгуулалтад Голомт банк баталгаа гаргалаа

Нарны цахилгаан станцын бүтээн байгуулалтад Голомт банк баталгаа гаргалаа

Эрчим хүчний хуримтлууртай Монголын анхны нарны цахилгаан станцын бүтээн байгуулалтад Голомт банк баталгаа гаргалаа

Японы JGC Holdings, NGK Insulators Ltd болон M Си Эс Интернэйшнл  ХХК-иудын түншлэл 5 МВт-ын хүчин чадал бүхий Монголын анхны эрчим хүчний хуримтлууртай (3.6 МВт.цаг) нарны цахилгаан станцын төсөлд шалгаран бүтээн байгуулалтын ажлыг эхлүүлэхээр болсон билээ. Үүнтэй холбоотойгоор томоохон дэд бүтцийн төслүүдэд тавигддаг шаардлагын дагуу Голомт банк Японы Mizuho банктай хамтран төсөлд шаардагдах банкны баталгааг гаргалаа. Томоохон банкнуудтай өрсөлдөн, эх орондоо баригдах нарны цахилгаан станцын бүтээн байгуулалтад баталгаа гаргаж буй нь Голомт банкны зүгээс баримталсаар ирсэн байгаль орчинд ээлтэй, тогтвортой санхүүжилтийн нэгээхэн чухал хэсэг болж байна.

Уг нарны цахилгаан станцыг байгуулах ажил Улаанбаатар хотоос баруун зүгт 1100 км зайд буюу Завхан аймгийн Улиастай суманд энэ сараас эхлэх бөгөөд станцын үйл ажиллагааг 2022 оны хавраас эхлүүлэхээр төлөвлөжээ. Монголын анхны гэх тодотголтой уг томоохон бүтээн байгуулалт нь Улиастай сумын 20 мянга орчим оршин суугчийн эрчим хүчний хэрэгцээг хангахаараа өндөр ач холбогдолтой төсөлд тооцогдоод байна.

Монгол Улс 2030 он гэхэд дотоодын сэргээгдэх эрчим хүчний хувь хэмжээг нийт хэрэглээний 30 хувьд хүргэх зорилтын хүрээнд ахиц дэвшил гарч байгаа ч өнөөг хүртэл сэргээгдэх эрчим хүчийг хадгалах хуримтлуур байдаггүй нь тулгамдсан асуудлуудын нэг байсаар ирсэн билээ. Тэгвэл энэхүү асуудлыг шийдвэрлэж, анх удаагаа эрчим хүчний хуримтлууртай нарны цахилгаан станцыг байгуулах болсон нь нүүрсний цахилгаан станцаас эрчим хүчний эх үүсвэрээ бүрдүүлдэг, агаарын бохирдол тулгамдсан асуудал болоод байгаа Монгол Улсын хувьд сэргээгдэх эрчим хүчний хэрэглээ, эрчим хүчний хангамжийг нэмэгдүүлэх, нүүрсхүчлийн давхар ислийн ялгаруулалтыг багасгах зэрэг томоохон ач холбогдолтой тухай төслийн гүйцэтгэгч JGC Holdings онцолжээ.

Энэхүү төслийг хамтран гүйцэтгэгч NGK Insulators Ltd-ийн зүгээс өвөлдөө цельсийн -40 хэмд хүрч хүйтэрдэг Монголын эрс тэс уур амьсгалд тохирсон цэнэг хуримтлуурыг үйлдвэрлэх бол дотоодын “М Си Эс  Интернэйшнл ” компанийн хувьд станцын барилга угсралтын ажлыг хийх ба станц байгуулагдсаны дараах ашиглалтын үйл ажиллагаанд нь тодорхой хугацаанд дэмжлэг үзүүлэх юм.

Төслийн ач холбогдлын талаар төслийн хамтран гүйцэтгэгч Японы JGC Holdings цахим хуудаснаа мэдээлсэнтэй танилцана уу. https://www.jgc.com/en/news/2021/20210322.html

Энэ мэдээнд өгөх таны сэтгэгдэл?
4
ЗөвЗөв
3
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-04-16 109.70.100.45

>>>>>>>>>> Энэ сайт дээр би сард 5000 гаруй доллар олдог! Спортын бооцоо, слот машин, эхний хадгаламж, өдрийн урамшуулалд 100% тооцож үзнэ үү — https://tinyurl.com/4cwbrn4t

Avatar

zochin 2021-04-16 192.82.87.166

..tomchuud zovlongui mongo hiih ni de

Avatar

Зочин 2021-04-16 195.46.106.44

завхан аймаг ямар өрөвдөлтэй юм бэ нөхөөстэй дээл шиг. нэг хэсэг цахигаанаа УЦс-аас нөгөөг нь Оросоос, одоо бас нарнаас жоохон юм хүртэхнээдээ. Баруун аймгуудаа цахилгаанаар бүрэн хангах томоохон ганц нүүрсний станц увсад юм уу ховдод баричихаач дээ. эзэнгүй талд шахуу байгаа утаа хаана очиж хэнийг хордуулах юм бэ. том гүрнүүдийг хар. дэлхийг тэр чигээр нь хордуулаад л хөгжилөө ахиулаад байх юм. төрийн удирдлагуудад сэтгэл дутаж байна. төр чадахгүй бол эрхийг нь хувийнханд өглө дөө.

Avatar

Зочин 2021-04-16 202.9.46.29

энэнд баярлах ямарч хэрэггүй таны төлөх тогны мөнгөн дээрх сэргээгдэх эрчим хүч дэмжих төлбөр улам л нэмэгдэх болно

Avatar

Зочин 2021-04-16 112.72.15.6

Үнэн л дээ бас.

NewsMN Гар утасны хувилбар Татах
NEWS.mn

Мэдээллийн эх сурвалж