Залуус минь “Зааг занга”-нд бүү ор | News.MN

Залуус минь “Зааг занга”-нд бүү ор

Залуус минь “Зааг занга”-нд бүү ор

Залуус минь “Зааг занга”-нд бүү ор
ЭХЛЭЛ
Улсын начин Э.Энхбат Солонгос руу эмчилгээнд явсныг сонсоод энэ сайхан залуу илааршин, эх орондоо, ээжий аавдаа эргэн ирээрэй хэмээн залбирч сууна. Энэ залууг би хэдийгээр танихгүй ч олны амнаас жудагтай залуу гэж олонтаа сонсож байснаас гадна эмнэлэгт байсан найзыгаа тэргэнцэр дээр түрж яваа баяр хөөртэй зургийг нь хараад хэр хэмжээний нөхөрлөл тэдний хооронд байсныг ойлгож байна. Энэ зураг үнэхээр гайхалтай мөчийн гэрч. Анд нөхдийн үерхэл үхэвч үүрд гэж сайхан үг ч бий. Ууч сэтгэл, уужим ухаан монгол хүнд бас бий. Бид чинь цөөхүүлээ шүү дээ. Эв эе, эрүүл сэтгэл дутагдаад байна уу даа бидэнд … Энд би хэн нэгнийг шүүх гэсэнгүй, учир байдал юунд оршив гэдгийг бодлоо.
Хэдхэн жилийн өмнө нэгэн залуу бидний зүрхэнд гал болон бадарч, монголчууд бидний бахархлыг бадрааж явсан талаар хэдэн үг хэлмээр байна, сануулмаар байна.
Тэр монголчуудын уухай, итгэл, сэтгэлийн илч, эв нэгдлийн холбоос болсон гэхдээ… Монголчуудыг 7-р сарын 1-ний үймээний бараан сүүдэр нөмөрч, удам угсаа нэгтэй үндэстэн өөр хоорондоо мөргөлдөж, таван сайхан Монгол хүний амийг зольж, эх орондоо өргөсөн тангарагтаа үнэнч олон залуус эрүүл мэндээрээ хохирч, өрөөл татанхай болж үлдсэн элэг эмтрэм уй гашуу орон даяар нөмөрлөж байсан бараан өдрүүдийн үед Найдангийн Түвшинбаяр хэмээх сайхан залуу “40 жил нам засаг, нийтээрээ мөрөөдөл болсон олимпийн анхны аварга” болж, Монгол Улсынхаа төрийн далбааг Бээжин хотын тэнгэрт мандуулж, монгол хүн бүрийн зүрхэнд итгэл, эв нэгдэл, амжилт, бахархлын гэрэл татуулж, галыг асаасан мартагдашгүй түүхийн эзэн болсон билээ.
Тэр монголчуудын хэцүү цагт “уухай, итгэл, сэтгэлийн илч, эв нэгдлийн холбоос” байв. Монголын тамирчин гэж нэрээ дуудуулан, төрийнхөө далбааг дэлхий даяар дуурсгахад анх удаа Сүхбаатарын талбай дээр өргөн олноороо цугларан, улс төрийн улаан, цэнхэр өнгөөр ялгарахгүй улстөрчдийг тэврэлдүүлж чадсан аавын хүү. Тэр хүүгээр чимж, тэврээд салахгүй байсан халамцуухан улстөрчдөөс ган хийж, ганц үг дуугарах хүн өнөөдөр байна уу.
Монгол Улсын Хөдөлмөрийн баатар, Ардын уран зохиолч, яруу найрагч Б.Лхагвасүрэн “Бид бахархлаар дутаж яваа улс юм. Үүнийг баталсан хүн нь чи. Энэ бол өөрийн чинь Олимпд гаргасан амжилтаас илүү зүйл шүү” гэж “Монгол тулгатны зуун эрхэм” нэвтрүүлгийн үеэр жинхэнэ сэтгэлээсээ бахархалтайгаар хэлж байсныг монгол хүн бүр л сонссон билээ.
Өөрөө унасан хүүхэд уйлдаггүй гэвч…
Амжилтаараа аархаж, мандаж явахад нь магтан дуулсан түмэн минь алдсан энэ цагт нь ам хэлтэй болгон үгийн мууг урсгаж, уур омгоо овоо ч их гаргаад авлаа. Одоо боллоо. Тэр ч гэсэн, гэр бүл, аав ээж нь ч гэсэн сэтгэл санааны хүнд хэцүү байдалд байгаа. Энэ үед бид монгол хүмүүс байна даа өр нимгэлж, түүнтэй хамт байгаасай гэж хүснэ. Энэ үгээрээ би түүнийг өмөөрөх гэсэнгүй. Хувь хүний ёс зүйгүй үйлдлийг нь зөвтгөхгүй. Гагцхүү түүний буруу үйлдлийг нь буруутгахаас, өөрөөр түүний зүрхний галыг нь битгий дэвслээсэй гэж хүснэм. Чи залуу хүн. Ухаажиж, алдаа оноон дундаасаа дахин өндийхийг хүсье. Өнгөрснөө хариуцаж, үг үйлдэлдээ жинхэнэ эзэн болж, хат суух учиртайг амьдрал түүнд хатуухан санууллаа. Эр хүний замын хүзүү урт. Сэтгэлийн тэнхээтэй байж, бүхнийг даван туулаарай, аварга минь. Монгол түмэн минь чамайг мартахгүй.
ЗААГЛАХ, ЗАНГАНД ОРУУЛАХЫН ГАЖУУДАЛ ЮУНД ХҮРГЭВ?
Түүнийг идтэй, бяртай, цолтой гялалзаж байхад тал бүрээс нь даллан дуудаж, бэлэг сэлт, эд хөрөнгө, албан тушаал амсуулж, хөөргөдөж байлаа. Алдар нэр, цол, хүндэтгэл, зусардлын МАНАНД төөрүүлжээ.
УИХ-д нэр дэвшүүлж нэг үзэж, МҮОХ-ны дарга ч болголоо. Сүүлд нь Монгол Улсын Ерөнхий сайдын Зөвлөх ч болгов. Манайд бичигдэж албажуулаагүй нэгэн хачирхалтай, бусармаг уламжлал бол эрх мэдэлд хүрсэн, эд баялагт шунагч бэртэгчингүүд өөрийнхөө эргэн тойронд хашаа хороо, хана хэрэм босгож өөрөө шигдэхийн зэрэгцээ өрөөл бусдыг эрхшээлдээ хашиж, гамшиг төвөг тарьж, ЗААГлаж орхидог нийгмийн ГАЖУУДАЛ юм. Үүний тод томруун нэг жишээ нь салбартаа амжилттай, нэртэй яваа залууст албан тушаал өгч, алдаршуулан улс төрд шууд хомроглон татаж аван, тэднээр “гоёх” явдал юм. Эзэмшсэн мэргэжил, амжилтанд хүрсэн салбараас нь зааглан тусгаарлаж, хиймэл магтаал шагнал, албан тушаалаар бялууруулж, аажимдаа өөрсдийн бохир далайдаа живүүлж “эвдэх” явдалд өртөгдсөн олон залуус бий. Өнөө хөөрхий “долигногч, долоогч, цүнх баригчид” ч эдний эгнээнд хамрагдана. Хэн нь хэнийг яаж эвдэж, улмаар хэдэн залуусыг минь улс төрийн зангандаа оруулж, тогоондоо чанан, хутган талцуулаад байгаа нь хэн бүхний нүдэнд ил билээ.
Иймд залуучууд минь бид цөөхөн монголчууд, эв нэгдэл, эх орон гэдэг юунаас ч илүү үнэ цэнтэйг бүү мартаарай. Бид эв нэгдэлгүй үедээ дан олзлуулж, дарлуулж, алдаж явсан гашуун түүхтэй. Залуучууд, залуу насыг нь эзэмдэн эвдэгчид ч одоо больж үз. Олимпийн аваргын маань хийсэн үйлдэл түмэн буруу боловч энэ л жишгээр тэрбээр “зааглан тусгаарлагдаж, нийгмийн золиос” болчихов уу гэж бодогдоод байна.
Хэрвээ түүнийг өөрийн эрх ашигтаа нийцүүлэн, “зааглан тусгаарлаж, элдвээр бялууруулаагүй” бол хойч үе, залгамж халаагаа бэлдэх мэргэжлийн өндөр төвшний дасгалжуулагч, ирээдүйн Олимпийн медальтнуудын багш, үнэ цэнтэй давтагдашгүй сайхан хүү гүйж л яваа.
Үй зайгүй нөхөрлөсөн хоёр сайхан найз залуусын хооронд бор дарсны гайгаар гарсан “заагийг улам гүнзгийрүүлэх“ гэж нийгэм маань талцаж байна. Юунаас болов, яагаад ийм байдалд орох болов гэдгийг тунгаан бодоцгооё, өөрчилье. Архи хэмээх савнаасаа бусдыг дийлэгчид толгойгоо, эрүүл мэндээ, гэр бүлээ, амь насаа алдахаас зайлсхийх бас чухал болоод байна.
Хал үзэж, халуун чулуу долоосон хүний хувьд аавын хоёр сайхан хүүг алийг нь гэж ялгах билээ, сайн сайхан л яваасай гэж залбирья. Э.Энхбат маань хурдан тэнхэрч, эх орондоо ирээрэй хэмээн чин сэтгэлээсээ хүсэн ерөөе.
Залуус минь ирээдүй та нарын л гарт бий шүү.
зааг-занганд бүү ороорой
Д.ТЭРБИШДАВГА
Энэ мэдээнд өгөх таны сэтгэгдэл?
25
ЗөвЗөв
7
ТэнэглэлТэнэглэл
1
ХөөрхөнХөөрхөн
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

27 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Оюунханд 2021-04-15 103.10.23.124

Зөв л асуудлыг хөндөж бичжээ. Залуусаа эвдэж байгаа нь үнэн шүү дээ

Avatar

Алтанцэцэг Алтаа 2021-04-15 66.181.177.25

Хүн ер нь нийгмийн идэвхитэй амьдрах хэрэгтэй шүүдээ.Нийгэмд болж буй зүйлд өөрийн үзэл бодлоо илэрхийлж, залуу хойч үедээ үлгэр дууриал, ухаарал хайрлаж, тэднийг зөв зүйлд уриалж, чиглүүлж байх нь төрийн өндөр албан тушаал хашиж байсан хүний хувьд байх ёстой зүйл .Тэрэнд зарим нэг нөхдүүд сэтгэлээ чилээх нь илүүц буйзаа.Зөв бичсэн байна.Залуу нас тоотой, замын урт хэмжээтэй тул энэ залуучууд ухамсараа дээшлүүлж, зөв сайхан амьдрах хэрэгтэй шүүдээ.

Avatar

Баатар 2021-04-15 192.82.73.253

Зөв өнцгөөс харж эерэг талаас нь бичижээ.. Бид нэг талруугаа хэт туйлширдаг зангаа татах хэрэгтэй дэ. Дор бүрнээ л өөрийн гэсэн үзэл бодолтой байхгүй бол энэ хорвоо таныг хаашаа ч хамаагүй өнхөрүүлчинэ шүү дэ..Хүмүүсээ амьддаа л бие биенээ хайралцгаая!

Avatar

Зочин 2021-04-15 66.181.169.70

уншаад ихийг ойлгох хэрэгтэй. зөв л бичсэн байна

Avatar

Зочин 2021-04-15 202.9.40.17

Залууийг албан тушаал эвддэг гэж үнэн зохих хүн зохихгүй хүн гэж бас бдаг.

Avatar

Зочин 2021-04-15 66.181.161.43

Залуу хүмүүст нэгийг бодогдуулж хоёрыг тунгаах юи бичсэн байна. Үнэн гэвэл ганц хазайхад нь цааш нь улам унагааж бараг шороогоор булах гээд байдаг асуудал үнэхээр харамсалтай. Үүх түүх өнгөрснөө мэддэггүй хүн ойд төөрсөн сармагчин адил гэж түүхийн багш минь их л хэлдэг байж дээ

Avatar

Болдоо 2021-04-15 103.229.122.207

Яг л миний бодож байсныг бичсэн байна. ТБД уг нь их зөв бодолтой хүн шиг байгаа юм. Оюу Толгойг шүүмжилж шалгалт оруулсаныхаа төлөө их ч адлуулсан даа. Одоо ч цаг өөр болж дээ.

Avatar

Зочин 2021-04-15 59.153.85.75

Enu hunii bichsenees ikhiig oilgohoor baina shuu. Saikhan zaluuchuud maani suuliin ued tsunkh barij, nam dagaj hen ch bish bolood baigaa. MANAN-duulaad mangar bolood baigaa daa bodmoor l um baina. Er emgui l ulstur luu zutgeh um ternii orond nomoo unshij, huuhdee zuv humuujuulmeeriin

Avatar

зочин 2021-04-15 64.119.22.143

ЕРӨНХИЙЛӨГЧИЙН ХҮНИЙГ ХАРЛУУЛАХ ГЭСЭН АЛБААР ЗОХИОН БАЙГУУЛСАН ЗАНГА БИЗ ДЭЭ, ТЭРИЙГЭЭ Л ШУУД ХЭЛЭЭЧ

Avatar

Зочин 2021-04-15 202.9.46.97

ТЭГСЭН

Avatar

жэн 2021-04-15 64.119.20.66

тиймээ тамирчин хүн тамирчингаараа бх ёстой албан тушаал огт хэрэггүй мулгуу толгой хар муухар аргаар юмыг шийдчих гээд бдг онцлогтой ард түмний шүтээн хэвээрээ тамирчин бх нь чухал түүнээс дээш мацах хэрэггүй олгой толгойтуудад даргын алба хүндэднэ хийжч чадахгүй

Avatar

Зочин 2021-04-15 192.82.78.125

Их л сайхан хүлээж авууштай зүйлийг бичжээ энэ бол мятрашгүй үнэн ард түмэн минь талцалгүй тал бүрээс нь дэмжиж сайн бодцгооё

Avatar

Зочин 2021-04-15 103.229.120.171

ARHIND BUS MAHAN TOLGOITOI MULGU MALIN HUSEN HEREG

Avatar

Монгол 2021-04-15 150.129.143.25

Ганц шил сархад гэхэд л олимпын аваргыг ч хүртэл будаа болгодгийг залуус минь сайн ойлгоосой! Хайран хоёр бөх архинд алууллаа даа…

Avatar

Зочин 2021-04-15 203.91.115.50

Занганд орсон хүний хувиар хэлж байна уу?

Avatar

Зочин 2021-04-15 192.82.72.30

Эцсийн дундээ Тувшинбаярын тархины хэмжээний л асуудал ш дээ, тархиных нь хэмжээ хангалттай байж, булчингийн массаа захирч чадсангуй дээ

Avatar

чимэг-очир 2021-04-15 202.21.98.34

бурхан өршөөг,

Avatar

Зочин 2021-04-15 66.181.182.247

Гавьяа шагнал хавтгайрч тамирчин жужигчид дуучид зэрэг мэдлэг болосрол доогуур хумуус хэт сагаж онгирох узэгдэл нийгэм ийм хор уршигтайг харуулж бн Женког дагаж далдагнаад хачин байсиймаа ер нь хэт эзтэй бх дэмий гэдэг энийг л хэлээд бг юм ардын ухаан гэж энэ

Avatar

Зочин 2021-04-15 103.229.123.208

"МАНий урвагч хорчин өвөө Багабанди шиг сургааль айлдаж тэнэгтэх нь. дуугүй л байсан нь дээр" ингэж бичдэг элий балай солиотой юмнуудаас энэ нийгмийг цэвэрлэх хэрэгтэй.Сэрүүн ч, унтаа ч, ажилгүй гиюүрч хэвтэхдээ ч улс төржиж суудаг хагас солио юмнууд их байна даа.

Avatar

Зочин 2021-04-15 59.153.85.75

Ийм мэдээг заавал улстөржүүлэх ямар хэрэг байдаг юм. Сайхан л бичсэн хүний хараагүй өнцөгнөөс л бичсэн байна. Өөрөө харин солио өвчтэй байх аа !

Avatar

Зочин 2021-04-15 103.229.123.208

Цэрэг даргаа буудаж а**а.Цэргийн дэглэлтээс болсон.Хүн зодож хүнд бэртээж танхайрна.Архи түргэн уурнаас болсон.Хүчин ярьж бахархалтайгаар баясан инээнэ.Тэнэгээсээ боллоо.Хар тамхи татна.Сайн дүү юм уучилчих ард түмэн минь,Ард түмний мөнгөнөөс хулгай хийгээд шоронд орно.Настай юм,өвчтэй юм сулалчих ч гэх шиг.Ийм байдлаар шалтаг заагаад эхэлвэл энэ нийгэмд амьдарч байгаа 3 сая 200 мянган иргэн яг ийм шалтаг зааж элдэв янзын гэмт хэрэг үйлддэг болно.Энэ бол энгийн логик байхгүй юу.

Avatar

Зочин 2021-04-15 103.26.193.227

МАНий урвагч хорчин өвөө Багабанди шиг сургааль айлдаж тэнэгтэх нь. дуугүй л байсан нь дээр.

Avatar

Зочин 2021-04-15 66.181.170.73

Ухаантай хүн бол ухаж ойлгомоор л үг байна даа.

Avatar

Зочин 2021-04-15 59.153.85.75

Юм болгоныг намтай холбож харлуулдагаа болих хэрэгтэй ! Ядаж Багабанди гуайн титэм номыг уншчихаад солиороорой

Avatar

Зочин 2021-04-15 103.10.23.124

Залуу хүн бол ирээдүйгээ бодож ойлгомоор юм. Хөгшин хүн бол үр хүүхдийнхээ амьдрах нийгмийг эрүүлжүүлмээр юм.

Avatar

Зочин 2021-04-15 103.229.123.208

Та бүхэнд тодруулбал УИХ гишүүн, зохиолч, тамирчин, жүжигчин хэн ч бай нэг л зүйлийг ойлго. Хүнийг а**х, хүнийг зодох, бэртээх, тахир дутуу болгох ямар ч тохиолдолд зөвтгөх ямар ч шалтаг шалтгаан байхгүй. Бид 1 хүний нийгэмд амьдардаггүй. 3 сая 200 мянган хүний нийгэмд амьдардаг. Олонхийн дэг журамд баригдаж амьдрана. Харин албан тушаал, эрх мэдэл, эд хөрөнгө, мөнгө, архи, хүүхэнд толгойгоо мэдүүлсэн асуудал бол хувь хүний амьдралд хандах хандлага.

Avatar

зочин 2021-04-15 43.228.131.113

Энэ бодох асуудал шүү залуус аа…Энэ 2 н зодоон хүн бүрт тохиолддог. хэн өрссөн нь зодоод буруутан болох нөхцөл байдал юм. Иймд архинаас л хол явах хэрэгтэй байна. Миний залуу насанд ийм зүйл байсаан дүү нар минь. Аага багтааж бяр амтагдаж, шар хороо барьж чадахгүй зөвхөн дийлхийн төлөө тэнэгэрэх … Гэвч өрсүүлүүл зодуулах эгзэгтэй мөч яалтай юм бэ? Час хором

NewsMN Гар утасны хувилбар Татах
NEWS.mn

Мэдээллийн эх сурвалж